• ఇండియా క్రికెట్ చరిత్రలోనే తొలిసారి ఇలా…!
    Published Date : 08-Mar-2017 7:38:22 IST

    ఇది వరకూ కూడా టీమిండియా టెస్టు ర్యాంకింగ్స్ లో తొలి స్థానాన్ని సాధించింది. ఐసీసీ ప్రకటించే ర్యాంకుల జాబితాలో నంబర్ వన్ గా నిలిచింది. అయితే.. ప్రతియేటా ఏప్రిల్ ఒకటి నాటికి ర్యాకింగ్స్ లో నంబర్ వన్ పొజిషన్ లో ఉన్న జట్టుకు ఐసీసీ అందించే భారీ ప్రైజ్ మనీని మనోళ్లు ఎప్పుడూ సాధించలేదు. ఇప్పుడు ఆ మొత్తాన్ని వన్ మిలియన్ డాలర్లకు పెంచారు. ప్రస్తుతం టీమిండియా నంబర్ వన్ గా ఉంది. ఈ జట్టుకు ఆ మొత్తం దక్కుతుందని ఐసీసీ ట్వీట్ చేసింది.

    Click Here To Read Full Article
  • భారీ డీల్… టీమిండియాకు కొత్త స్పాన్సర్..!
    Published Date : 08-Mar-2017 7:37:23 IST

    ప్రస్తుతం క్రికెట్ టీమిండియాకు అఫిషియల్ స్పాన్సర్ గా వ్యవహరించిన స్టార్ నెట్ వర్క్ ఆ ఒప్పందాన్ని ముగించుకోవడంతో.. బీసీసీఐ నిర్వహించిన వేలంలో కొత్త స్పాన్సర్ ముందుకు వచ్చింది. భారీ డీల్ తో టీమిండియాకు అఫిషియల్ స్పాన్సర్ గా మారింది “ఒప్పో’’. ఈ మొబైల్స్ తయారీ సంస్థ ఏకంగా ఒక వెయ్యి డెబ్బై తొమ్మిది కోట్ల రూపాయల భారీ డీల్ తో స్పాన్సర్షిప్ ను సంపాదించుకుంది. ఈ ఒప్పందం విలువ ఐదు సంవత్సరాలు. త్వరలోనే ఒప్పో టీమిండియాకు తన లోగోతో కొత్త జెర్సీలను విడుదల చేయనుంది.

    Click Here To Read Full Article
  • 2017 ఆస్కార్ విజేతలు వీరే..
    Published Date : 27-Feb-2017 7:21:35 IST

    ఉత్తమ చిత్రం: మూన్ లైట్, ఉత్తమ నటుడు: కేసీ అఫ్లెక్(మాంచెస్టర్ బై ద సీ), ఉత్తమ నటి: ఎమ్మా స్టోన్(లా లా లాండ్), ఉత్తమ దర్శకుడు: డామీన్ చాజెల్లె (లా లా లాండ్), ఉత్తమ సహాయ నటుడు: మహేర్షాల అలీ(మూన్లైట్), ఉత్తమ సహాయ నటి: వయోలా డేవిస్(ఫెన్సెస్), ఉత్తమ మేకప్ మరియు హెయిర్ స్టైల్: సూసైడ్ స్క్వాడ్ చిత్రం, ఉత్తమ కాస్ట్యూమ్ డిజైన్ చిత్రం: ఫెంటాస్టిక్ బీస్ట్స్, బెస్ట్ అడాప్టెడ్ స్క్రీన్ ప్లే: మూన్ లైట్, బెస్ట్ ఒరిజినల్ స్క్రీన్ ప్లే: మాంచెస్టర్ బై ద సీ.

    Click Here To Read Full Article
  • వాట్సాప్ ‘స్టేటస్’ కు కొత్త ఫీచర్లు!
    Published Date : 26-Feb-2017 8:15:54 IST

    తన ఎనిమిదో వార్షికోత్సవం సందర్భంగా వాట్సాప్ కొన్ని అదనపు ఫీచర్లను జోడిస్తోంది. ప్రత్యేకించి ‘స్టేటస్’ విషయంలో మార్పులు తీసుకొచ్చింది. ఇన్ని రోజులూ టెక్ట్స్, ఎమోజీలు మాత్రమే పెట్టుకోవడానికి వీలున్న ‘స్టేటస్’ లో ఇకపై వీడియోలు, జిప్ ఫైల్స్, ఫొటోలను కూడా పెట్టుకోవడానికి అవకాశం ఉంటుంది. ఈ విధంగా స్టేటస్ అప్ డేట్ కొత్త పుంతలు తొక్కనుంది. అలాగే.. ఇరవై నాలుగు గంటలకు ఒకసారి స్టేటస్ ఆటోమెటిక్ గా మాయం అవుతుంది, ఇంతకు ముందులా ఉండిపోదు.

    Click Here To Read Full Article
  • ఆస్ట్రేలియాకు రెండు టీమ్ లున్నట్టా!
    Published Date : 23-Feb-2017 8:36:56 IST

    తాజా సీరిస్ లో ఒకవైపు నేటి నుంచి ఇండియా- ఆస్ట్రేలియాల మధ్య తొలి టెస్టు మ్యాచ్ ఆరంభం కానుంది. పుణే వేదికగా ఈ మ్యాచ్ జరుగుతోంది. ఇదిలా ఉంటే.. నిన్ననే ఆస్ట్రేలియా శ్రీలంకతో టీ20 సీరిస్ ను పూర్తి చేసుకుంది! ఈ విధంగా ఆస్ట్రేలియా జాతీయ జట్టు రెండు దేశాల్లో మ్యాచ్ లను ఆడినట్టు అయ్యింది. టెస్టు ఫార్మాట్ కు, టీ20 ఫార్మాట్ కు పూర్తిగా వేర్వేరు జట్లతో బరిలోకి దిగుతోంది ఆస్ట్రేలియా. దీంతో.. ఒకే జాతికి రెండు జట్లు ప్రాతినిధ్యం వహిస్తున్నట్టవుతోంది.

    Click Here To Read Full Article
  • సినిమాగా రాజీవ్, సోనియా లవ్ స్టోరీ!
    Published Date : 17-Feb-2017 7:00:25 IST

    దివంగత ప్రధాని రాజీవ్ గాంధీ, కాంగ్రెస్ అధినేత్రి సోనియాగాంధీల ప్రేమకథను ఒక షార్ట్ ఫిల్మ్ గా తీస్తున్నాడొక యువ సినీ రూపకర్త. ఇందులో కరణ్వీర్ బోరా రాజీవ్ గాంధీగా, ప్రియా బెనర్జీ సోనియా గాంధీగా నటించబోతున్నారు. ఈ లఘుచిత్రానికి ‘ఇజాజత్ టైటిల్ను ఖరారు చేశారు. సోనియా, రాజీవ్ల ప్రేమకథ కేవలం ఓ ప్రేమకథగానే రాబోతోందని ఇందులో ఎలాంటి రాజకీయ విషయాలు ప్రస్తావించడంలేదని కరణ్ అన్నారు. కాన్సెప్ట్ కొత్తగా అనిపించడంతో ఇందులో నటించడానికి ఒప్పుకున్నానన్నాడు. మరి ఈ స్టోరీ విషయంలో కాంగ్రెస్ పార్టీ అభ్యంతరం వ్యక్తం చేస్తుందేమో!

    Click Here To Read Full Article
  • టెండూల్కర్ బయోపిక్ విడుదల తేదీ ఖరారు!
    Published Date : 14-Feb-2017 9:44:24 IST

    సచిన్ టెండూల్కర్ బయోపిక్ ‘సచిన్- ఏ బిలియన్ డ్రీమ్స్’ సినిమా విడుదల తేదీ ఖరారు అయ్యింది. ఈ ఏడాది మే ఇరవై ఆరో తేదీన ఈ సినిమా విడుదల కానుందని టెండూల్కర్ ట్విటర్ ద్వారా ప్రకటించాడు. ఈ మధ్య కాలంలో క్రీడాకారుల జీవిత కథల ఆధారంగా వచ్చిన పలు సినిమాలు విజయవంతం అయ్యాయి. అజహర్, ధోనీల జీవిత కథల ఆధారంగా కూడా సినిమాలొచ్చాయి. ఈ నేపథ్యంలో టెండూల్కర్ బయోపిక్ కు మంచి ఆదరణ దక్కే అవకాశాలు కనిపిస్తున్నాయి.

    Click Here To Read Full Article
  • ‘మా టీవీ’ లోగోను మార్చేస్తున్నారు!
    Published Date : 13-Feb-2017 12:14:07 IST

    నేటి రాత్రి తొమ్మిదిన్నరకు ‘మా టీవీ’ లోగోను మారుస్తున్నట్టుగా తెలుస్తోంది. ప్రస్తుతం ఉన్న ఈ లోగో స్థానే ‘స్టార్’ మార్క్ తో కూడిన లోగోను వాడనున్నారు. ఈ లోగోను మెగాస్టార్ చిరంజీవి ఆవిష్కరించారు. ఇది వరకూ కూడా కొన్నేళ్ల కిందట ఈ టీవీ చానల్ లోగో మారింది. పాత లోగోను వదిలించుకుని పదేళ్ల కిందట ప్రస్తుత లోగోనుతెచ్చారు. ఆ తర్వాత ఇటీవల స్టార్ నెట్ వర్క్ మా లో వాటాలను కొన్నది. దీంతో ఇప్పుడు లోగో రూపు మారుతోంది!

    Click Here To Read Full Article
  • తండ్రి కాబోతున్న మరో యువహీరో!
    Published Date : 31-Jan-2017 8:46:53 IST

    మరో నాలుగు నెలల్లో తను తండ్రిని కాబోతున్నాను అని తెలిపాడు హీరో నాని. తండ్రులవుతున్న యువ హీరోల జాబితాలో తను కూడా ఉన్నానని ధ్రువీకరించాడు. తను ఇంకా చిన్న పిల్లాడినే అని, తండ్రి పాత్రలో తనను తాను ఊహించుకోలేకపోతున్నాను అని.. ఈ హీరో చమత్కరించాడు. ప్రస్తుతం ‘నేను లోకల్’ సినిమా ప్రమోషన్ లో బిజీగా ఉన్నాడు ఈ హీరో. ఇందులో తను స్టూడెంట్ గా నటిస్తున్నాను అని తెలిపాడు. నిజజీవితంలో పెద్దగా చదువుకోలేదని, సినిమా లేకపోతే తను జీరో అని నాని అన్నాడు.

    Click Here To Read Full Article
  • వెంకీతో ఆగింది, రామ్ తో పట్టాలెక్కుతోంది!
    Published Date : 30-Jan-2017 10:32:33 IST

    ‘ఆడవాళ్లూ మీకు జోహార్లు’ సినిమా ఎంతకూ పట్టాలెక్కపోవడంతో రామ్ తో సినిమాను పట్టాలెక్కించాలని భావిస్తున్నాడట దర్శకుడు కిషోర్ తిరుమల. ‘నేను శైలజ’ సినిమాతో హిట్ కొట్టిన ఈ దర్శకుడు వెంకీతో సినిమా చేయడం గురించి చాన్నాళ్ల నుంచే సమాలోచనలు జరుపుతున్నాడు. అయితే ఈ సినిమా ఆలస్యం అవుతూనే ఉంది. ఈ నేపథ్యంలో తన గత చిత్ర హీరో రామ్ తో ఒక సినిమాను ప్రతిపాదన దశలోకి తీసుకొచ్చాడట కిషోర్ తిరుమల. రామ్ కూడా ఈ దర్శకుడితో సినిమాపై ఆసక్తితోనే ఉన్నాడు.

    Click Here To Read Full Article
  • చైతూ- సమంత ఎంగేజ్ మెంట్ డేట్ ఫిక్సైంది!
    Published Date : 21-Jan-2017 11:17:50 IST

    జనవరి 29… ఇదీ నాగచైతన్య – సమంత నిశ్చితార్థపు తేదీ. ఇది వరకే ఈ తేదీ గురించి ప్రచారం ఉన్నా, ఇప్పుడు దాదాపు ధ్రువీకరణ అయ్యింది. ఈ తేదీన వీరి ఎంగేజ్ మెంట్ ఫంక్షన్ ఉండబోతోందని సమాచారం. పెద్దగా హడావుడి లేకుండా ఈ కార్యక్రమం జరుగుతుందని సమాచారం. అఖిల్ నిశ్చితార్థం కూడా పెద్ద హడావుడి లేకుండానే జరిగిన విషయం విదితమే. చైతూ- సమంతల నిశ్చితార్థం కూడా అలాగే జరుగుతుందని, డెస్టినేషన్ వెడ్డింగ్ ప్లాన్ లో వివాహం జరుగుతుందని తెలుస్తోంది.

    Click Here To Read Full Article
  • భారతీయురాలిని.. ట్రంప్ కు భయపడనన్న హీరోయిన్!
    Published Date : 19-Jan-2017 7:01:26 IST

    అమెరికా అధ్యక్ష ఎన్నికల్లో నెగ్గిన ట్రంప్ ను చూసి విదేశీయులంతా భయపడుతున్న నేపథ్యంలో ఇప్పుడిప్పుడే హాలీవుడ్ లో పాగా వేస్తున్న ప్రియాంక ఆసక్తికరంగా స్పందించింది. ట్రంప్ ను చూసి భయపడుతున్నారా? అని ఒక జర్నలిస్టు అడిగిన ప్రశ్నకు ధాటిగా బదులిచ్చింది ప్రియాంక. ‘నేను భారతీయురాలిని.. భయపడను..’ అని ప్రియాంక వ్యాఖ్యానించే సరికి విలేకరి నోట మాట రాలేదు. ఈ సమాధానంతో ఒక్కసారిగా చర్చనీయాంశంగా మారింది ప్రియాంక. ఈమె సమాధానంపై ట్రంప్ కూడా స్పందించే అవకాశాలున్నాయి.

    Click Here To Read Full Article
  • మేనల్లుడితో దేవీ శ్రీ మురిపెం!
    Published Date : 02-Jan-2017 6:11:28 IST

    నూతన సంవత్సరం సందర్భంగా మేనల్లుడు తనవ్ సత్య తో ఫొటోలు దిగి సోషల్ మీడియా ద్వారా పంచుకున్నాడు సంగీత దర్శకుడు దేవీశ్రీ ప్రసాద్. మేనల్లుడి సందడితో తన తండ్రి మళ్లీ తమ మధ్యకు వచ్చిన ఆత్మీయానందం ఉందని ఈ సంగీత దర్శకుడు అన్నారు. బాబుకి తన తండ్రి పేరు సత్యమూర్తి అని పెట్టామని దేవీ తెలిపారు. మేనల్లుడిని తను డాడీ బోయ్ అని పిలుస్తానని దేవీ శ్రీ ట్వీట్ చేశారు. మేనల్లుడికి అందరి ఆశీర్వాదాలు కావాలన్నారు.

    Click Here To Read Full Article
  • కింగ్ ఫిషర్ క్యాలెండర్ -2017, హాట్ పోజులివిగో!
    Published Date : 31-Dec-2016 7:46:58 IST

    కింగ్ ఫిషర్ క్యాలెండర్.. ప్రతి యేడాది చరమాంకంలోనూ ప్రత్యేకంగా చెప్పుకునే అంశాల్లో ఒకటి. ఈ క్యాలెండర్ పై పోజులివ్వడానికి అందాలను ఆరబోసిన భామలెంతో మంది. కత్రినా, దీపిక, బ్రునా అబ్దుల్లా వంటి వారు ఈ జాబితాలో ఉన్నారు. ప్రస్తుతానికి విజయ్ మాల్యా పరారీలో ఉన్నా.. కింగ్ ఫిషర్ క్యాలెండర్ ఫొటో షూట్ మాత్రం జరిగింది. అందుకు సంబంధించిన పోటోలు ఇవి. సహజంగానే ఇవి యమ హాట్ గా ఉన్నాయి. కొందరు ప్రముఖ మోడళ్లు వీటికి పోజులిచ్చారు.

    Click Here To Read Full Article
  • లేడీ టెన్నిస్ స్టార్.. వివాహామే తరువాయి!
    Published Date : 30-Dec-2016 2:40:50 IST

    అమెరికన్ టెన్నిస్ స్టార్ సెరేనా విలియమ్స్ తన ఎంగేజ్ మెంట్ విషయాన్ని ప్రకటించింది. ప్రపంచ టెన్నిస్ చరిత్రలో తనకే ప్రత్యేకమైన రికార్డులను కలిగి ఉన్న ఈ భామ వివాహమే తరువాయి అంటోంది. ‘రెడిట్’ సహ వ్యవస్థాపకుడు అలెక్సిన్ ఒహానియన్ తో నిశ్చితార్థం జరిగిందని సెరేనా తెలిపింది. అతడు పెళ్లి ప్రపోజల్ తీసుకొచ్చాడని తను కాదనలేకపోయానని వివరించింది. ఇప్పటికే ఎంగేజ్ మెంట్ జరిగిందని ఆమె ధ్రువీకరించింది. సెరేనా వయసు 35 కాగా, ఆమెకు కాబోయే భర్త వయసు 33 సంవత్సరాలు.

    Click Here To Read Full Article