• వైఎస్సార్ కాంగ్రెస్ పార్టీ నేత మరణం
    Published Date : 30-Sep-2017 8:52:53 IST

    వైఎస్సార్ కాంగ్రెస్ పార్టీ రైల్వే కోడూరు నియోజకవర్గం నేత కొల్లం బ్రహ్మానంద రెడ్డి శుక్రవారం కన్నుమూశారు. అనారోగ్య కారణం చేత ఆయన మరణించినట్టుగా తెలుస్తోంది. ఎస్సీ రిజర్వ్డ్ నియోజకవర్గం అయిన రైల్వే కోడూరులో నియోజకవర్గ ఇన్ చార్జిగా ఉండినారు బ్రహ్మానందరెడ్డి. ఎమ్మెల్యే కానప్పటికీ నియోజకవర్గంలో క్రియాశీలంగా వ్యవహరించారీయన. గతంలో కాంగ్రెస్ పార్టీ తరఫున అనంతరం వైఎస్సార్ కాంగ్రెస్ పార్టీ తరఫున పని చేశారు. బ్రహ్మానందరెడ్డి మరణంపై జగన్ దిగ్భ్రాంతి వ్యక్తం చేశారు.

  • కమల్‌పై దుమ్మెత్తి పోసిన స్టాలిన్!
    Published Date : 27-Sep-2017 10:37:58 IST

    నటుడు కమల్ హాసన్ పై దుమ్మెత్తి పోశాడు డీఎంకే నేత స్టాలిన్. మొన్నటి వరకూ కమల్ తో స్టాలిన్ కు సన్నిహిత సంబంధాలే ఉండేవి. అయితే డీఎంకే కూడా అవినీతి మయమైన పార్టీ అని కమల్ వ్యాఖ్యానించాడు. ఈ నేపథ్యంలో స్టాలిన్ విరుచుకుపడ్డాడు. కమల్ కు పిచ్చి పట్టిందని అన్నాడు. రాజకీయాల్లోకి ఎవరైనా రావొచ్చు అని.. కానీ పిచ్చి వాళ్లు మాత్రం రాకూడదని, కమల్ అలాంటి పిచ్చివాడు అని.. స్టాలిన్ వ్యాఖ్యానించాడు. ఒకసారి ఖాకీ అని మరోసారి కాషాయం అని కమల్ పొంతన లేకుండా మాట్లాడుతున్నాడని ఈ పొలిటీషియన్ అన్నాడు.

  • గుర్మీత్ ఆస్తుల విలువ.. వందలు కాదు, వేల కోట్లలో!
    Published Date : 27-Sep-2017 10:36:14 IST

    అత్యాచారం కేసులో శిక్షను ఎదుర్కొంటున్న డేరా సచ్ఛా సౌధా బాబా గుర్మీత్ రామ్ రహీమ్ సింగ్ ఆస్తుల విలువ సుమారు రూ.1,600 కోట్లు అని హర్యానా ప్రభుత్వం తేల్చింది. ఈ మేరకు గుర్మీత్ వ్యవహారాలపై విచారణ సాగిస్తున్న హై కోర్టుకు ప్రభుత్వం ఒక నివేదిక ఇచ్చింది. ఈ భారీ ఆస్తుల నంబర్ నేపథ్యంలో.. వీటిపై విచారణ జరిపించాలని ప్రభుత్వాన్ని కోర్టు ఆదేశించింది. సీబీఐ, ఈడీలకు ఈ మేరకు ఆదేశాలు జారీ చేసింది. ఈ ఆస్తులన్నీ హర్యానా పరిధిలోనివే, బయట మరిన్ని ఉన్నాయని ప్రభుత్వం పేర్కొందని సమాచారం.


  • Widget not in any sidebars
  • హీరోయిన్ రేప్‌కి.. హీరో మూడు కోట్ల ఆఫర్!
    Published Date : 27-Sep-2017 10:33:34 IST

    మలయాళీ నటిని రేప్ చేయించడానికి స్టార్ హీరో దిలీప్ ఏకంగా మూడు కోట్ల రూపాయలను ఆఫర్ చేసినట్టుగా తెలుస్తోంది. ఈ మేరకు పోలీసులకు ఆధారాలు దొరికాయని సమాచారం. పల్సర్ సునీ అనే వ్యక్తిని నియమించి నటిని అత్యాచారం చేయించి, దాడి చేయాలనేది హీరో ప్రణాళిక. ఆ తతంగాన్ని వీడియో కూడా తీయాలని దిలీప్ ఆదేశించారట. పోలీసులకు దొరికితే మూడు కోట్లు, దొరకకపోతే కోటిన్నర మాత్రమే ఇస్తానని దిలీప్ ఆఫర్ చేశాడట. హై కోర్టులో దిలీప్ బెయిల్ పిటిషన్ నేపథ్యంలో ఈ ప్రచారం ఊపందుకుంది.

  • రూ.250 కోట్ల ప్రాజెక్టు ఆగలేదా..ఇంకో హీరోయిన్!
    Published Date : 25-Sep-2017 6:31:21 IST

    అంత భారీ బడ్జెట్ తో సినిమా తీస్తామని అంటే..దానికి ఫైనాన్షియల్ కష్టాలు వస్తాయని అనుకున్నారు కానీ ఇలా హీరోయిన్ విషయంలో ఇబ్బంది వస్తుందని ఎవరూ అనుకోలేదు. ఇది సంఘమిత్ర సినిమా విషయంలో. ఇందులో శ్రుతిహాసన్ నటిస్తుందని ప్రకటించడం, తర్వాత ఆమె తప్పుకోవడం తెలిసిన సంగతే. మరి అంతటితో ఈ సినిమా ఆగిపోయిందని అంతా అనుకున్నారు. అయితే ఇప్పుడు దిశా పటానీ ఈ నటించబోతోందని వార్తలు వస్తున్నాయి. దిశ ప్రధాన పాత్రలో నటిస్తుందని, ఈ సినిమ త్వరలోనే పట్టాలెక్కుతుందని అంటున్నారు.

  • ఇలియానా చేసిన తప్పులు అవేనట..!
    Published Date : 25-Sep-2017 6:23:30 IST

    తను సబ్జెక్టులను ఎంచుకోవడంలో కొన్ని తప్పులు చేశాను.. అని అంటోంది ఇలియానా. ఉన్నట్టుండి ఈమె తన గత ఎంపికల గురించి మాట్లాడింది. ప్రత్యేకించి కొన్ని తెలుగు, తమిళ సినిమాల విషయంలో తను తప్పు చేశానని ఇలియానా చెప్పింది. ఆ సబ్జెక్టులను ఎంచుకోకుండా ఉండాల్సింది అని, కానీ అప్పట్లో తనకు అవగాహన లేదు, ఇన్ని తెలివి తేటలు లేకపోయాయని ఇలియానా చెప్పుకొచ్చింది. ఇక నుంచి తాను అల్లాటప్పా సినిమాలను ఎంచుకోను అని, క్యారెక్టర్ ఇంపార్టెన్స్ ఉన్న పాత్రలనే ఎంచుకుంటానని చెప్పుకొచ్చింది.


  • Widget not in any sidebars
  • ఆయనపై నిప్పులు చెరిగిన ఆర్ఎస్ఎస్!
    Published Date : 25-Sep-2017 6:21:04 IST

    మాజీ ఉపరాష్ట్రపతి హమీద్‌ అన్సారీపై విశ్వ హిందూ పరిషత్‌ మండిపడింది. ఓ ఉగ్రవాద సంస్థతో సంబంధాలు ఉన్నాయని అనుమానిస్తున్న సంస్థ నిర్వహించిన కార్యక్రమానికి ఎలా వెళ్లారని అన్సారీని సంఘ్ ప్రశ్నించింది. ఆయన కావాలనే ఇలా చేస్తున్నారని విరుచుకుపడింది. పాపులర్‌ ఫ్రంట్‌ ఆఫ్‌ ఇండియా అనే సంస్థ నిర్వహించిన కార్యక్రమంలో అన్సారీ పాల్గొన్నారు. ఆ సంస్ధకు ఉగ్రవాద సంస్థతో సంబంధాలు ఉన్నట్లు నిఘా వర్గాలు అనుమానిస్తున్నాయి. కానీ అన్సారీ హాజరయ్యారు. ఈ నేపథ్యంలో సంఘ్ ఘాటుగా స్పందించింది.

  • రాజీనామా.. కేసీఆర్ చెప్పినప్పుడు..!
    Published Date : 23-Sep-2017 9:52:02 IST

    నల్లగొండ ఎంపీ పదవికి గుత్తా సుఖేందర్ రెడ్డి రాజీనామా చేయనున్నాడనేది గత కొన్నాళ్లుగా వినిపిస్తున్న మాట. మరి ఈ అంశంపై తాజాగా సుఖేందర్ రెడ్డి స్పందించాడు. తన రాజీనామా అంశం తన చేతిలో ఏమీ లేదని ఆయన చెప్పాడు. ముఖ్యమంత్రి కేసీఆర్ చెప్పినప్పుడు తను రాజీనామా చేస్తాను అని.. ఆయన ప్రకటించాడు. ఇందులో రెండో ఆలోచన ఏమీ లేదని ఆయన స్పష్టం చేశాడు. ముఖ్యమంత్రి ఎప్పుడంటే అప్పుడే తన రాజీనామా అని సుఖేందర్ రెడ్డి తేల్చి చెప్పాడు.

  • ‘బాబా తో నా భార్యకు అక్రమ సంబంధముంది’
    Published Date : 23-Sep-2017 9:50:22 IST

    తన భార్య హనీ ప్రీత్ కు డేరా సచ్ఛా సౌధా బాబా గుర్మీత్ సింగ్ రామ్ రహీమ్ తో అక్రమ సంబంధం ఉందని వ్యాఖ్యానించాడు విశ్వాస్ గుప్తా. ప్రస్తుతం హనీప్రీత్ పరారీలో ఉన్న సంగతి తెలిసిందే. ఈ నేపథ్యంలో మీడియా ముందుకు వచ్చిన విశ్వాస్.. హనీప్రీత్ పై ఆరోపణలు చేశాడు. బయటి ప్రపంచానికి హనీప్రీత్ ను తన దత్తపుత్రికగా గుర్మీత్ ప్రచారంచేశాడు అని, కానీ.. అతడికి, ఆమెకు అక్రమసంబంధం ఉందని విశ్వాస్ వ్యాఖ్యానించాడు. ఈ విషయమై తను 2011లోనే కోర్టుకు వెళ్లినట్టుగా పేర్కొన్నాడు.


  • Widget not in any sidebars
  • వైఎస్సార్ కుటుంబం.. సభ్యుల సంఖ్య ఎంతంటే..
    Published Date : 23-Sep-2017 9:48:06 IST

    ‘వైఎస్సార్‌ కుటుంబం’ కార్యక్రమానికి విశేష స్పందన లభిస్తోందని వైఎస్ఆర్ కాంగ్రెస్ ప్రకటించింది. ఇప్పటి వరకూ… 11 రోజుల్లో 38 లక్షల మంది వైఎస్సార్ కుటుంబంలో చేరారని తెలిపింది. సెప్టెంబర్ 11న ప్రారంభమైన ఈ కార్యక్రమం అక్టోబర్‌ 2వ తేదీ వరకు కొనసాగుతుందని వివరించింది. దీనిపై ఈనెల 24న మధ్యంతర సమీక్ష నిర్వహించాలని పార్టీ అధ్యక్షుడు వైఎస్‌ జగన్‌మోహన్‌రెడ్డి నిర్ణయించారని తెలిపింది. లండన్‌ నుంచి తిరిగొచ్చిన ఆయన శుక్రవారం పార్టీ కేంద్ర కార్యాలయంలో సీనియర్‌ నాయకులు, ముఖ్య నేతలతో భేటీ అయ్యారు.

  • రాజధానికి రాజమౌళి సలహాల.. ఇది కామెడీ!
    Published Date : 21-Sep-2017 4:01:47 IST

    ఏపీ నూతన రాజధాని విషయంలో భవన నిర్మాణాలకు సినీ దర్శకుడు రాజమౌళి సలహాలు తీసుకోవడానికి ప్రధాన ప్రతిపక్షం వైఎస్సార్ కాం్గరెస్ పార్టీ తప్పు పట్టింది. ఇదంతా హాస్యాస్పద విషయం అని వైకాపా నేత జోగి రమేశ్ వ్యాఖ్యానించాడు. ఈ విషయంలో బాబు తీరుపై మొదటి నుంచి విమర్శలు వస్తున్న సంగతి తెలిసిందే. స్వయంగా రాజమౌళి కూడా తనకు ఏం అవగాహన లేదు అని, తను చదివింది ఇంటర్మీడియట్ మాత్రమే అని చెప్పాడు. గతంలో సంప్రదించినప్పుడు ఆయన అదే విషయాన్ని చెప్పాడు. అయితే.. బాబు మాత్రం వెనక్కు తగ్గక రెండోసారి సంప్రదించడం తెలిసిన సంగతే.

  • కమల్, కేజ్రీ భేటీ.. ఎయిర్ పోర్టుకెళ్లిన అక్షర!
    Published Date : 21-Sep-2017 3:58:24 IST

    ఆమ్ ఆద్మీ పార్టీ కన్వీనర్ కేజ్రీవాల్, తమిళ స్టార్ హీరో కమల్ హాసన్ ల భేటీ ఆసక్తిని రేపుతోంది. తను రాజకీయాల్లోకి వస్తున్నాను అని కొత్త పార్టీ పెడుతున్నాను అని కమల్ ప్రకటించిన నేపథ్యంలో కేజ్రీ ఆయనతో సమావేశం అయ్యాడు. ఇది వరకూ ఆప్ ఢిల్లీలో అధికారం సాధించిన కొత్తలో కమల్ కేజ్రీతో సమావేశం అయ్యాడు. ఇప్పుడు ఆప్ కన్వీనరే చెన్నై వచ్చి కమల్ తో సమావేశం అయ్యాడు. ఇదంతా కమల్ ను పార్టీలోకి ఆహ్వానించే ప్రయత్నమే అని వార్తలు వస్తున్నాయి. కమల్ కూతురు అక్షర్ ఎయర్‌పోర్టుకు వెళ్లి కేజ్రీకి స్వాగతం పలకడం గమనార్హం.


  • Widget not in any sidebars
  • మోడీకి సోనియా లేఖ.. సబ్జెక్ట్ ఏంటంటే..
    Published Date : 21-Sep-2017 3:53:47 IST

    ప్రధానమంత్రి మోడీకి కాంగ్రెస్ అధినేత్రి సోనియాగాంధీ లేఖ రాశారు. మహిళా బిల్లు విషయంలో చొరవ చూపాలని మోడీని కోరుతూ సోనియా ఈ లేఖను రాశారు. రాజ్యసభలో ఆమోదం పొందిన మహిళా బిల్లు లోక్ సభలో పాస్ అయ్యేలా చూడాలని అన్నారు. ఈ విషయంలో కాంగ్రెస్ పార్టీ మద్దతు ఉంటుందని సోనియా తెలిపారు. యూపీఏ హయాంలో రాజ్యసభలో మహిళా బిల్లు పాస్ అయ్యింది. అయితే లోక్ సభలో ఆ బిల్లుకు మోక్షం లభించడం లేదు. ఈ నేపథ్యంలో సోనియా మోడీకి లేఖ రాశారు.

  • చంద్రబాబుకు హై కోర్టు నోటీసులు!
    Published Date : 19-Sep-2017 8:44:07 IST

    ఒకవైపు నదులను పరిరక్షించాలని అంటూ.. రెండు రోజుల క్రితం ప్రత్యేక ప్రోగ్రామ్ ను నిర్వహించింది ఏపీ ప్రభుత్వం. మరి ఇంతలోనే నదీ తీరాన్ని కలుషితం చేస్తున్న వైనం గురించి ముఖ్యమంత్రి చంద్రబాబుకు నోటీసులు జారీ కావడం గమనార్హం. ప్రస్తుతం ఏపీ ముఖ్యమంత్రి ఉంటున్న అధికారిక నివాసం నదీతీరంలోనే ఉంది. అది అక్రమ కట్టడం కూడా. ఈ నేపథ్యంలో ఈ విషయంలో ఒక ప్రజాప్రయోజనం దాఖలైంది. బాబుతో సహా మొత్తం 57 మందికి నోటీసులు జారీ చేసింది హై కోర్టు. మూడు వారాల్లోగా వివరణ ఇవ్వాలని ఆదేశించింది.

  • పెళ్లి విషయంలో సమంత ఎగ్జయిట్‌మెంట్!
    Published Date : 19-Sep-2017 8:42:05 IST

    వివాహం విషయంలో తన ఎగ్జయిట్ మెంట్ ను చాటుకుంటోంది సమంత. పెళ్లి తేదీ దగ్గరపడుతుండటంతో అందుకు సంబంధించిన ఏర్పాట్లలో ఉంది ఈ భామ. మరి ఏర్పాట్లు అంటే.. ఇవన్నీ సమంత పర్సనల్స్. తన పెళ్లిదుస్తులు, అప్పీరియన్స్ గురించి. తాజాగా సమంత తన పెళ్లి డ్రస్ ను ఇన్‌స్టాగ్రమ్ లో షేర్ చేసింది. దీన్ని క్రేశా బజాజ్ డిజైన్ చేసినట్టుగా సమంత పేర్కొంది. లవ్ స్టోరీ లెహంగాలు చాలా బాగున్నాయని సమంత తన సంతోషాన్ని చాటుకుంది. చాలా ఎగ్జయిటింగ్ ఉందని సమంత ట్వీట్ చేసింది.