• అబ్బే.. తన దగ్గర అన్ని వందల కోట్లు లేవన్న హీరో!
    Published Date : 27-Jun-2017 9:36:43 IST

    ఫోర్బ్స్ జాబితాలో తనను అత్యంత సంపన్న సినీ సెలబ్రిటీల్లో ఒకరిగా పేర్కొనడాన్ని సల్మాన్ కొట్టిపడేశాడు. తమ దగ్గర నిజంగా అంతంత డబ్బులు ఉండవని సల్లూ చెప్పుకొచ్చాడు. ఫోర్బ్స్ ప్రకటనలు విన్నప్పుడల్లా నిజంగా నా దగ్గర అంత డబ్బుందా అనే ఆలోచన వస్తుందని సల్లూ వ్యాఖ్యానించాడు. ఇటీవల ఫోర్బ్స్ ప్రకటించిన ధనికులైన సినీ సెలబ్రిటీల్లో సల్లూకి 71వ స్థానం దక్కింది. అంతర్జాతీయ స్థాయి టాప్ హండ్రెడ్ లో సల్లూ ఒకడిగా నిలిచాడు. అయితే తన దగ్గర అంత డబ్బులేదని ఈ హీరో అంటున్నాడు.

  • రజనీపై అమిత్ షా సన్నాయి నొక్కులు!
    Published Date : 27-Jun-2017 9:35:42 IST

    మొన్నటి వరకూ రజనీ కాంత్ విషయంలో చాలా సానుకూలంగా మాట్లాడుతూ వచ్చిన బీజేపీ పెద్దలు ఇప్పుడు మాట మారుస్తున్నారు. రజనీ ఎలాగూ కమలం గూటికి వచ్చేలా లేడని స్పష్టం అవుతున్న నేపథ్యంలో కమలనాథులు విభిన్నంగా స్పందిస్తున్నారు. తాజాగా అమిత్ షా మాట్లాడుతూ.. ఒకవేళ రజనీకాంత్ తమ పార్టీలోకి వస్తాను అని అంటే.. రాష్ట్ర నాయకత్వం అభిప్రాయాన్ని తీసుకుని చేర్చుకుంటామని చెప్పుకొచ్చాడు. స్థానిక నేతలను సంప్రదించి నిర్ణయం ప్రకటిస్తామని షా చెప్పుకొచ్చాడు. ఒకవేళ రజనీ తమపార్టీలోకి చేరకపోతే తమ వ్యూహాలు తమకున్నాయని అన్నాడు.

  • టీడీపీ నుంచి ఆయన సస్పెన్షన్!
    Published Date : 27-Jun-2017 9:33:36 IST

    గత కొంతకాలంగా జేసీ సోదరులపై కారాలూమిరియాలు నూరుతున్న తాడిపత్రి మున్సిపల్ కౌన్సిలర్ జయచంద్రారెడ్డిపై టీడీపీ వేటు వేసింది. ఆయనను మూడు నెలల పాటు పార్టీ నుంచి సస్పెండ్ చేస్తున్నట్టుగా టీడీపీ ప్రకటించింది. జేసీ ప్రభాకర్ రెడ్డి మున్సిపాలిటీలో అవినీతికి పాల్పడ్డాడని జయచంద్రా రెడ్డి ఆరోపించాడు. అయితే టీడీపీ ఆ వాదనను ఒప్పుకోలేదు. క్షమాపణలు చెప్పాలని ఆదేశించింది. అయితే జయచంద్రారెడ్డి ఆ ఆదేశాన్ని ఖాతరు చేయకపోవడంతో టీడీపీ ఆయనను పార్టీ నుంచి సస్పెండ్ చేసినట్టుగా ప్రకటన విడుదల చేసింది.

  • రజనీ రాజకీయ ప్రవేశంపై ధనుష్ స్పందన ఏమిటంటే!
    Published Date : 26-Jun-2017 12:46:15 IST

    వీఐపీ 2 ప్రచార పర్వంలో ఉన్న ధనుష్ ను రజనీ రాజకీయ ప్రవేశం గురించి అడిగింది మీడియా. అయితే సమాధానాన్ని దాటవేయబోయాడు ఈ హీరో. ఈ కార్యక్రమానికి పంపిన ఆహ్వాన ప్రకటనలోనే రాజకీయం గురించి అడగొద్దు అని స్పష్టం చేశామని ధనుష్ అన్నాడు. అయితే వదలని మీడియా నటులు రాజకీయాల్లోకి రావాల్సిన అవసరం ఉందని అనుకుంటున్నారా అని ప్రశ్నించగా, నటులు రాజకీయాల్లోకి రాకూడదని మీరు చెప్పగలరా? అని ఎదురు ప్రశ్నించాడు. తన మామ రాజకీయాల్లోకి రావడాన్ని పరోక్షంగా స్వాగతించేశాడు

  • కాజల్.. దేన్నీ కాదనడం లేదు, క్యాష్ చేసుకుంటోంది!
    Published Date : 26-Jun-2017 12:44:50 IST

    క్వీన్ సినిమా రీమేక్.. ఈ సినిమా ప్రతిపాదనలోకి వచ్చి చాలా కాలం గడిచిపోయింది. ఈ ప్రాజెక్టును పట్టాలెక్కించడంలో నిర్మాత త్యాగరాజన్ సక్సెస్ కాలేకపోతున్నాడు. ఒకదశలో తమన్నా క్వీన్ రీమేక్ కు ఓకే చెప్పినా ఆ తర్వాత ఆమె తప్పుకుంది. ఇక అంతలోనే క్వీన్ రీమేక్ రైట్స్ విషయంలో వివాదం రేగింది. ఇంత కాలం తర్వాత క్వీన్ ను రీమేక్ చేసినా అది సత్తా చాటుతుందనే నమ్మకమూ పోయింది. అయినప్పటికీ ఆ రీమేక్ లో నటించడానికి సై అంటోందట కాజల్. తను తెలుగు, తమిళ క్వీన్ లో నటించబోతున్నానని ఆమె ప్రకటించేసింది.

  • సినీ స్టార్లను దాటేసి.. మోడీ తర్వాతి స్థానంలో..!
    Published Date : 26-Jun-2017 12:42:45 IST

    ఫేస్ బుక్ ఫాలోయర్ల విషయంలో సరి కొత్త ఫీట్ ను సాధించాడు విరాట్ కొహ్లీ. ఏకంగా మూడు కోట్లా యాభై ఏడు లక్షల మంది పై స్థాయిలో ఫాలోయర్లతో విరాట్ కొత్త హైట్స్ కు చేరాడు. ఈ విషయంలో మోడీ తర్వాతి స్థానంలో నిలిచాడు విరాట్. ప్రధాని ఫేస్ బుక్ పేజీకి గానూ నాలుగు కోట్ల మంది ఫాలోయర్లను కలిగి ఉండగా విరాట్ ఆ తర్వాతి స్థానంలో ఉన్నాడు. సల్మాన్ మూడో స్థానంలో ఉన్నాడు, విరాట్ కన్నా ఆరు లక్షల మంది తక్కువ ఫాలోయర్లను కలిగి ఉన్నాడు సల్లూ.

  • రజనీకాంత్ పై బీజేపీ ఎంపీ తీవ్ర వ్యాఖ్యలు..
    Published Date : 24-Jun-2017 6:26:25 IST

    బీజేపీ ఎంపీ సుబ్రమణ్య స్వామి సూపర్ స్టార్ రజనీపై మరోసారి ధ్వజమెత్తారు. రజనీ రాజకీయాల్లోకి వద్దంటూ స్వామి తీవ్ర వ్యాఖ్యలు చేశారు. ‘రజనీకాంత్ నిరక్షరాస్యుడు. ఆయన రాజకీయాలకు సరిపోరు. ప్రస్తుత రాజకీయ పరిస్థితులు ఎలా ఉన్నాయో రజనీకి తెలియదు. ఒకవేళ ఆయన రాజకీయాల్లోకి వస్తే హానికరమైన ఇబ్బందుల్ని ఎదుర్కోవాల్సి వస్తుంది…’ అని స్వామి అన్నారు. రజనీకాంత్ ఆర్థిక అవతవకాల్లో భాగస్వామి అని కూడా స్వామి అన్నారు. ఆయన రాజకీయాల్లోకి వస్తే ఆ వ్యవహారాలన్నీ కూడా బయటకు వస్తాయని స్వామి వ్యాఖ్యానించడం గమనార్హం. బీజేపీ మాత్రం రజనీ రాజకీయాల్లోకి రావాలని కోరుతోంది.

  • సమంత విషయంలో కేటీఆర్ వివరణ!
    Published Date : 24-Jun-2017 6:25:14 IST

    సమంతను తెలంగాణలో చేనేతకు బ్రాండ్ అంబాసిడర్ గా నియమించడంపై విమర్శలు వస్తున్న క్రమంలో మంత్రి కేటీఆర్ మరోసారి వివరణ ఇచ్చారు. నాగార్జున, కేటీఆర్ ల మధ్య సాన్నిహిత్యం నేపథ్యంలో సమంతను బ్రాండ్ అంబాసిడర్ గా నియమించినట్టుగా కాంగ్రెస్ నుంచి విమర్శలు వస్తున్నాయి. ఈ నేపథ్యంలో కేటీఆర్ స్పందిస్తూ.. ఫ్యాషన్ డిజైనింగ్ రంగంలో వస్తున్న అధునాతన మార్పులకు అనుగుణంగా చేనేత వస్త్రాలను ఉత్పత్తి చేస్తేనే ఈ రంగానికి మనుగడ ఉంటుందని, అందుకే నేటి తరం నటి సమంతను బ్రాండ్ అంబాసిడర్ గా నియమించినట్టుగా కేటీఆర్ చెప్పుకొచ్చారు.

  • హెచ్ వన్ బీ వీసాలపై అమెరికా ఆసక్తికర ప్రకటన!
    Published Date : 24-Jun-2017 6:23:48 IST

    డొనాల్డ్ ట్రంప్ అమెరికా అధ్యక్షుడు అయ్యాకా హెచ్ వన్ బీ వీసాలపై పరిమితులు తీసుకొచ్చే చట్టాన్ని ప్రతిపాదించిన సంగతి తెలిసిందే. తాజాగా ప్రధానమంత్రి నరేంద్రమోడీ అమెరికా పర్యటనకు వెళ్లిన నేపథ్యంలో దీనిపై వైట్ హౌస్ అధికారులు ఆసక్తికరంగా స్పందించారు. హెచ్ వన్ బీ వీసాల విషయంలో భారత్ నుంచి ఏదైనా సలహాలు, సూచనలు వస్తే వాటిని పరిశీలిస్తామని, ట్రంప్ సానుకూలంగా స్పందించే అవకాశం ఉందని వైట్ హౌస్ పేర్కొంది. ఇప్పటి వరకూ అయితే భారత్ నుంచి వీసాల విషయంలో ఎలాంటి స్పందనా రాలేదని వైట్ హౌస్ పేర్కొంది.

  • క్రికెట్ లో మరో రెండు దేశాలకు టెస్టు హోదా!
    Published Date : 23-Jun-2017 10:14:52 IST

    తమ ఆట తీరుతో అందరినీ ఆకట్టుకుంటున్న రెండు దేశాల క్రికెట్ జట్లు టెస్టు హోదాను పొందాయి. ఈ మేరకు ఐసీసీ వాటికి టెస్టు హోదాను ఇస్తూ ఉత్తర్వులను జారీ చేసింది. ఇలా ప్రమోషన్ పొందాయి ఐర్లాండ్, అప్ఘానిస్తాన్ క్రికెట్ జట్లు. ఐర్లాండ్ జట్టు చాలా కాలం నుంచి మంచి ఆట తీరును ప్రదర్శిస్తోంది. టెస్టు హోదా కలిగిన జట్లను ఓడించి సత్తాచాటింది. ఇక అంతర్జాతీయ క్రికెట్ లోకి అడుగుపెట్టిన అతి తక్కువ కాలంలోనే అప్ఘానిస్తాన్ తన సత్తా చూపెడుతోంది. ఇప్పుడు టెస్టు హోదా కూడా పొంది సరికొత్త ఉత్సాహాన్ని సంతరించుకుంది.

  • మహానటిలో జెమిని గణేషన్ పాత్రలో ఆ హీరోనే!
    Published Date : 23-Jun-2017 10:12:41 IST

    సావిత్రి బయోపిక్ మహానటి సినిమాలో కీలకమైన జెమిని గణేషన్ పాత్రలో నటించబోయేది ఎవరనే అంశంపై ఇది వరకూ అనేక రకాల వార్తలు రాగా ఇప్పుడు ఆ పాత్రలో కనిపించబోయేది ఎవరో పూర్తి స్పష్టత వచ్చింది. ఆ పాత్రలో మలయాళీ హీరో దుల్కర్ సల్మాన్ నటించబోతున్నాడని స్పష్టమైంది. ప్రస్తుతం ఆ హీరో మహానటి షూటింగ్ లో పాల్గొంటున్నాడు కూడా. ఈ పాత్రను చేయాల్సిందిగా సూర్యను కోరగా ఆయన తిరస్కరించాడు. ఇక మరోవైపు ఈ సినిమాలో సీనియర్ ఎన్టీఆర్ పాత్రలో జూనియర్ ఎన్టీఆర్ నటించబోతున్నాడనే ప్రచారం జరుగుతోంది.

  • సల్మాన్ సినిమాపై నెగిటివ్ టాక్!
    Published Date : 23-Jun-2017 10:10:50 IST

    రంజాన్ మాసంలో సల్మాన్ సినిమాలు వచ్చి సంచలన విజయాలు సాధించడం కొత్తేమీ కాదు. అయితే ఈ ఏడాది మాత్రం అది జరిగేలా లేదని అంటున్నారు సినీ విమర్శకులు. సల్లూ హీరోగా వచ్చిన ‘ట్యూబ్ లైట్’ పై నెగిటివ్ టాక్ వినిపిస్తోంది. ఈ సినిమా ఆకట్టుకోవడం లేదని విమర్శకులు అంటున్నారు. సినీ క్రిటిక్, బాక్సాఫీస్ ఎనలిస్టు తరణ్ ఆదర్శ్ అయితే ఈ సినిమా ఫెయిల్యూర్ అనే శాడు. బాడీ బాగుంది కానీ సినిమాకు సోల్ లేదని అభిప్రాయాడు.అయితే రంజాన్ ఎఫెక్ట్ తో ఈ సినిమా వసూళ్లకు లోటు లేకపోవచ్చు.

  • రాష్ట్రపతి ఎన్నిక ఏకగ్రీవం అయ్యేలా లేదు!
    Published Date : 21-Jun-2017 8:57:59 IST

    తాము ప్రతిపాదించిన అభ్యర్థిని ఏకగ్రీవంగా గెలిపించుకోవాలని ఎన్డీయే చేస్తున్న ప్రయత్నాలకు ఫలితం దక్కేలా లేదు. రాష్ట్రపతి ఎన్నిక ఏకగ్రీవంగా ముగిసేలా లేదు. విపక్షాల అభ్యర్థి కచ్చితంగా పోటీలో ఉండేలా ఉన్నాడు. కాంగ్రెస్ పార్టీ షిండే, మీరా కుమార్ లలో ఎవరో ఒకరిని బరిలో నిలపడం దాదాపు ఖాయమైనట్టే. అలాగే కమ్యూనిస్టు పార్టీలు కూడా కాంగ్రెస్ అభ్యర్థికి మద్దతుగా నిలవనున్నామని స్పష్టం చేశారు. కాంగ్రెస్ కాదంటే తామే సొంతంగా అభ్యర్థిని బరిలో నిలుపుతామని కూడా ఎర్రన్నలు ప్రకటించారు. దీంతో రాష్ట్రపతి ఎన్నిక ఏకగ్రీవం అయ్యే సమస్యే లేదని స్పష్టం అవుతోంది.

  • చిరంజీవి సినిమాకు ఆ మ్యూజిక్ డైరెక్టర్?
    Published Date : 21-Jun-2017 8:56:20 IST

    ఉయ్యాలవాడ నరసింహా రెడ్డి బయోపిక్ కు గానూ అసాధారణ నటీనటులను, నిపుణులను పని చేయించుకోవాలని భావిస్తున్నాడట ఆ సినిమా నిర్మాత రామ్ చరణ్. ఇప్పటికే ఈ సినిమా లో నటీమణులుగా ఐశ్వర్యరాయ్, ప్రియాంక చోప్రా, అనుష్కా షెట్టి వంటి వాళ్ల కోసం ప్రయత్నాలు చేస్తుండగా, ఇప్పుడు సంగీత దర్శకుడిగా ఏఆర్ రెహమాన్ పేరు వినిపిస్తోంది. ఆస్కార్ అవార్డు గ్రహీత కూడా అయిన రెహమాన్ ప్రత్యేకతేమిటో వివరించనక్కర్లేదు. ఆయనను ఉయ్యాలవాడ సినిమాకు పని చేయించాలని చరణ్ భావిస్తున్నాడట. బడ్జెట్ విషయంలో రాజీ లేకుండా ప్రముఖుల చేత పని చేయించుకుంటున్నారు.

  • నాగ్ పాటే.. అఖిల్ సినిమా టైటిల్..!
    Published Date : 21-Jun-2017 8:54:54 IST

    విక్రమ్ కే కుమార్ దర్శకత్వంలో అఖిల్ హీరోగా నటిస్తున్న సినిమా టైటిల్ విషయంలో ఇప్పటికే చాలా పేర్లు వినిపించాయి. అయితే అవన్నీ ఉత్తుత్తి పేర్లే. చివరకు ఈ సినిమా కు టైటిల్ కన్ఫర్మ్ అయ్యిందని సమాచారం. ఈ సినిమాకు ‘హలో గురూ ప్రేమ కోసమే..’ అనే టైటిల్ ను ఖరారు చేసినట్టుగా వార్తలు వస్తున్నాయి. నాగ్, అమల జంటగా నటించిన నిర్ణయం సినిమాలోని సూపర్ హిట్ సాంగ్ స్ఫూర్తితోనే ఈ సినిమాకు టైటిల్ ను ఖరారు చేసినట్టుగా తెలుస్తోంది. ఇప్పటికే టైటిల్ రిజిస్ట్రేషన్ జరిగిందని సమాచారం.