• అక్రమసంబంధం గోల.. హీరోకే అందరి మద్దతు!
    Published Date : 09-Oct-2017 7:18:51 IST

    బాలీవుడ్ లో కొన్ని నెలలుగా హాట్ టాపిక్ గా నిలుస్తున్న హృతిక్ రోషన్, కంగనా రనౌత్ ల వ్యవహారంలో చాలా మంది హృతిక్ కే మద్దతు పలుకుతున్నారు. హృతిక్ పేరు ప్రస్తావించుకుండానే.. అతడు అలాంటి పని చేసి ఉండడు అని ఫర్హన్ పోస్టు పెట్టగా, దాన్ని ట్వింకిల్ ఖన్నా, యామీ గౌతమ్, కరణ్ జోహర్, సోనమ్ కపూర్, సోనాలీ బింద్రేలు సమర్థించారు. దీంతో వీళ్లంతా హృతిక్ మద్దతుదారులే అనుకోవాల్సి వస్తోంది. అయితే వీళ్లందరినీ కంగనా చెల్లెలు తప్పు పట్టింది. అంతా ఒకటైనా తన అక్క పోరాడగలదు అని విశ్వాసం వ్యక్తం చేసింది.

  • బీజేపీ ఆ ఏడు సీట్లనూ వదలదట..!
    Published Date : 07-Oct-2017 10:33:25 IST

    యూపీలో లోక్ సభ సార్వత్రిక ఎన్నికల్లో భారతీయ జనతా పార్టీ ఘన విజయం సాధించిన సంగతి తెలిసిందే. 80 ఎంపీ సీట్లకు గానూ 73 సీట్లలో బీజేపీ విజయం సాధించింది. ఏడు సీట్లలో కాంగ్రెస్, ఎస్పీలు విజయం సాధించాయి. సోనియాగాంధీ, రాహుల్ గాంధీ, ములాయం స్థాయి నేతలు మాత్రమే అక్కడ విజయం సాధించారు. వచ్చే ఎన్నికల్లో ఈ సీట్లను కూడా వదలమని అంటోంది బీజేపీ. ఆ సీట్లలో విజయం సాధించడానికి తగిన ప్రణాళికలు రచిస్తోందట.

  • తాగి కారు నడిపిన హీరో.. అరెస్టుకు ఆదేశం!
    Published Date : 07-Oct-2017 10:32:16 IST

    మద్యం సేవించి కారు నడిపిన తమిళ హీరో జై చిక్కుల్లో పడ్డాడు. ఈ మేరకు ఆయనపై చెన్నైలోని ఒక కోర్టు నాన్ బెయిలబుల్ అరెస్ట్ వారెంట్ జారీ చేసింది. కోర్టు రావాలని ఇది వరకే ఆదేశించినా.. జై స్పందించకపోవడంతో న్యాయస్థానం ఈ విధంగా స్పందించింది. సెప్టెంబర్ 21 తేదీన జై తాగి కారు నడిపాడు. చెన్నైలో ఒక ఫ్లై ఓవర్ ను ఢీ కొట్టి పోలీసులకు దొరికాడు. పోలీసులు అరెస్టు చేశారు, బెయిల్ పై బయటకు వచ్చాడు. కోర్టు ముందు హాజరు కాకపోవడంతో నాన్ బెయిలబుల్ వారెంట్ జారీ అయ్యింది.


  • Widget not in any sidebars
  • మరణదండన.. ‘ఉరి’వద్దు..మరోలా చంపండి!
    Published Date : 07-Oct-2017 10:30:59 IST

    తీవ్రమైన శిక్ష మరణదండనను అమలు పర్చేందుకు కొత్త మార్గాలను వెతకాలని సుప్రీం కోర్టు కేంద్ర ప్రభుత్వాన్ని కోరింది. మెడకు తాడు వేసి ఉరి తీయడం క్రూరమైన పద్ధతి అని సర్వోన్నత న్యాయస్థానం అభిప్రాయపడింది. మరణంలో శాంతి ఉండాలని అందుకే.. మరణదండనను అమలు చేయడంలో మరో పద్ధతిని కనుగొనాలని కోర్టు సూచించింది. కొన్ని దేశాల్లో ఎలక్ట్రిక్ చైర్లో కూర్చోబెట్టి తీవ్రమైన నేరాల దోషులను చంపే సంప్రదాయం ఉంది. ఈ నేపథ్యంలో ప్రశాంతంగా చనిపోయే మార్గాన్ని వెదకాలని భారత సుప్రీం కోర్టు వ్యాఖ్యానించింది.

  • మహానటిలో రాజేంద్ర ప్రసాద్ కూడా..!
    Published Date : 05-Oct-2017 1:02:27 IST

    మహానటి సావిత్రి జీవిత కథ ఆధారంగా రూపొందుతున్న ‘మహానటి’ సినిమాలో చిత్రపరిశ్రమకు చెందిన ప్రముఖుల పాత్రలకు దాదాపు అంతా ఖరారు అయినట్టే అని తెలుస్తోంది. ఈ సినిమాలో సావిత్రి పెదనాన్న పాత్రలో రాజేంద్రప్రసాద్ నటిస్తున్నారట. ఇక రచయిత, నిర్మాతగా చక్రపాణి, శివాజీ గణేషన్ పాత్రలో దుల్కర్ సల్మాన్, ఎస్వీ రంగారావు పాత్రలో మోహన్ బాబులు నటిస్తున్న విషయం విదితమే. అయితే ఎటొచ్చీ తెలుగు లెజండరీ హీరోలు ఎన్టీఆర్, ఏఎన్నార్ పాత్రలకే ఇంకా నటులు దొరకలేదని సమాచారం.

  • స్టార్ హీరో సినిమాకు టైటిల్ తలనొప్పి!
    Published Date : 05-Oct-2017 1:01:09 IST

    విజయ్ హీరోగా రూపొందిన తమిళ సినిమా ‘మెర్సల్’కు టైటిల్ తలనొప్పి తీవ్రం అయ్యింది. ఈ సినిమా ‘అదిరింది’ పేరుతో తెలుగులో విడుదల అవుతోంది. టెన్షనంతా తమిళ టైటిల్ విషయంలోనే. తను ఇది వరకూ ‘మెర్రసలైటన్’ పేరుతో ఒక టైటిల్ ను రిజిస్టర్ చేయించాను అని, ఇఫ్పుడు విజయ్ సినిమా టైటిల్ తో తన సినిమాకు ఇబ్బంది కలుగుతోందని ఒక నిర్మాత కోర్టుకు ఎక్కాడు. ఇరు పక్షాల వాదనల అనంతరం అక్టోబర్ మూడో తేదీ వరకూ ఈ సినిమా టైటిల్ ను కోర్టు ప్రీజ్ చేసింది. శుక్రవారం తుది తీర్పు రానుంది.


  • Widget not in any sidebars
  • మోడీపై మరోసారి స్పందించిన ప్రకాష్‌రాజ్
    Published Date : 05-Oct-2017 12:59:45 IST

    మోడీ తన కన్నా మహానటుడు అని వ్యాఖ్యానించి వార్తల్లోకి ఎక్కిన సీనియర్ నటుడు ప్రకాష్ రాజ్ తాజాగా ఆ అంశంపై మరోసారి స్పందించాడు. తనకు మోడీ అంటే గౌరవం అని అంటూనే.. అన్ని విషయాల్లోనూ ప్రధానితో ఏకీభవించాల్సిన అవసరం లేదు కదా.. అని ఈ నటుడు ప్రశ్నించాడు. తను ఎప్పుడైనా, ఎక్కడైనా నిజమే మాట్లాడతాను అని, తనను తిడుతున్న వారికి ఎదురుగా వచ్చి మాట్లాడే ధైర్యం లేదని ప్రకాష్ రాజ్ వ్యాఖ్యానించాడు. తను ప్రధాని విషయంలో చేసిన వ్యాఖ్యలకు కట్టుబడతాను అని ప్రకాష్ రాజ్ అన్నాడు.

  • భారతీయుడు-2, అత్యంత భారీగా..!
    Published Date : 03-Oct-2017 7:05:26 IST

    భారతీయుడు సినిమాకు సీక్వెల్ రాబోతోందని దిల్ రాజు అధికారికంగా ప్రకటించాడు. కమల్ ప్రధాన పాత్రలో నటిస్తాడని… శంకర్ దర్శకత్వంలోనే ఈ సినిమా రూపొందుతుందని పేర్కొన్నారు. ఈ సినిమాను తమిళ, తెలుగుతో పాటు.. ఇతర భారతీయ భాషల్లో కూడా రూపొందిస్తామని ఆయన ప్రకటించాడు. ప్రస్తుతం శంకర్ రోబో-2 పనుల్లో బిజీగా ఉన్నాడని, ఆ సినిమా పూర్తి అయిన తర్వాత భారతీయుడు-2 ని ఆయన చేపడతాడని రాజు ప్రకటించాడు.

  • ‘క్వీన్’రీమేక్ ఎట్టకేలకూ పట్టాలెక్కింది!
    Published Date : 03-Oct-2017 7:04:05 IST

    దక్షిణాది భాషల్లో క్వీన్ రీమేక్ ప్రతిపాదన పాతదే అని ప్రత్యేకంగా చెప్పనక్కర్లేదు. ఇప్పటికే పలు మార్లు ప్రకటనలు, వాయిదాలతో కాలం గడిచిపోగా.. ఇప్పుడు ఈ సినిమా పట్టాలెక్కింది. క్వీన్ తెలుగు వెర్షన్లో తమన్నా నాయికగా నటిస్తూ ఉండగా, తెలుగు వెర్షన్ కు నీలకంఠ దర్శకత్వం వహిస్తున్నాడు. చాన్నాళ్ల తర్వాత ఈ దర్శకుడు మళ్లీ మెగాఫోన్ పడుతున్నాడు. కన్నడ వెర్షన్ కు రమేశ్ అరవింద్ దర్శకత్వం వహిస్తాడని తెలుస్తోంది. తమిళంలో ఈ సినిమాలో కాజల్ ప్రధాన పాత్రలో నటిస్తుందని సమాచారం.


  • Widget not in any sidebars
  • అర్జున్ రెడ్డిని మిస్సయ్యానని ఫీలైన హీరో!
    Published Date : 03-Oct-2017 7:02:21 IST

    అర్జున్ రెడ్డి సినిమా కథ ముందుగా తన వద్దకే వచ్చిన విషయం వాస్తవమే అన్నాడు హీరో శర్వానంద్. తనే ఆ కథను కొంతమంది నిర్మాతల వద్దకు పంపానని..అయితే వారంతా ఆ సినిమాను చేయడానికి ముందుకు రాలేదని శర్వా చెప్పాడు. అలాంటి సినిమాను మిస్సైనందుకు బాధగానే ఉందన్నాడు. ఇప్పుడు చాలా మంది ప్రొడ్యూసర్లు అలాంటి కథ ఉంటే చూడమని అంటున్నారన్నారు. అయితే అర్జున్ రెడ్డిగా విజయ్ దేవరకొండ చక్కగా సెట్ అయ్యాడని, ఇండస్ట్రీకి మంచి హీరో దొరికాడని శర్వా అభిప్రాయపడ్డాడు.

  • మహాభారతం తీస్తే.. ఆ పాత్ర ఇవ్వండి!
    Published Date : 30-Sep-2017 8:56:17 IST

    మహాభారతంను సినిమాగా రూపొందిస్తే.. అందులో నటించడానికి సై అని వరసగా ప్రకటనలు చేస్తున్నారు బాలీవుడ్ హీరోలు. ఇంతకు ముందు షారూక్ ఖాన్ ఈ ఆసక్తిని వ్యక్తం చేయగా.. తాజాగా ఆమిర్ ఖాన్ కూడా అదే ఆసక్తిని వ్యక్తం చేశాడు. రాజమౌళి దర్శకత్వంలో మహాభారతం తెరకెక్కుతుందన్న ఊహాగానాల నేపథ్యంలో.. ఆమిర్ మాట్లాడుతూ.. తనకు కూడా మహాభారతంలో నటించాలని ఉందన్నాడు. తనకు కృష్ణుడి పాత్ర కానీ, కర్ణుడి పాత్ర అయినా ఓకే అని ఆమిర్ వ్యాఖ్యానించాడు.

  • స్పైడర్.. బాలీవుడ్ లో రీమేక్?
    Published Date : 30-Sep-2017 8:54:25 IST

    తెలుగు, తమిళ భాషలో మిక్స్డ్ రివ్యూలతో కలెక్షన్ల హోరును కొనసాగిస్తున్న స్పైడర్ సినిమా హిందీలో రీమేక్ కానున్నదనే వార్తలు వస్తున్నాయి. ఈ సినిమాను మరోసారి మహేశ్ బాబు చేయనున్నాడని అంటున్నారు. మురుగదాస్ దర్శకత్వంలోనే ఈ సినిమా హిందీ వెర్షన్ కూడా రూపొందనుందని వార్తలు వస్తున్నాయి. ముందుగా ఈ సినిమాను డబ్ చేద్దామని అనుకున్నారని, ఇప్పుడు రీమేక్ ప్రతిపాదనలు వస్తున్నట్టుగా వార్తలు అందుతున్నాయి. అయితే ఇది ప్రమోషనల్ యాక్టివిటీలో భాగమైన ప్రచారం అనేమాటా వినిపిస్తోంది.


  • Widget not in any sidebars
  • వైఎస్సార్ కాంగ్రెస్ పార్టీ నేత మరణం
    Published Date : 30-Sep-2017 8:52:53 IST

    వైఎస్సార్ కాంగ్రెస్ పార్టీ రైల్వే కోడూరు నియోజకవర్గం నేత కొల్లం బ్రహ్మానంద రెడ్డి శుక్రవారం కన్నుమూశారు. అనారోగ్య కారణం చేత ఆయన మరణించినట్టుగా తెలుస్తోంది. ఎస్సీ రిజర్వ్డ్ నియోజకవర్గం అయిన రైల్వే కోడూరులో నియోజకవర్గ ఇన్ చార్జిగా ఉండినారు బ్రహ్మానందరెడ్డి. ఎమ్మెల్యే కానప్పటికీ నియోజకవర్గంలో క్రియాశీలంగా వ్యవహరించారీయన. గతంలో కాంగ్రెస్ పార్టీ తరఫున అనంతరం వైఎస్సార్ కాంగ్రెస్ పార్టీ తరఫున పని చేశారు. బ్రహ్మానందరెడ్డి మరణంపై జగన్ దిగ్భ్రాంతి వ్యక్తం చేశారు.

  • కమల్‌పై దుమ్మెత్తి పోసిన స్టాలిన్!
    Published Date : 27-Sep-2017 10:37:58 IST

    నటుడు కమల్ హాసన్ పై దుమ్మెత్తి పోశాడు డీఎంకే నేత స్టాలిన్. మొన్నటి వరకూ కమల్ తో స్టాలిన్ కు సన్నిహిత సంబంధాలే ఉండేవి. అయితే డీఎంకే కూడా అవినీతి మయమైన పార్టీ అని కమల్ వ్యాఖ్యానించాడు. ఈ నేపథ్యంలో స్టాలిన్ విరుచుకుపడ్డాడు. కమల్ కు పిచ్చి పట్టిందని అన్నాడు. రాజకీయాల్లోకి ఎవరైనా రావొచ్చు అని.. కానీ పిచ్చి వాళ్లు మాత్రం రాకూడదని, కమల్ అలాంటి పిచ్చివాడు అని.. స్టాలిన్ వ్యాఖ్యానించాడు. ఒకసారి ఖాకీ అని మరోసారి కాషాయం అని కమల్ పొంతన లేకుండా మాట్లాడుతున్నాడని ఈ పొలిటీషియన్ అన్నాడు.

  • గుర్మీత్ ఆస్తుల విలువ.. వందలు కాదు, వేల కోట్లలో!
    Published Date : 27-Sep-2017 10:36:14 IST

    అత్యాచారం కేసులో శిక్షను ఎదుర్కొంటున్న డేరా సచ్ఛా సౌధా బాబా గుర్మీత్ రామ్ రహీమ్ సింగ్ ఆస్తుల విలువ సుమారు రూ.1,600 కోట్లు అని హర్యానా ప్రభుత్వం తేల్చింది. ఈ మేరకు గుర్మీత్ వ్యవహారాలపై విచారణ సాగిస్తున్న హై కోర్టుకు ప్రభుత్వం ఒక నివేదిక ఇచ్చింది. ఈ భారీ ఆస్తుల నంబర్ నేపథ్యంలో.. వీటిపై విచారణ జరిపించాలని ప్రభుత్వాన్ని కోర్టు ఆదేశించింది. సీబీఐ, ఈడీలకు ఈ మేరకు ఆదేశాలు జారీ చేసింది. ఈ ఆస్తులన్నీ హర్యానా పరిధిలోనివే, బయట మరిన్ని ఉన్నాయని ప్రభుత్వం పేర్కొందని సమాచారం.