• వైసీపీ ఎమ్మెల్యే ఐదు కోట్ల సవాల్ పై బాబు హ్యాపీ!
    Published Date : 05-Jul-2017 7:36:39 IST

    సదావర్తి భూముల కుంభకోణం విషయంలో హైకోర్టు ధర్మాసనం ఇచ్చిన తీర్పును స్వాగతిస్తున్నట్టుగా బాబు పేర్కొన్నారు. వేలంలో పలికిన ధర కన్నా ఐదు కోట్లు ఎక్కువ చెల్లించిన ఆ భూములను వేరే వాళ్లు కొనుక్కొంటుండటంపై బాబు ఆనందం వ్యక్తం చేశారు. ఐదు కోట్లు అదనంగా రావడం మేలే అన్నారు. వెయ్యి కోట్లు విలువైన భూమిని బాబు ప్రభుత్వం 22.44 కోట్లకే అమ్మేస్తోందనే ఆరోపణలతో వైకాపా ఎమ్మెల్యే ఆర్కే కోర్టుకు వెళ్లి, ఈ భూముల కొనుగోలు రూటు మార్పించారు. కోర్టు తీర్పు ప్రభుత్వానికి ఝలకే అనే అభిప్రాయం ఉంది.

  • నాకు ఏ రాజకీయ పార్టీతోనూ సంబంధం లేదు..
    Published Date : 05-Jul-2017 7:35:34 IST

    ప్రస్తుతం తనకు ఏ రాజకీయ పార్టీతోనూ సంబంధం లేదని రామ్ నాథ్ కోవింద్ అన్నారు. రాష్ట్రపతి ఎన్నికల్లో ఎన్డీయే తరపు అభ్యర్థిగా నిలిచిన ఈయన తెలంగాణ, ఏపీ పర్యటనలకు వచ్చారు. తెరాస, వైఎస్సార్ కాంగ్రెస్, తెలుగుదేశం పార్టీ నేతలతో ఆయన కలిశారు. మద్దతు ప్రకటించినందుకు ధన్యవాదాలు తెలిపారు. ఈ సందర్భంగా ఆయన మాట్లాడుతూ తను పార్టీలకు అతీతం అని, దేశం కులమతాలకు అతీతంగా అభివృద్ధి అని వ్యాఖ్యానించారు. హైదరాబాదీ అయిన జాకీర్ హుస్సేన్, ఆంధ్రప్రదేశ్ కు చెందిన నీలం సంజీవరెడ్డి రాష్ట్రపతి పీఠాన్ని అధిష్టించిన విషయాన్ని గుర్తు చేశారు.

  • రెండు వందల రూపాయల నోట్లు వచ్చేస్తున్నాయి!
    Published Date : 05-Jul-2017 7:34:00 IST

    అతి త్వరలోనే రెండు వందల రూపాయల నోట్లు మారకంలోనికి వస్తాయని రిజర్వ్ బ్యాంక్ ఆఫ్ ఇండియా ప్రకటించింది. ఇప్పటికే వీటి ప్రింటింగ్ మొదలైందని తెలిపింది. కొన్ని రోజుల కిందట ఆర్బీఐ ముద్రణాలయానికి ఈ మేరకు ఆదేశాలు వెళ్లాయి. ఇప్పుడు ప్రింటింగ్ పూర్తి చేసుకుని, రెండొందల రూపాయల నోట్లు మారకంలోకి వస్తున్నాయి. దేశంలో చిల్లర సమస్యను తీర్చడానికే ఈ నోట్లను తీసుకొస్తున్నట్టుగా ఆర్బీఐ తెలిపింది. నోట్ల విషయంలో ఆర్బీఐ ప్రయోగాలు ఇలా కొనసాగుతున్నాయి.

  • గుండు కొట్టించుకున్న గ్లామరస్ హీరోయిన్!
    Published Date : 03-Jul-2017 9:00:38 IST

    పూర్ణ.. అవకాశాలు కలిసి రాక స్టార్ హీరోయిన్ కాలేకపోయింది కానీ, నటిగా ప్రతిభావంతురాలే. మరి ఈ భామ ప్రతిభను ప్రదర్శించడమే కాదు.. ప్రయోగాలు కూడా చేయడానికి సై అంటోంది. తాజాగా కొడివీరన్ అనే తమిళ సినిమా కోసం ఈమె గుండు కొట్టించుకుందని సమాచారం. శశికుమార్ హీరోగా నటిస్తున్న ఆ సినిమా ముత్తయ్య దర్శకత్వంలో నటిస్తోంది. మరి హీరోయిన్ల గ్లామర్ విషయంలో జుట్టు ఎంత ఇంపార్టెంటో వివరించనక్కర్లేదు. పాత్ర కోసం దాన్నే త్యాగం చేసిందట పూర్ణ. అదేమంటే.. పాత్ర డిమాండ్ చేసింది కాబట్టి.. అంటోంది.

  • రవితేజ, శ్రీను వైట్ల మళ్లీ కలుస్తున్నారా?
    Published Date : 03-Jul-2017 8:55:18 IST

    ‘నీకోసం’, ‘వెంకీ’, ‘దుబాయ్ శీను’ వంటి మంచి ఎంటర్ టైనర్లను అందించిన కాంబినేషన్ రవితేజ, శ్రీను వైట్లది. అయితే దాదాపు దశాబ్ద కాలం నుంచి వీరి కాంబోలో సినిమాలేవీ రాలేదు. ప్రస్తుతానికి వస్తే దర్శకుడిగా వైట్ల పరిస్థితి ఏమంత గొప్పగా లేదు. ఈ నేపథ్యంలో రవితేజ కోసం ఒక కాన్సెప్ట్ ను సిద్ధం చేసుకున్నాడట వైట్ల. దీంతో వీరి కాంబినేషన్ మళ్లీ రిపీట్ అవుతుందా? అనేది ఆసక్తికరంగా మారింది. రవితేజ చేతిలో ప్రస్తుతం రెండు సినిమాలున్నాయి. అవి పూర్తైతే వీరి సినిమాపై క్లారిటీ రావొచ్చు.

  • కత్రినా.. సౌత్ లో ఆ హీరోలద్దరికీ ఓకే!
    Published Date : 03-Jul-2017 8:53:38 IST

    సైమా వేడుకల్లో పాల్గొన్న కత్రినాకైఫ్ ఆసక్తికరమైన ప్రకటన ఒకటి చేసింది. దక్షిణాదిన ఏ హీరోల సరసన అయితే మీరు నటిస్తారు? అనే ప్రశ్నకు ఈమె ఇద్దరు హీరోల పేర్లు చెప్పింది. ఒకటి విక్రమ్, రెండు ప్రభాస్. వీళ్లతో ఛాన్సు వస్తే నటించడానికి సై అని కత్రినా చెప్పుకొచ్చింది. బాహుబలితో ప్రభాస్ దేశ వ్యాప్తంగా పాపులర్ అయ్యాడు. ఇక విక్రమ్ సంగతి సరేసరి. కాబట్టి వీళ్ల సరసన నటించడానికి కత్రినా ఓకే అంటోంది. ఇది వరకూ కత్రినా బాలయ్య, వెంకీ,మమ్ముట్టీ వంటి సౌత్ హీరోల సరసన నటించింది.

  • బాబుతో రెడ్డిగారి సమావేశం.. అసలు కథేంటో!
    Published Date : 01-Jul-2017 9:55:12 IST

    ఏపీ ముఖ్యమంత్రి చంద్రబాబుతో తెలుగుదేశం నేత రామసుబ్బారెడ్డి సమావేశం కావడం ఆసక్తికరంగా మారింది. టీడీపీలో చాన్నాళ్లుగా అసహనభరితుడైన సుబ్బారెడ్డి ఉన్నట్టుండి బాబును కలిశారు. ఇటీవల మహానాడులో కూడా సుబ్బారెడ్డి పాల్గొనలేదు. తన నియోజకవర్గంలో వైకాపా ఎమ్మెల్యే ఆదినారాయణ రెడ్డి టీడీపీలోకి రావడం పట్ల సుబ్బారెడ్డి అసహనంతో ఉన్నాడు. అయితే బాబు మాత్రం ఈయనను పెద్దగా ఖాతరు చేయడం లేదు. ఈ నేపథ్యంలో బాబుతో సుబ్బారెడ్డి సుబ్బారెడ్డి సమావేశం ఆసక్తిని రేపుతోంది. ఈ సమావేశంపై సుబ్బారెడ్డి ఎటువంటి ప్రకటనా చేయలేదు.

  • ఇండియా, పాక్ ఫైనల్ ఫిక్స్ అయ్యిందన్న కేంద్రమంత్రి!
    Published Date : 01-Jul-2017 9:53:17 IST

    ఇండియా, పాకిస్తాన్ ల మధ్య జరిగిన ఛాంపియన్స్ ట్రోఫీ ఫైనల్ ఫిక్స్ అయ్యింది అంటూ సంచలన వ్యాఖ్యలు చేశారు కేంద్రమంత్రి రాందాస్ అఠవాలే. ఈ విషయంలో ఆయన పలు అనుమానాలు వ్యక్తం చేశారు. బలహీనమైన పాక్ చేతిలో టీమిండియా ఓడిపోవడం ఏమిటి? అని రాందాస్ ప్రశ్నిస్తున్నాడు. లీగ్ దశలో టీమిండియా పాక్ ను చిత్తు చేసిన విషయాన్ని గుర్తు చేశాడు. అయితే ఫైనల్ లో మాత్రం అదే జట్టుతో ఓడిపోయిందని.. ఇదంతా ఫిక్సింగ్ ఫలితమే అని ఈ మంత్రిగారు అంటున్నారు. మరి కేంద్రమంత్రి ఈ తరహా వ్యాఖ్యలు చేయడం ఆసక్తికరంగా మారింది.

  • ఈ హీరోయిన్ ను జూనియర్ హన్సిక అంటున్నారు!
    Published Date : 01-Jul-2017 9:51:23 IST

    అఖిల్ సినిమాతో పరిచయం అయిన సయేషా గుర్తుందా? ఆ సినిమా అంతగా ఆడకపోవడంతో ఈమెను ఎవరూ పెద్దగా పట్టించుకోలేదు. ఆ తర్వాత ఈమె చేసిన హిందీ సినిమ శివాయ్ కూడా అట్టర్ ఫ్లాఫ్ కావడంతో ఈమెకు కెరీర్ ఊపందుకోవడం కష్టం అయ్యింది. అయితే ఈమెకు తాజాగా తమిళంలో ఒక అవకాశం దక్కింది. అది కూడా జయంరవి సరసన. ఇది మంచి ఛాన్సే అని చెప్పాలి. ఆసక్తికరమైన విషయం ఏమిటంటే సయేషాలో హన్సికను చూస్తున్నారు తంబీలు. ఈమెను జూనియర్ హన్సిక అంటున్నారు. అయితే ఆ ట్యాగ్ తనకు నచ్చలేదని సయేషా అంటోంది.

  • నేను దేవుడిని.. నన్ను రాష్ట్రపతిగా చేయండి!
    Published Date : 30-Jun-2017 8:38:00 IST

    రాష్ట్రపతి ఎన్నికల కోసం దాఖలైన 95 నామినేషన్లలో 93 తిరస్కరణకు గురయ్యాయి. కేవలం ఎన్డీయే అభ్యర్థి రామ్‌నాథ్ కోవింద్, యూపీఏ అభ్యర్థి మీరాకుమార్ ల నామినేషన్లు మాత్రమే ఆమోదం పొందాయి. ఆసక్తికరమైన అంశం ఏమిటంటే రాష్ట్రపతి అభ్యర్థిగా నామినేషన్ వేసిన వాళ్లలో ఒక వ్యక్తి తనను తాను దేవుడిగా అభివర్ణించుకున్నాడు. తనను రాష్ట్రపతిగా ఎన్నుకోవాలని సూచించాడు. లేకపోతే ఢిల్లీకి భూకంపం తప్పదన్నాడు. తనకు మహామహుల మద్దతు ఉందని మరణించిన ఎంతోమంది నేతల పేర్లను రాసుకొచ్చాడు. ఈసీ ఆ నామినేషన్ ను తిరస్కరించింది.

  • వరస ఫ్లాఫులు.. ఇక డైరెక్షన్ వైపు వెళ్తుందట!
    Published Date : 30-Jun-2017 8:22:17 IST

    ఈ మధ్య కాలంలో వరసగా పరాజయాలను ఎదుర్కొంటోంది శ్రుతి హాసన్. ఒకటీ రెండు హిందీ సినిమాలు చేస్తే అవి కూడా పరాజయం పాలయ్యాయి. ఇక తమిళంలో సింగం త్రీ పోయింది. తెలుగులో ప్రేమమ్ కూడా అంతంత మాత్రమే. సంఘమిత్ర కూడా ఎందుకో చేజారింది. కేవలం తండ్రి దర్శకత్వంలో రూపొందుతున్న సినిమాను మినహాయిస్తే ఆమెకు చేతిలో చెప్పుకోదగ్గ అవకాశం కూడా లేదు. మరి ఈ క్రమంలో దర్శకత్వం మీద కన్నేసిందట శ్రుతి. తండ్రిలాగే తను కూడా మల్టీటాలెంటెడ్ అని నిరూపించుకునే యత్నంలో ఉందట ఈ భామ.

  • అబ్బే.. ఆ ఆలోచనే లేదన్న కీర్తి సురేష్!
    Published Date : 30-Jun-2017 8:19:58 IST

    ‘మహానటి’ సినిమా కోసం తను తన శరీరంతో ప్రయోగాలు చేయడం లేదని స్పష్టతను ఇచ్చింది కీర్తి సురేష్. తన చరమాంకంలో సావిత్రి చాలా లావైపోయిందని ప్రత్యేకంగా చెప్పనక్కర్లేదు. ఉన్నంత కీర్తి హెవీగానే ఉంది కానీ చాలా లావైపోవాల్సి ఉంది. కానీ అలా కావడానికి కీర్తి భయపడుతోంది. ఒక్కసారి పెరిగాక తగ్గడం సాధ్యం కాదని అనుష్క లాంటి వాళ్లను చూస్తే స్పష్టం అవుతుంది. అందుకే కీర్తి కూడా లావు కాకూడదని ఫిక్స్ అయ్యిందట, మేకప్ తో, టెక్నాలజీతో కవర్ చేయాలి కానీ లావయ్యే ప్రసక్తే లేదని కీర్తి స్పష్టం చేసిందని సమాచారం.

  • అలా చేసుకోకపోతే మీ పాన్ కార్డు చెల్లదు!
    Published Date : 29-Jun-2017 8:23:46 IST

    జులై 1 నుంచి పాన్‌-ఆధార్‌ అనుసంధానం తప్పనిసరి అని కేంద్రం స్పష్టం చేసింది. ఈ మేరకు ఆదాయపు పన్ను నిబంధనల్లో చేసిన సవరణలను కేంద్రం నోటిఫై చేసింది. దీని ప్రకారం 12 అంకెల ఆధార్‌ నంబర్‌ను పాన్‌కు దరఖాస్తు చేసుకునే సమయంలో తప్పనిసరిగా సమర్పించాల్సి ఉంటుంది. సంక్షేమ పథకాల కింద లబ్ధి పొందాలంటే ఆధార్‌ తప్పనిసరిగా ఉండాలని కేంద్రం జారీ చేసిన ప్రకటనపై మధ్యంతర ఉత్తర్వులు ఇచ్చేందుకు సుప్రీంకోర్టు మంగళవారం తిరస్కరించింది. ఈ నేపథ్యంలో కేంద్ర ప్రభుత్వం ఆధార్‌-పాన్‌ అనుసంధాన్ని తప్పనిసరి చేస్తూ మరుసటి రోజే నిర్ణయం తీసుకుంది.

  • చంద్రబాబు మరో మోసం చేస్తున్నాడన్న మాజీ ఎంపీ
    Published Date : 29-Jun-2017 8:19:38 IST

    పోలవరం విషయంలో కూడా చంద్రబాబు మోసపూరిత వైఖరినే అనుసరిస్తున్నాడని మాజీ ఎంపీ ఉండవల్లి అరుణ్ కుమార్ అన్నారు. కాఫర్ డ్యామ్ ను కడుతూ దాంతోనే పోలవరం పూర్తి అయిపోతుందని చంద్రబాబు చెబుతున్నాడని, అంతకు మించి మోసం ఏముందని ఉండవల్లి ప్రశ్నించారు. 2018 కి పోలవరం పూర్తి అవుతుందనేది శుద్ధ అబద్ధం అని చంద్రబాబుకు అంత చిత్తశుద్ధి లేదని మోసం మాత్రమే తెలుసని అన్నారు. వైఎస్ బతికి ఉండుంటే 2012 కే పోలవరం పూర్తి అయ్యేదని ఉండవల్లి అభిప్రాయపడ్డారు. ఇప్పటికిప్పుడు ఎన్నికలు వస్తే తెలుగుదేశం పార్టీ చిత్తుగా ఓడుతుందన్నారు.

  • ఆ హీరోకి మంచి భార్యగా ఉంటానన్న అమల..!
    Published Date : 28-Jun-2017 10:21:28 IST

    వీఐపీ సినిమాలో ధనుష్ కు జంటగా నటించిన అమల వీఐపీ పార్ట్ టూలో కూడా అదే పాత్రలో చేస్తోంది. తొలి పార్టులో ధనుష్ కు ప్రియురాలిగా చేసిన ఆమె రెండో పార్టులో భార్యగా నటిస్తోంది. అయితే ఈ సినిమాలో తను గయ్యాలి భార్యగా కనిపిస్తానని అమల చెప్పడం విశేషం. మరి ద్వితీయ భాగంలో అలా కనిపించినా.. వీఐపీకి మూడో వెర్షన్ తీస్తే అందులో మాత్రం తను పాజిటివ్ గా కనిపిస్తానని అమల అంటోంది. వీఐపీకి మూడో పార్ట్ రావడం జరిగే పనేనా?