• లారెన్స్.. నాలుగో సీక్వెల్ తో వస్తున్నాడు!
    Published Date : 07-Sep-2017 7:00:17 IST

    ముని-4తో వస్తున్నాడు లారెన్స్. ఈ ప్రాంచైజ్ లో ఇప్పటి వరకూ మూడు సినిమాలు వచ్చాయి. ఫస్ట్ ముని రాగా, ముని-2 గా కాంచన వచ్చింది. ముని-3 కమ్ కాంచన-2గా గంగ వచ్చింది. ఈ నేపథ్యంలో నాలుగో వెర్షన్ రాబోతోందని సమాచారం. ఇది వరకటి మూడు సినిమాలూ హిట్టుకావడంతో.. నాలుగో వెర్షన్ వస్తుందని తెలుస్తోంది. తొలి మూడు పార్ట్స్ లో ముఖ్య పాత్రలు చేసిన కోవై సరళ, శ్రీమాన్ తదితరులు నాలుగో వెర్షన్లో కూడా నటించబోతున్నారని సమాచారం.

  • రాఘవేంద్రరావు ఆ సినిమాను పట్టాలెక్కిస్తున్నాడా?
    Published Date : 07-Sep-2017 6:58:41 IST

    ‘ఓం నమో వేంకటేశాయ’ సినిమా తన ఆఖరి సినిమా అని దర్శకేంద్రుడు రాఘవేంద్రరావు చెప్పాడని ఆ సినిమా హీరో నాగార్జున అప్పట్లో ప్రకటించాడు. అయితే ఆ సినిమా సరిగా ఆడలేదు. ఆ సినిమానే ఆఖరు అని రాఘవేంద్రరావు కూడా అధికారికంగా ప్రకటన ఏమీ చేయలేదు. ఈ నేపథ్యంలో.. ఈ దర్శకుడి తర్వాతి సినిమా పట్టాలెక్కబోతోందని సమాచారం. చాన్నాళ్లుగా ప్రతిపాదనలో ఉన్న ‘రావణ’ను రాఘవేంద్రరావు తీస్తున్నాడని, మోహన్ బాబు, రానాలు ముఖ్య పాత్రలు పోషిస్తున్నారని సమాచారం.

  • బీజేపీ ఒంటరిగా పోటీ చేస్తుంది: అమిత్ షా
    Published Date : 07-Sep-2017 6:56:47 IST

    ఒడిశా అసెంబ్లీ ఎన్నికల్లో తమ పార్టీ ఒంటరిగా పోటీ చేసి విజయం సాధిస్తుందనే విశ్వాసాన్ని వ్యక్తం చేశాడు బీజేపీ జాతీయాధ్యక్షుడు అమిత్ షా. ఒడిశాలో కొన్ని దశాబ్దాల నుంచి బీజూ జనతాదళ్ అధికారంలో ఉన్న సంగతి తెలిసిందే. నవీన్ పట్నాయక్ ఆ రాష్ట్ర సీఎంగా ఉన్నారు. ప్రభుత్వ వ్యతిరేకత తీవ్రంగా ఉందని, యువనాయకత్వంతో వెళ్లి ఆ రాష్ట్రంలో పరిపూర్ణ మెజారిటీని సాధిస్తామని షా విశ్వాసం వ్యక్తం చేశారు.147కు గానూ 120 సీట్లలో గెలుస్తామని అన్నారు.


  • Widget not in any sidebars
  • ఆ హీరో కోసం అర్జున్ రెడ్డి ప్రత్యేక స్క్రినింగ్?
    Published Date : 05-Sep-2017 6:45:56 IST

    ఇప్పటికే అర్జున్ రెడ్డి సినిమాను తమిళంలో ధనుష్ రీమేక్ చేయనున్నాడని వార్తలు వస్తున్నాయి. తాజాగా ఈ సినిమా హిందీ రీమేక్ ప్రతిపాదన వినిపిస్తోంది. హిందీ వెర్షన్లో రణ్‌వీర్ సింగ్ నటించే అవకాశం ఉందని వార్తలు వస్తున్నాయి. ఆ హీరో ఈ సినిమాపై ఆసక్తితో ఉన్నాడని, త్వరలోనే ఇందుకు సంబంధించి స్క్రీనింగ్ ఉంటుందని, ఆ హీరోకి ప్రత్యేకంగా ఈ సినిమాను చూపించి హిందీలో దీన్ని రూపొందించాలని దర్శకుడు సందీప్ భావిస్తున్నట్టు సమాచారం.

  • అర్జున్ రెడ్డి.. 10నిమిషాలు కాదు, 40 నిమిషాలా?
    Published Date : 05-Sep-2017 6:43:31 IST

    తను ఈ సినిమాను మొత్తం నాలుగు గంటల వ్యవధికి తగ్గట్టుగా తీశానని అర్జున్ రెడ్డి దర్శకుడు సందీప్ రెడ్డి ఇది వరకే ప్రకటించాడు. అయితే లెంగ్త్ ఎక్కువ అవుతుందని.. గంట నిడివిని కట్ చేసినట్టుగా ప్రకటించాడు. మరి ఈ మూడు గంటల సినిమా ప్రేక్షకులను బాగా అలరిస్తోందని..అందుకే ఈ సినిమా వ్యవధిని పెంచుతామని ఈ సినిమా యూనిట్ చెబుతోంది. అయితే పెంపుదల పది నిమిషాలు అని మొదట చెప్పినా, ఇప్పుడు ఏకంగా 40 నిమిషాలంటున్నారు. అదే జరిగితే అర్జున్ రెడ్డి అత్యంత లెంగ్తీ తెలుగు మూవీ అవుతుంది.

  • సీవీ రెడ్డికి అరుదైన గౌరవం..!
    Published Date : 05-Sep-2017 6:41:41 IST

    తెలుగు, తమిళ, కన్నడ భాషల్లో పలు సినిమాలను రూపొందించిన దర్శక, నిర్మాత సీవీ రెడ్డికి అరుదైన గౌరవం దక్కింది. ఇండియా తరఫు నుంచి ఆస్కార్స్ కు పంపే సినిమా ఎంపిక కమిటీకి అధ్యక్ష బాధ్యతలు ఆయనకు దక్కాయి. ఈ ఘనత దక్కిన తొలి తెలుగు వ్యక్తి సీవీ రెడ్డి. ఆస్కార్స్ ఫారెన్ ఫిల్మ్ కేటగిరిలో పోటీ పడటానికి దేశం తరఫు నుంచి ఒక సినిమాను ఎంపిక చేస్తుంది ఈ కమిటీ. ఇందుకోసం త్వరలోనే సినిమాల స్క్రీనింగ్ జరగనుందని సమాచారం.


  • Widget not in any sidebars
  • కేజ్రీవాల్ కు మరోసారి కోర్టు జరిమానా..
    Published Date : 04-Sep-2017 4:49:29 IST

    ఢిల్లీ ముఖ్యమంత్రి అరవింద్ కేజ్రీవాల్ కు ఆ రాష్ట్ర హై కోర్టు ఐదు వేల రూపాయల ఫైన్ విధించింది. కేంద్రమంత్రి అరుణ్ జైట్లీ దాఖలు చేసిన పరువు నష్టం కేసులో విచారణకు హాజరు కానందుకు, వివరణ ఇవ్వనందుకు కోర్టు ఈ జరిమానా విధించింది. ఇది వరకూ ఇదే కేసులో కోర్టు కేజ్రీకి పదివేల రూపాయల జరిమానా విధించింది. మొత్తం పదికోట్ల రూపాయల పరువు నష్టం దావా వేశారు జైట్లీ. ఢిల్లీ క్రికెట్ బోర్డులో అవినీతి జరిగిందనే కేజ్రీ ఆరోపణలపై ఈ పిటిషన్ వేశారు.

  • కొహ్లీ.. సచిన్ కన్నా ముందే, సచిన్ ను దాటేస్తాడా?
    Published Date : 04-Sep-2017 4:46:27 IST

    30 సెంచరీలను సాధించడానికి సచిన్ కు 280 వన్డేలు పట్టాయి. అయితే కొహ్లీ మాత్రం 194వ వన్డేలోనే 30 సెంచరీలను పూర్తి చేశాడు. ఇన్ని సెంచరీలు చేయడానికి రికీపాంటింగ్ వంటి స్టార్ బ్యాట్స్ మన్ కు కెరీర్ అంతా పట్టింది. మరి కొహ్లీ దూకుడు చూస్తుంటే.. అతడు సచిన్ సాధించిన 49 వన్డేల రికార్డును అధిగమించడానికి మరెంతో ఎక్కువ సమయం పట్టదని చెప్పాల్సి వస్తోంది. వన్డేల్లో అత్యధిక సెంచరీల రికార్డు కొహ్లీ పేరు మీదికి ట్రాన్స్‌ఫర్ కావడం ఖాయంగానే కనిపిస్తోంది.

  • ఐపీఎల్ ప్రసార హక్కులు..కళ్లు చెదిరే మొత్తానికి!
    Published Date : 04-Sep-2017 4:43:53 IST

    ఇండియన్ ప్రీమియర్ లీగ్(ఐపీఎల్) ప్రసార హక్కులను హోల్ సేల్ గా స్టార్ ఇండియా దక్కించుకుంది. ఏకంగా 16,347 కోట్ల రూపాయల మొత్తానికి వేలం పాడి ఐదేళ్లకు గానూ ఈ హక్కులను సొంతం చేసుకుంది. ఏడాదికి 3,270 కోట్ల రూపాయలు చెల్లిస్తూ ప్రసార హక్కులను తీసుకుంది స్టార్. అనేక మీడియా కంపెనీలు ఈ వేలంలో పోటీపడగా.. అత్యధిక మొత్తాన్ని కోట్ చేసిన స్టార్ సంస్థ హక్కులను సొంతం చేసుకుంది. ఈఎస్పీఎన్, ఫేస్ బుక్, ట్విటర్, టైమ్స్ తదితర సంస్థలు కూడా హక్కుల కోసం పోటీ పడ్డాయి.


  • Widget not in any sidebars
  • అర్జున్ రెడ్డి దర్శకుడు.. ఆ హీరోతోనే!
    Published Date : 02-Sep-2017 4:35:01 IST

    అర్జున్ రెడ్డి సినిమాను శర్వానంద్ తో చేయాల్సిందని ఒకసారి చెప్పాడు సందీప్ రెడ్డి వంగా. ‘మళ్లీ మళ్లీ ఇది రానిరోజు’ సినిమాకు పని చేసిన రోజుల్లో తను ఈ కథను అతడికి చెప్పానని అన్నాడు. వివిధ కారణాల చేత ఆ సినిమా పట్టాలెక్కలేదని చెప్పాడు. చివరకు విజయ్ తో వచ్చి సంచలన విజయం సాధించింది ఈ సినిమా. మరి రెండో సినిమా మాత్రం శర్వానంద్ తోనే చేయబోతున్నాడట సందీప్. వీరి కాంబోలో ఒక సినిమా రానున్నదని సమాచారం.

  • మోడీ కేబినెట్ లోకి రెడ్డి..?
    Published Date : 02-Sep-2017 4:33:20 IST

    కేవలం ఎంపీ హోదాల్లో ఉన్న వారికి మాత్రమే కేంద్రంలో మంత్రి పదవులను ఇవ్వాలని ఏమీ లేదు కదా.. దీంతో ఆ హోదాలు లేని వారికి కూడా పదవులు దక్కే అవకాశాలు కనిపిస్తున్నాయి. ఈ నేపథ్యంలో కేంద్ర జలవనరుల శాఖ లో సలహాదారుగా ఉన్న వెదిరే శ్రీరామ్ రెడ్డికి కేంద్రమంత్రి పదవి దక్కనుందనే వార్తలు వస్తున్నాయి. తెలంగాణ నుంచి ఈయనకు ప్రాతినిధ్యం దక్కే అవకాశం ఉందని సమాచారం. విదేశాల్లో పని చేసిన అనుభవం ఉన్న ఆయన మూడేళ్ల కిందట ఇండియా వచ్చి బీజేపీలో చేరాడు. మరి ఈ ఊహాగానాలు ఎంత వరకూ నిజమవుతాయో చూడాలి.

  • వైఎస్ కు ఘన నివాళి…
    Published Date : 02-Sep-2017 4:31:31 IST

    ఎనిమిదవ వర్ధంతి సందర్భంగా దివంగత ముఖ్యమంత్రి వైఎస్ రాజశేఖర రెడ్డికి ఘన నివాళి అర్పించారు. వైఎస్సార్ కాంగ్రెస్ పార్టీ శ్రేణులు.. ఏపీ, తెలంగాణల వ్యాప్తంగా వైఎస్ కు నివాళి అర్పించాయి. వైఎస్ విగ్రహాలకు పూల మాలలు వేసి.. అంజలి ఘటించారు వైకాపా కార్యకర్తలు, వైఎస్ అభిమానులు. వైఎస్ కుటుంబీకులు ఇడుపుల పాయలోని వైఎస్ సమాధి వద్ద అంజలి ఘటించారు. ఈ కార్యక్రమంలో జగన్, షర్మిల, భారతి, అవినాష్ రెడ్డి.. వైఎస్ కుటుంబ సభ్యులంతా పాల్గొన్నారు.


  • Widget not in any sidebars
  • అజిత్, పవన్ ల సినిమా హిందీలో రీమేక్!
    Published Date : 01-Sep-2017 7:32:04 IST

    ఇటీవలే ‘కాటమరాయుడు’గా వచ్చిన ‘వీరమ్’ సినిమాను హిందీలో రీమేక్ చేయనున్నారని తెలుస్తోంది. అక్షయ్ కుమార్ హీరోగా ఈ సినిమా హిందీలో రూపొందనుందని సమాచారం. తమిళంలో వీరమ్ పెద్ద హిట్ అయ్యింది, వీరుడొక్కడే పేరుతో ఆ సినిమా తెలుగులోకి అనువాదం అయ్యింది. అయినప్పటికీ పవన్ కల్యాణ్ ఆ సినిమాను కాటమరాయుడు పేరుతో రీమేక్ చేశాడు. అయితే ఇది హిట్ కాలేదు. అయినప్పటికీ ఇప్పుడు ఈ సినిమా హిందీలో రీమేక్ అవుతోందని తెలుస్తోంది.

  • బాబుకు అహంకారం పెరిగింది!
    Published Date : 01-Sep-2017 7:30:07 IST

    తెలుగుదేశం పార్టీనే శాశ్వతంగా అధికారంలో ఉంటుందని అనడం.. చంద్రబాబు అహంకారానికి నిదర్శనం అని వ్యాఖ్యానించాడు వైకాపా నేత అంబటి రాంబాబు. నంద్యాల్లో, కాకినాడల్లో తెలుగుదేశం విజయం కేవలం తాత్కాలికమే అని అంబటి అన్నాడు. పోల్ మెనేజ్ మెంట్, పొలిటికల్ మేనేజ్ మెంట్లతోనే తెలుగుదేశం పార్టీ అక్కడ విజయం సాధించిందని అన్నారు. వీటితో వైకాపా వెనక్కు తగ్గదని.. దీక్షగా పని చేసి.. ప్రజా ఉద్యమాలతో చంద్రబాబును పడగొడుతుందని అంబటి వ్యాఖ్యానించాడు.

  • ‘అర్జున్ రెడ్డి’కి వర్మ కొత్త పోలిక!
    Published Date : 01-Sep-2017 7:27:51 IST

    అర్జున్ రెడ్డి సినిమాను ఆకాశానికి ఎత్తేస్తూ వస్తున్న దర్శకుడు ఆర్జీవీ.. ఆ సినిమా హీరోకి కొత్త పోలిక తెచ్చాడు. ఇది వరకే విజయ్ దేవరకొండను గాడ్ ఫాదర్ హీరో అల్ పాసినోతో పోల్చిన వర్మ.. ఇప్పుడు అదే హీరోని మరో హాలీవుడ్ స్టార్ తో పోల్చాడు. విజయ్ ను లియోనార్డో డికాఫ్రియోతో పోల్చాడు వర్మ. అతడిని టాలీవుడ్ లియోనార్డో అని వర్మ వ్యాఖ్యానించాడు. అర్జున్ రెడ్డి సినిమాను మరోసారి చూశాకా ఈ అభిప్రాయం కలిగిందని వర్మ చెప్పాడు. అతడి టాలెంట్ ను వాడుకోవాలని టాలీవుడ్ కు సూచించాడు.