• అభిమానులకు మహేశ్ బాబు విజ్ఞప్తి!
    Published Date : 30-Mar-2017 9:08:49 IST

    తన సినిమా కోసం ఆతృతగా ఎదురుచూస్తున్న అభిమానుల కోసం స్పందించాడు మహేశ్. మురగదాస్ తో చేస్తున్న సినిమాకు సంబంధించిన సమాచారం ఏదీ లేకపోవడంతో ఫ్యాన్స్ అసహనంతో ఉన్నారు. ఈ నేపథ్యంలో వారిని ఊరడించేయత్నం చేశాడు ప్రిన్స్. ‘మహేశ్ 23 చిత్రం ఫస్ట్లుక్ కోసం మీరు ఆసక్తితో ఎదురుచూస్తున్నారని నాకు తెలుసు. సినిమా కోసం మా టీమ్ అహర్నిశలు శ్రమిస్తోంది. ఫస్ట్లుక్ త్వరలోనే విడుదల కాబోతోంది.. దయచేసి కాస్త ఓపికతో ఉండాలని కోరుతున్నా. లవ్యూ గాయ్స్’అని ఫ్యాన్స్ కోసం ట్వీట్ చేశాడు ప్రిన్స్.

  • బైక్ లపై భారీ డిస్కౌంట్లు.. ఇక ఒక్క రోజు మాత్రమే!
    Published Date : 30-Mar-2017 9:07:55 IST

    బీఎస్-3 ప్రమాణాలు కలిగిన వాహనాలపై నిషేధం నేపథ్యంలో ద్విచక్ర వాహన తయారీ సంస్థలు భారీ ఆఫర్లను ప్రకటించాయి. ఏప్రిల్ 1 తర్వాత ఆ ప్రమాణాలు కలిగిన వాహనాల అమ్మకాలు, రిజిస్ట్రేషన్లు చెల్లవని సుప్రీం కోర్టు తీర్పును ఇవ్వడంతో ఆయా సంస్థలు ఆఫర్లకు తెరతీశాయి. హీరో మోటోకార్ప్, హోండా స్కూటర్ ఇండియా గరిష్ఠంగా రూ.12,500 వరకు కొన్ని మోడళ్లపై డిస్కౌంట్ ప్రకటించాయి. వీలైనన్ని ఎక్కువ వాహనాలు విక్రయించడమే లక్ష్యంగా ఈ ఆఫర్లను ఇస్తున్నాయి. మార్చి 31 వరకు మాత్రమే ఈ ఆఫర్ వర్తించనుంది.

  • తన సినిమా కన్నా.. నాగ్ ను అదెక్కువ టెన్షన్ పెడుతోంది!
    Published Date : 30-Mar-2017 9:03:54 IST

    ఇప్పుడు తన సినిమాలు హిట్ కావడంకన్నా తనయులను నిలబెట్టడం మీదే ఎక్కువగా దృష్టిపెట్టాడు నాగార్జున. రాజుగారి గది-టూ చేస్తున్న నాగ్ ను ఆ సినిమాకన్నా కల్యాణ్ కృష్ణ చేస్తున్న చైతూ సినిమా ఎక్కువగా టెన్షన్ పెడుతోంది. ఎటుతిరిగీ ఆ సినిమాతో కొడుకు హిట్ అందుకోవాల్సిందే.. ఇప్పటికే విడుదల అయిన ఆ సినిమా ఫస్ట్ లుక్ కు మంచి రెస్పాన్స్ రావడంతో నాగ్ హ్యాపీగానే ఉన్నాడట.. అయితే కొడుకు కెరీర్ కు కరువైన సూపర్ హిట్ కొట్టాలనే కసితో ఆ సినిమాపై దృష్టిపెట్టాడట నాగ్.

  • ‘ఉయ్యాలవాడ’ లో చిరంజీవికి తోడు మరో తెలుగు హీరో!
    Published Date : 29-Mar-2017 10:29:09 IST

    మెగాస్టార్ చిరంజీవి టైటిల్ రోల్ లో రూపొందనున్న “ఉయ్యాలవాడ’’ సినిమాలో బాలీవుడ్ అక్షయ్ కుమార్ కూడా నటించనున్నాడనే ప్రచారం జరుగుతోంది. అక్షయ్ ది నెగిటివ్ రోల్ అనే ప్రచారం జరుగుతోంది. ప్రస్తుతం రోబో టూ లో కూడా అక్షయ్ నటిస్తున్నాడు. మరి ఆ సంగతలా ఉంటే.. ఈ సినిమాలో మరో టాలీవుడ్ హీరోగా కూడా నటించున్నాడని ప్రచారం జరుగుతోంది. అదెవరో కాదు. శ్రీకాంత్. ఇది వరకూ శంకర్ దాదా ఎంబీబీఎస్ లో చిరుతో నటించిన శ్రీకాంత్ ఉయ్యాలవాడలో కూడా అనుచరుడి పాత్రలో చేయనున్నాడట.

  • తొందరగా పెళ్లి చేసుకుంటా.. పెళ్లాయ్యాకా నటిస్తా!
    Published Date : 29-Mar-2017 10:24:35 IST

    సినిమా ఇండస్ట్రీలోకి చిన్న వయసులోనే రావడం తనకు మంచిదైందని అంటోంది ఆలియాభట్. స్టూడెంట్ ఆఫ్ ద ఇయర్ సినిమాతో సినిమాలకు పరిచయమైన మహేశ్ భట్ తనయ ఇప్పుడు బాలీవుడ్ లో నమ్మకమైన నటిగా పేరు తెచ్చుకుంది. చేతినిండా అవకాశాలతో కొనసాగుతోంది. ఈ నేపథ్యంలో ఆలియా మాట్లాడుతూ.. తను త్వరగానే పెళ్లి చేసుకుంటానని అంటోంది. పెళ్లెప్పుడు అన్న ప్రశ్నకు ఈ విధంగా సమాధానం ఇచ్చింది ఆలియా. అలాగే పెళ్లి తర్వాత కూడా నటిస్తానని స్పష్టం చేసింది.

  • మరో సినిమాను అనౌన్స్ చేసిన పూరీ!
    Published Date : 29-Mar-2017 9:56:55 IST

    ఒకవైపు బాలకృష్ణ తో సినిమాను కమిటైన దర్శకుడు పూరి జగన్నాథ్ తన తదుపరి సినిమాను కూడా అప్పుడే అనౌన్స్ చేశాడు. ఇంకా పూరీ సినిమా రోగ్ విడుదల కానుంది.. ఆ సినిమా ప్రమోషన్స్ లో బిజీగా ఉన్న పూరీ మరో సినిమాను అనౌన్స్ చేయడమే ఇక్కడ విడ్డూరంగా ఉంది. ఆ సినిమా పేరు ‘హే భగవాన్’ అని పూరీ ప్రకటించాడు. దేవుళ్ల వల్ల ప్రపంచానికి జరుగుతున్న నష్టాన్ని ఆ సినిమాలో చూపుతానని పూరీ తెలిపాడు. కథాంశం కూడా వివాదం లానే ఉంది.

  • ఆర్కేనగర్ ఉప ఎన్నికః దీపకు దక్కిన గుర్తు ఏదంటే..!
    Published Date : 28-Mar-2017 6:47:31 IST

    దాదాపు అరవైమంది అభ్యర్థులు పోటీలో ఉన్నారు ఆర్కే నగర్ నుంచి. జయలలిత మరణం నేపథ్యంతో జరుగుతున్న ఈ ఉప ఎన్నికల్లో తమిళనాడులోని పలురాజకీయ పార్టీలు కూటములు తమ తమ అదృష్టాన్ని పరీక్షించుకుంటున్నాయి. వీరందరిలోనూ బాగా ఆసక్తిని రేకెత్తిస్తున్న జయ మేనకోడలికి ఈసీ పడవ గుర్తును కేటాయించింది. ఎంజీఆర్ అమ్మా దీప పేరవై అనే పార్టీని నెలకొల్పి దీప ఇక్కడ నుంచి పోటీ చేస్తోంది. ఈ నేపథ్యంలో దీపకు పడవగుర్తు కేటాయించారు. మరి దీప ఎలాంటి పలితాన్ని పొందుతుందనే దానిపై సర్వత్రా ఆసక్తి నెలకొని ఉంది.

  • డేటింగ్ కు సినిమా వ్యక్తే కావాలంటున్న హీరోయిన్!
    Published Date : 28-Mar-2017 6:41:49 IST

    కృతీ సనన్.. సుశాంత్ సింగ్ రాజ్ పుత్ తో డేటింగ్ లో ఉందనే ప్రచారాన్ని ఎదుర్కొంటోంది. వీళ్లిద్దరూ కలిసి ఒక సినిమాలో నటించారు. అప్పటి నుంచి ఇద్దరి మధ్యనా సమ్ థింగ్ అనే ప్రచారం జరుగుతోంది. అయితే కృతి మాత్రం పైకి ఆ రూమర్లను ఖండిస్తోంది. అయితే డేటింగ్ మీద తన అభిప్రాయాన్ని మాత్రం ఈమె పంచుకుంది. తనకు డేటింగ్ కు సినిమా వ్యక్తే అయితే మేలని కృతి చెప్పుకొచ్చింది. తన రంగానికే చెందిన వ్యక్తి అయితే అర్థం చేసుకునే వీలుంటుందని కృతి చెప్పుకొస్తోంది.

  • టీమిండియాకు బీసీసీఐ భారీ నజరానా!
    Published Date : 28-Mar-2017 6:32:30 IST

    ఆస్ట్రేలియాతో నాలుగు టెస్టుల సిరీస్ ను 2-1తో నెగ్గిన టీమిండియాకు బీసీసీఐ భారీ నజరానా ప్రకటించింది. ధర్మశాలలో జరిగిన నాలుగో టెస్టులో భారత జట్టు 8 వికెట్ల తేడాతో ఘన విజయం సాధించింది. దీంతో సిరీస్ భారత్ వశమైంది. ఈ సందర్భంగా బీసీసీఐ భారత ఆటగాళ్లకు ఒక్కొక్కరికి రూ.50 లక్షల నజరానా ప్రకటించింది. ప్రధాన కోచ్ అనిల్ కుంబ్లేకు రూ.25 లక్షల రివార్డు, ఇతరత్రా సిబ్బంది ప్రతి ఒక్కరికీ రూ.15 లక్షలు అందజేయనున్నట్లు తెలిపింది. ఈ విజయంతో టీమిండియా టెస్టుల్లో ఫస్ట్ ర్యాంకును పదిలపరుచుకుంది.

  • రాష్ట్రపతి పీఠంపై ఆయనను కూర్చోబెట్టాలన్న శివసేన
    Published Date : 27-Mar-2017 9:45:39 IST

    ఆర్ఎస్ఎస్ చీఫ్ ను రాష్ట్రపతిగా చేయాలని డిమాండ్ చేశాడు శివసేన ఎంపీ సంజయ్ రావత్. హిందుత్వ వాది అయిన భగవత్ ను రాష్ట్రపతిగా కూర్చోబెట్టడం మంచిదని రావత్ అన్నారు. ప్రధాని మోడీ రూపంలో ఒక హిందుత్వ వాది కీలక పదవిలో ఉన్నాడని, ఇటీవల యూపీ సీఎంగా ఎన్నికైన యోగి ఆదిత్యనాథ్ రూపంలో ఇంకో హిందుత్వ వాది ఉన్నాడని, రాష్ట్రపతి పదవిలో కూడా హిందుత్వ వాదిని కూర్చోబెట్టాలని రావత్ డిమాండ్ చేశారు. ఇప్పటికే పలువురు బీజేపీ నేతల పేర్లు రాష్ట్రపతి పదవి రేసులో వినిపిస్తున్నాయి.

  • టీనేజ్ లో జయలలిత అంటే పడిచచ్చే వాడట!
    Published Date : 27-Mar-2017 9:39:17 IST

    వివాదాస్పద వ్యాక్యానాలకు కేరాఫ్ అయిన జస్టిస్ మార్కేండేయ ఖట్జూ మరోసారి ఆసక్తికరమైన వ్యాఖ్య చేశాడు. తన టీనేజ్ జ్ఞాపకాల గురించి చెప్పుకొచ్చాడయన. అప్పట్లో తను జయలలిత అంటే పడి చచ్చే వాడిని అని ఖట్జూ వ్యాఖ్యానించాడు. అప్పట్లో ఆమె చాలా అందంగా ఉందని అనుకునే వాడిని అని అన్నాడు. మద్రాస్ కోర్టుకు న్యాయమూర్తిగా వెళ్లాకా ముఖ్యమంత్రి హోదాలోని జయలలితను చూశానని, అప్పుడు తన టీనేజ్ ఫీలింగ్స్ ను చెప్పడం బాగోదని ఆగిపోయానని ఖట్జూ అన్నాడు.

  • జయలలిత ‘కొడుకు’కు షాక్ …!
    Published Date : 27-Mar-2017 9:35:44 IST

    జయలలిత కొడుకును అంటూ కోర్టుకు ఎక్కిన వ్యక్తికి షాకిచ్చింది చెన్నై హై కోర్టు. తప్పుడు డాక్యుమెంట్స్ ను పట్టుకుని జయలలిత కు కొడుకు ను అంటూ పట్టుకొచ్చిన వ్యక్తిని జైలుకు పంపాలని కోర్టు పోలీసులను ఆదేశించింది. తను జయలలితకూ శోభన్ బాబుకు పుట్టాననేది అతడి వాదన. తనను చిన్నప్పుడే జయలలిత వేరే వాళ్లకు దత్తత ఇచ్చిందని ఆ వ్యక్తి పిటిషన్ లో పేర్కొన్నాడు. తప్పుడు డాక్యుమెంట్లను చూపుతున్నారు, శిక్షను ఎదుర్కొనాల్సి ఉంటుందని ముందే చెప్పిన కోర్టు.. చివరకు ఆ వ్యక్తిని జైలుకు పంపింది.

  • స్టార్ హీరో సినిమా మ్యూజిక్ రైట్సే రూ.17 కోట్ల పైనేనట!
    Published Date : 26-Mar-2017 9:54:06 IST

    కొంతమంది స్టార్ హీరోల సినిమాలకు వందల కోట్ల రూపాయల వసూళ్లు చాలా కామన్ అయిపోతున్నాయి. ఏ విషయంలో అయినా రికార్డు స్థాయి నంబర్లే వినిపిస్తున్నాయి. ఈ పరంపరలో “ట్యూబ్ లైట్” సినిమా ఆడియో రైట్స్ భారీ మొత్తాన్ని పలుకుతున్నట్టుగా తెలుస్తోంది. ఈ సినిమా ఆడియో విడుదల హక్కులను ఒక సంస్థ రూ.17 కోట్ల పై మొత్తాన్ని వెచ్చించి కొనుగోలు చేస్తోందని సమాచారం. ఇది వరకూ సల్మాన్ సినిమాల మ్యూజిక్ రైట్స్ 17 కోట్ల వరకూ అమ్ముడయ్యాయి. ట్యూబ్ లైట్ ఆ రికార్డును బ్రేక్ చేయనుందని సమాచారం.

  • పళని స్వామి ప్రభుత్వం కూలిపోతుందా?
    Published Date : 26-Mar-2017 9:51:12 IST

    జయలలిత మరణానంతరం రాజకీయ సంచలన పరిణామాలనంతరం ఏర్పడిన పళనిస్వామి ప్రభుత్వ మనుగడ కష్టమేనా? పళనిస్వామి ప్రభుత్వం ఎప్పుడైనా కూలిపోవచ్చా? అంటే.. ఔననే అంటున్నాయి పళనిస్వామి అనుకూల వర్గాలు. స్వయంగా టీటీవీ దినకరన్ మాట్లాడుతూ.. తమ ప్రభుత్వాన్ని కూల్చడానికి స్టాలిన్ ప్రయత్నిస్తున్నాడని ఆరోపించాడు. కొంతమంది ఎమ్మెల్యేలతో స్టాలిన్ మాట్లాడుతున్నాడని.. ప్రలోభాలకు గురి చేస్తూ పళని ప్రభుత్వాన్ని కూలదోయడానికి డీఎంకే నేత ప్రయత్నిస్తున్నాడని దినకరన్ ఆరోపించాడు. అయితే డీఎంకే ఈ ఆరోపణలను ఖండిస్తోంది.

  • సౌత్ స్టార్ హీరో.. హిందీలో విలన్ గా?
    Published Date : 26-Mar-2017 9:50:11 IST

    తన సొంత భాష కన్నడలో స్టార్ హీరో సుదీప్. అక్కడ కచ్చితంగా ఇమేజ్ కు తగ్గట్టైన సినిమాలు చేసే సుదీప్ పక్క భాషల్లో మాత్రం విలన్ తరహా పాత్రలు చేస్తూ వస్తున్నాడు. తెలుగులో ఈగ సినిమాలో విలన్ గా నటించాడితను… అంతే కాదు ఇప్పుడు హిందీలో కూడా సుదీప్ విలన్ గానటించబోతున్నాడని సమాచారం. ఇది వరకూ పలు హిందీసినిమాల్లో నటించిన సుదీప్ ఏక్ థా టైగర్ కు సీక్వెల్ గా రాబోయే సినిమాల విలన్ గా నటించబోతున్నట్టుగా తెలుస్తోంది.