• మహేశ్ సినిమా కథ రేటు.. కోటి రూపాయలట!
    Published Date : 05-Apr-2017 7:57:36 IST

    ‘భరత్ అను నేను..’ ప్రస్తుతం చేతిలో ఉన్న సినిమా తర్వాత మహేశ్ బాబు చేపట్టబోయే సినిమా. కొరటాల శివ దర్శకత్వంలో ఈ సినిమా రూపొందనుంది. ఇప్పుడు ఆసక్తికరమైన విషయం ఏమిటంటే ఈ సినిమా కథను ఏకంగా కోటి రూపాయలు వెచ్చించి కొన్నారట. వెనుకటికి తకిటతకిట, సత్యభామ వంటి సినిమాలను రూపొందించిన దర్శకుడు శ్రీహరినాను రచించిన కథ అట. ఆ కథ కోసం ఏకంగా కోటి రూపాయలు ఆఫర్ చేసి కొన్నారట. మరి కథ కోసం ఇది భారీ మొత్తం అని వేరే చెప్పనక్కర్లా.

  • నిజంగా గ్రేట్… గవర్నర్ పోస్ట్ వద్దనేశాడట..!
    Published Date : 05-Apr-2017 7:55:29 IST

    టీజేఏసీ నేత రిటైర్డ్ ప్రొఫెసర్ కోదండరామ్ కు భారతీయ జనతా పార్టీ నుంచి ఒక ఆసక్తికరమైన ప్రతిపాదన వచ్చినట్టుగా తెలుస్తోంది. ఒక కీలకమైన రాష్ట్రానికి గవర్నర్ పదవిని ఆఫర్ చేసిందట బీజేపీ. తెలంగాణకు చెందిన ఒక కీలక నేత ఈ ప్రతిపాదన తెచ్చాడట. అయితే.. ఆ ఆఫర్ ను కోదండరాం సున్నితంగా తిరస్కరించినట్టుగా తెలుస్తోంది. ప్రస్తుతం తన పోరాటం అంతా ప్రజాసమస్యల మీదేనని కోదండరాం అన్నారట. మరి ఇది నిజంగా నిజమే అయితే.. కోదండరాం చాలా గ్రేట్.

  • సీఎంతో మరో రాజకీయ ప్రత్యర్థి భేటీ!
    Published Date : 05-Apr-2017 7:53:08 IST

    యూపీ లో అధికారాన్ని కోల్పోయిన ఎస్పీ ఫస్ట్ ఫ్యామిలీ ప్రముఖులు ఒక్కొక్కరిగా ముఖ్యమంత్రి యోగి ఆదిత్యనాథ్ తో సమావేశం అవుతున్నారు. ఇప్పటికే ములాయం చిన్న కోడలు, కొడుకు యోగితో ఒకసారి సమావేశం కావడంతో పాటు, యోగి కూడా ములాయం కోడలు నిర్వహిస్తున్న గోశాలను సందర్శించడం జరిగింది. తాజాగా ములాయం సోదరుడు శివపాల్ యాదవ్ యోగితో సమావేశం కావడం ఆసక్తికరంగా మారింది. శివపాల్ గతంలో అఖిలేష్ తో విబేధించి వార్తల్లో నిచాడు. మొన్నటి ఎన్నికల్లో పోటీ చేసి ఓడాడు.

  • అబ్బే.. ఆ సినీతారను అరెస్టు చేయలేదన్న పోలీసులు!
    Published Date : 04-Apr-2017 7:46:08 IST

    వివాదాస్పద శృంగార నటి రాఖీ సావంత్ అరెస్టు అయినట్టుగా వచ్చిన వార్తలను ఖండించారు పంజాబ్ పోలీసులు. వాల్మీకి పై వివాదాస్పద వ్యాఖ్యలు చేసినందుకు రాఖీపై కేసు నమోదైంది. ఆమెకు కోర్టు నోటీసులు జారీ చేసింది. అయినా ఆమె న్యాయస్థానం ముందుకు రాకపోవడంతో అరెస్టు వారెంటును జారీ చేశారు. ఈ నేపథ్యంలో ఆమెను అరెస్టు చేసినట్టుగా వార్తలు వచ్చాయి. అయితే వారెంటు నిజమే కానీ, అరెస్టు చేయలేదు అనిపోలీసులు ప్రకటించారు. కోర్టు తదుపరి ఆదేశాల గురించి తాము చూస్తున్నామని చెప్పారు.

  • నేను బీజేపీలో చేరడం లేదు!
    Published Date : 04-Apr-2017 7:45:22 IST

    తను భారతీయ జనతాపార్టీలో చేరడం లేదు.. అని స్పష్టం చేసింది ములాయం చిన్న కోడలు అపర్ణ యాదవ్. ఇటీవల యూపీ సీఎం యోగి ఆదిత్యానాథ్ తో భర్తతో కలిసి సమావేశం కావడం, అనంతరం యోగి ఆదిత్యనాథ్ అపర్ణ ఆధ్వర్యంలో నిర్వహిస్తున్న గోశాలను ఆయన సందర్శించడంతో.. అపర్ణ యాదవ్ బీజేపీలో చేరడం ఖాయమనే ప్రచారం జరిగింది. అయితే ఈ ప్రచారానికి ఫుల్ స్టాప్ పెట్టడానికి అపర్ణ స్పందించింది. తను బీజేపీలో చేరడం లేదు అని ఆమె వ్యాఖ్యానించింది. సమాజ్ వాదీలోనే ఉంటానని ప్రకటించింది.

  • కాటమరాయుడు నష్టాలు ఏ స్థాయిలో..?
    Published Date : 04-Apr-2017 7:44:33 IST

    ఫ్యాన్స్ చేత సూపర్ అనిపించుకున్న కాటమరాయుడు సినిమా క్రిటిక్స్ చేత జస్ట్ ఫర్వాలేదనిపించుకుంది. అయితే తీరా వసూళ్ల గణాంకాలను బట్టి చూస్తే మాత్రం ఈ సినిమా నష్టాలు భారీగానే ఉన్నాయని తెలుస్తోంది. ప్రాంతాల వారీగా ఈ సినిమా బయ్యర్లకు వేర్వేరు స్థాయిలో నష్టాలు సంభవించాయని సమాచారం. విశేషం ఏమిటంటే ఆంధ్రప్రదేశ్ పరిధిలో పవన్ సినిమాకు ముప్పై శాతం వరకూ నష్టాలు సంభించడం. అదే నైజాం బయ్యర్లు మాత్రం పదిశాతం నష్టాలతో బయటపడ్డారట. ఓవర్సీస్ లో కూడా నష్టాలు భారీగానే ఉన్నాయని సమాచారం.

  • ఐపీఎల్ యాడ్ రేట్.. సెకనుకు అంత కాస్టా!
    Published Date : 03-Apr-2017 10:18:24 IST

    ఐపీఎల్ లో టీవీ యాడ్స్ కు సంబంధించి అత్యంత భారీ నంబర్లు వినిపిస్తున్నాయి. ఐపీఎల్ ప్రసార హక్కులు పొందిన టీవీ చానల్ యాడ్ కు సంబంధించిన వేలం నిర్వహించగా, భారీ నుంచి అతి భారీ నంబర్లు పలికాయి. మ్యాచ్ సందర్భంగా పది సెకనుల యాడ్ కు ఐదు లక్షల రూపాయల వరకూ చెల్లించుకోవాల్సి ఉంటుందట. ప్రతి మ్యాచ్ కూ 2,300 సెకనుల యాడ్ సమయాన్ని తేల్చారట. దీన్ని బట్టి ఇండియన్ ప్రీమియర్ లీగ్ ను ప్రత్యక్ష సారం చేసే చానల్ పంట పండినట్టే.

  • బాబుపై మరో ఎమ్మెల్యే అసంతృప్తి!
    Published Date : 03-Apr-2017 10:01:53 IST

    మంత్రి వర్గ విస్తరణ నేపథ్యంలో తెలుగుదేశం పార్టీ అధినేత చంద్రబాబుపై గళం విప్పే ఎమ్మెల్యేల సంఖ్య క్రమంగా పెరుగుతోంది. ఈ జాబితాలో చేరాడు సీనియర్ ఎమ్మెల్యే గౌతు శ్యామసుందర శివాజీ. తను తెలుగుదేశం పార్టీలో దశాబ్దాలుగా పనిచేస్తున్నాను అని, ఐదు సార్లు ఎమ్మెల్యేగా పని చేశాను అయినా చంద్రబాబు తనను గుర్తించలేదని ఆయన ఆవేదన వ్యక్తం చేశాడు. ఇప్పటికే పలువురు తెలుగుదేశం ఎమ్మెల్యేలు ఈ తరహా అసంతృప్తి వ్యక్తం చేశారు. రాజీనామా హెచ్చరికలు చేశారు.

  • మోడీ గాలి లేదు.. ఓడించడం కష్టం కాదు!
    Published Date : 03-Apr-2017 9:43:17 IST

    మొన్నటి ఐదు రాష్ట్రాల ఎన్నికల అనంతరం బారతీయ జనతా పార్టీ నాలుగు రాష్ట్రాల్లో ప్రభుత్వాన్ని ఏర్పాటు చేస్తే చేసి ఉండొచ్చు కానీ.. ఆ ఫలితాలు మాత్రం మిశ్రమ ఫలితాలు అని వ్యాఖ్యానించాడు బిహార్ ముఖ్యమంత్రి నితీష్ కుమార్. దేశంలో మోడీ గాలి ఉందన్న ప్రచారాన్ని ఆయన ఖండించాడు. మోడీని ఓడించడం కష్టం కాదని నితీశ్ అభిప్రాయపడ్డాడు. అయితే అందుకోసం ప్రతిపక్షాల ఐక్యత అవసరం అని నితీశ్ అన్నాడు. కాంగ్రెస్, కమ్యూనిస్టుల పార్టీలు కలిసి ఐక్య కూటమిని ఏర్పాటు చేయాలని నితీశ్ పిలుపునిచ్చాడు.

  • లారెన్స్.. ఒక మంచి పని!
    Published Date : 02-Apr-2017 10:24:24 IST

    సామాజిక సేవా కార్యక్రమాల్లో ముందుంటాడు నటుడు, దర్శకుడు రాఘవ లారెన్స్. ఈ పరంపరలో లారెన్స్ మరో మంచి పని చేశారు. తమిళనాడులో రైతుల పరిస్థితి గురించి ఆవేదన వ్యక్తం చేసిన లారెన్స్.. అక్కడ కొంతమంది రైతులకు పాడి ఆవులను ఇచ్చారు. పాతిక మంది రైతులకు ఆవులను ఇచ్చాడు లారెన్స్. అలాగే మరణించిన ఒక రైతు కుటుంబానికి మూడు లక్షల రూపాయల ఆర్థిక సాయాన్ని చేశాడు. ఇది కచ్చితంగా అభినందించదగిన అంశమే. ఈ విషయంలో మిగతా వారూ లారెన్స్ ను స్ఫూర్తిగా తీసుకోవాలి.

  • శ్రుతి హాసన్ పెళ్లి అయిపోయిందా…?
    Published Date : 02-Apr-2017 10:17:53 IST

    నటీమణి శ్రుతి హాసన్ పెళ్లి అయిపోయిందా? అంటే ఔనని అంటున్నారు గాసిప్ క్రియేటర్లు. కొన్నాళ్లుగా లండన్ లో ఉంటున్న ఒక ఇటాలియన్ తో శ్రుతి ప్రేమలో ఉన్నట్టుగా ప్రచారం జరుగుతోంది. ఈ ప్రచారానికి ఊతమిస్తూ.. ఆమెకు అతడితో పెళ్లి అయిపోయినట్టుగా కూడా చెబుతున్నారు సినీ వర్గాల వారు. శ్రుతి అతడిని పెళ్లి చేసుకుందని, అక్కడే కాపురం కూడా పెట్టేసిందనే మాట వినిపిస్తోంది. అయితే పెళ్లి విషయాన్ని రీవిల్ చేయడం లేదని.. కొంతకాలానికి ఈ విషయాన్ని ప్రకటించే అవకాశం ఉన్నట్టుగా తెలుస్తోంది.

  • ఏపీ కొత్త మంత్రులు వీళ్లే…
    Published Date : 02-Apr-2017 10:11:54 IST

    చంద్రబాబు తనయుడు నారా లోకేష్ తో సహా పలువురు మంత్రులుగా ప్రమాణ స్వీకారం చేశారు. పార్టీ సీనియర్లు కళా వెంకట్రావు, నక్కా ఆనంద్బాబు, పితాని సత్యనారాయణ, కొత్తపల్లి జవహర్ మంత్రులుగా ప్రమాణం చేశారు. ఇక చంద్రబాబు మంత్రి వర్గ విస్తరణలో ఫిరాయింపుదారులకు పెద్దపీట వేశారు. ఫిరాయింపు ఎమ్మెల్యేల్లో కర్నూలు జిల్లా ఆళ్లగడ్డ ఎమ్మెల్యే భూమా అఖిల ప్రియ, ఆమెతో పాటు అమర్నాథ్రెడ్డి, ఆదినారాయణరెడ్డి, సుజయకృష్ణ రంగారావులకు మంత్రి పదవులు దక్కాయి.

  • రాజ్యసభకు వచ్చి షాకిచ్చిన పారికర్!
    Published Date : 31-Mar-2017 8:27:10 IST

    గోవా ముఖ్యమంత్రి గా బాధ్యతలు చేపట్టి కేంద్రమంత్రి పదవికి రాజీనామా చేసిన మనోహర్ పారికర్ హఠాత్తుగా రాజ్యసభకు వచ్చి ఆశ్చర్య పరిచాడు. ఎందుకొచ్చాడో కానీ.. ఆయన సభలోకి రావడంతోనే గందరగోళం చెలరేగింది. పారికర్ ను వ్యతిరేకిస్తూ కాంగ్రెస్ పార్టీ సభ్యులు నినాదాలు చేశారు. దానికి ప్రతిగా భారతీయ జనతా పార్టీ సభ్యులు అనుకూల నినాదాలు చేశారు. ఈ సందర్భంగా నక్వీ మాట్లాడుతూ.. గోవా కాంగ్రెస్ ఇన్ చార్జి దిగ్విజయ్ కు ధన్యవాదాలు చెప్పేందుకే పారికర్ సభకు వచ్చాడని వ్యాఖ్యానించి కాంగ్రెస్ వాళ్లను కవ్వించారు.

  • ఐపీఎల్ కు మరో స్టార్ ఆటగాడు దూరం?
    Published Date : 31-Mar-2017 8:14:58 IST

    ఇప్పటికే పలువురు స్టార్ క్రికెటర్లు దూరం అవుతున్నారు ఈ ఏడాది ఐపీఎల్ కు. కొందరు విదేశీ ఆటగాళ్లు తాము ఈ ఏడాది ట్రోఫీకి దూరంగా ఉంటామని ప్రకటించారు. ఐపీఎల్ సమయంలోనే కొన్ని అంతర్జాతీయ మ్యాచ్ లు ఉండటంతో మరికొంతమంది ఈ సారి దూరంగా ఉంటున్నామని ప్రకటించారు. ఈ జాబితాలో చేరాడు అశ్విన్. పుణే జట్టుకు ఆడుతున్న అశ్విన్ ఈ సీజన్ మొత్తం ఆటకు దూరం కానున్నట్టుగా తెలుస్తోంది. ఐపీఎల్ కే గాక ఎనిమిది నెలల పాటు క్రికెట్ కే దూరం కానున్నాడట అశ్విన్.

  • బీజేపీలోకి చేరనున్న రాజకీయనేత కోడలు?
    Published Date : 31-Mar-2017 8:09:43 IST

    సమాజ్ వాదీ పార్టీ అధినేత ములాయం సింగ్ యాదవ్ చిన్న కోడలు అపర్ణ యాదవ్ బీజేపీలో చేరే అవకాశముందని వార్తలు వస్తున్నాయి. ఉత్తరప్రదేశ్ లో తాజా రాజకీయ పరిణామాల నేపథ్యంలో ఈ ఊహాగానాలు వ్యక్తమవుతున్నాయి. అపర్ణ నేతృత్వంలోని ఎన్జీవో నిర్వహిస్తున్న కన్హా ఉపవాన్(గోశాల)ను శుక్రవారం ముఖ్యమంత్రి యోగి ఆదిత్యనాథ్ సందర్శించారు. బీజేపీలో చేరే అవకాశముందా అని ఈ సందర్భంగా విలేకరులు ప్రశ్నించగా.. సమయం వచ్చినప్పుడు చెబుతా అని అపర్ణ సమాధానం ఇచ్చారు. ఇప్పుడు తానేమి చెప్పలేనని అన్నారు. ఇది వరకూ సీఎంతో ఆమె ఒకసారి సమావేశం అయ్యారు.