• ధవన్, రోహిత్ కొత్త రికార్డు!
    Published Date : 01-Nov-2017 8:36:58 IST

    ఢిల్లీలో న్యూజిలాండ్ తో జరిగిన టీ20లో భారత ఓపెనర్లు రోహిత్ శర్మ, శిఖర్ ధవన్ లు కొత్త రికార్డును స్థాపించారు. ఓపెనింగ్ పార్టనర్ షిప్ విషయంలో ఇండియా తరఫు నుంచి కొత్త రికార్డును క్రియేట్ చేశారు. తొలి వికెట్ కు 158 పరుగులు సాధించింది ఈ జంట. ఇది వరకూ ఈ రికార్డు సెహ్వాగ్ గంభీర్ ల పేరు మీద ఉండేది. ఆ ఢిల్లీ జోటీ 146 పరుగుల ఓపెనింగ్ పార్టనర్ షిప్ రికార్డును కలిగి ఉండేది. ధవన్, రోహిత్ లు ఆ రికార్డును బద్ధలు కొట్టారు. 80 పరుగుల వద్ద ధవన్ ఔట్ కావడంతో వీరి భాగస్వామ్యానికి తెరపడింది.

  • టీడీపీకి రాజీనామా.. బీజేపీలోకి నటీమణి!
    Published Date : 30-Oct-2017 8:08:23 IST

    తెలుగుదేశం వాళ్లు తనను మెడబట్టి బయటకు గెంటేశారని అంటున్నారు సీనియర్ నటీమణి కవిత. కొన్నేళ్ల కిందట తెలుగుదేశంలో చేరిన కవిత కొన్నాళ్లుగా అసహనంతో ఉన్నారు. తెలుగుదేశం పార్టీలో తనకు సరైన ప్రాధాన్యత దక్కడం లేదని ఆమె అంటున్నారు. ఈ నేపథ్యంలో తను ఆ పార్టీ నుంచి బయటకు వస్తానని ఆమె ప్రకటించారు. ఇటీవల భారతీయ జనతా పార్టీ నేతలతో కవిత సంప్రదింపులు జరిపినట్టుగా తెలుస్తోంది. దీంతో ఈమె కమలం పార్టీ తీర్థం పుచ్చుకోవచ్చని వార్తలు వస్తున్నాయి.

  • విశాల్-మోహన్‌లాల్ సినిమా డిసెంబర్లో తెలుగులోకి!
    Published Date : 30-Oct-2017 7:28:40 IST

    మలయాళంలో హిట్ అయిన ‘విలన్’ సినిమాను తెలుగులోకి అనువదించబోతున్నారని తెలుస్తోంది. మోహన్ లాల్ ప్రధాన పాత్రలో నటించిన ఈ మల్టీ స్టారర్ సినిమాలో విశాల్ తో సహా శ్రీకాంత్ కూడా నటించాడు. హన్సిక, రాశీ ఖన్నాలు ఈ సినిమాలో లేడీ లీడ్ రోల్స్ చేశారు. ఈ నేపథ్యంలో తమిళ, తెలుగు భాషల్లో కూడా ఈ సినిమా పట్ల ఆసక్తి నెలకొని ఉంది. మలయాళంలో ఫస్ట్ వీక్ లోనే ఈ సినిమా పది కోట్ల రూపాయల వసూళ్లను సాధించిందని.. డిసెంబర్లో ఈ సినిమాను తమిళ, తెలుగు భాషల్లో విడుదల చేయనున్నామని నిర్మాతలు ప్రకటించారు.


  • Widget not in any sidebars
  • చంద్రబాబు నిధులు తెచ్చుకోలేని దద్దమ్మ!
    Published Date : 30-Oct-2017 7:25:42 IST

    ఏపీ సీఎం చంద్రబాబుపై ధ్వజమెత్తాడు పీసీసీ ప్రెసిడెంట్ రఘువీరా రెడ్డి. పోలవరం ప్రాజెక్టు విషయంలో చంద్రబాబు తీరును రఘువీర దుయ్యబట్టాడు. పోలవరం విషయంలో చంద్రబాబు నాయుడు దద్దమ్మలా వ్యవహరిస్తున్నాడని, నిధులు తెచ్చుకోలేని దద్దమ్మ చంద్రబాబు నాయుడు.. అని రఘువీరారెడ్డి ధ్వజమెత్తాడు. పోలవరం విషయంలో కేంద్రం నుంచి నిధులు తెప్పించుకోవాలని.. ఇది చేతగాక పోతే చంద్రబాబు నాయుడు పదవి నుంచి వైదొలగాలి అని రఘువీరారెడ్డి డిమాండ్ చేశారు.

  • యనమల.. నోటిని ఫినాయిల్‌తో కడుక్కో!
    Published Date : 29-Oct-2017 1:18:54 IST

    జగన్ పాదయాత్ర విషయంలో వైసీపీ, టీడీపీ నేతల మధ్య మాటల యుద్ధం కొనసాగుతోంది. ఎన్టీఆర్ తో జగన్ పోలిక లేదని యనమల వ్యాఖ్యానించగా.. ఎన్టీఆర్ కు వెన్నుపోటు పొడిచిందే యనమల అని వైసీపీ నేత జోగి రమేశ్ ధ్వజమెత్తాడు. ఎన్టీఆర్ కు చంద్రబాబు వెనుకనుంచి వెన్నుపోటు పొడిస్తే.. యనమల రామకృష్ణుడు ముందునుంచి ఎన్టీఆర్‌ను పొడిచారని జోగి అన్నారు. మాట్లాడే ముందు యనమల నోటిని ఫినాయిల్‌తో శుభ్రం చేసుకోవాలని వ్యంగ్యంగా వ్యాఖ్యానించారు. ఎన్టీఆర్‌కు వెన్నుపోటు సమయంలో యనమల స్పీకర్ పదవికే మచ్చ తెచ్చారన్నారు.

  • చివరగా బాబును కలవకనే రేవంత్ రాజీనామా!
    Published Date : 29-Oct-2017 1:16:11 IST

    తెలుగుదేశం అధినేతతో సమావేశానికి అని అమరావతికి వెళ్లిన రేవంత్ రెడ్డి.. అక్కడ చంద్రబాబుతో సమావేశం కాకుండానే రాజీనామా చేసినట్టుగా తెలుస్తోంది. శుక్రవారం ఒకసారి రేవంత్ చంద్రబాబుతో సమావేశం అయ్యారు. శనివారం కూడా రేవంత్ బాబుతో సమావేశం అయ్యే అవకాశాలున్నాయని వార్తలు వచ్చాయి. అయితే అది నిజం కాలేదు. రేవంత్ రెడ్డి బాబుతో సమావేశం కాకుండానే అక్కడి టీడీపీ ఆఫీసులో తన రాజీనామా పత్రాన్ని ఇచ్చేసి వచ్చాడు. దీంతో అమరావతికి వెళ్లింది వ్యర్థంగానే అని తెలుస్తోంది. రేవంత్ రాజీనామాపై బాబు మాట్లాడుతూ.. ఇవన్నీ మామూలే అన్నాడు.


  • Widget not in any sidebars
  • తమిళ స్టార్ హీరో కుమార్తె పెళ్లి నవంబర్ 1న
    Published Date : 29-Oct-2017 1:13:04 IST

    తమిళ స్టార్ హీరో విక్రమ్ కుమార్తె పెళ్లి నవంబర్ ఒకటో తేదీన జరగనుందని తెలుస్తోంది. కరుణానిధి తనయుడు ముత్తు మనవడినే విక్రమ్ కూతురు అక్షిత వివాహం చేసుకోనుంది. ఈ పెళ్లితో కరుణానిధి, విక్రమ్ ల మధ్య బంధుత్వం ఏర్పడుతోంది. ఇప్పటికే ఎంగేజ్ మెంట్ కార్యక్రమం జరిగింది. నవంబర్ ఒకటో తేదీన పెళ్లి జరగనుంది. ఈ కార్యక్రమం గ్రాండ్ గా జరగనుందని.. తమిళ రాజకీయ, సినీ ప్రముఖులు ఈ కార్యక్రమానికి హాజరు కానున్నారని తెలుస్తోంది. విక్రమ్ కూతురుది ప్రేమ వివాహం.

  • అలా అయితే అసెంబ్లీకి వస్తాం: వైఎస్సార్సీపీ
    Published Date : 26-Oct-2017 1:20:20 IST

    అసెంబ్లీ వర్షాకాల సమావేశాలకు హాజరయ్యే విషయమై ప్రతిపక్ష వైఎస్సార్ కాంగ్రెస్ పార్టీ ప్రకటన చేసింది. పార్టీ ఫిరాయించిన వారిపై అనర్హత వేటు వేస్తేనే అసెంబ్లీ సమావేశాలకు హాజరు కావాలని ఆ పార్టీ నిర్ణయించింది. అధినేత వైఎస్‌ జగన్‌ మోహన్‌ రెడ్డి అధ్యక్షతన శాసనసభాపక్ష సమావేశం అనంతరం ఎమ్మెల్యే పెద్దిరెడ్డి రామచంద్రారెడ్డి వివరాలను మీడియాకు వివరించారు. ఫిరాయింపుకు పాల్పడిన 20మందిపై అనర్హత వేటు వేస్తేనే శాసనసభకు హాజరు అవుతామని ఆయన తెలిపారు.

  • కొహ్లీ సంపాదన ఎంతంటే..!
    Published Date : 26-Oct-2017 1:18:47 IST

    అత్యంత సంపాదన పరులైన టాప్ టెన్ అథ్లెట్లలో ఒకరిగా నిలిచాడు టీమిండియా కెప్టెన్ విరాట్ కొహ్లీ. ఈ మేరకు ఫోర్బ్స్ విడుదల చేసిన జాబితాలో టాప్ టెన్ లో నిలిచిన ఏకైక క్రీడాకారుడిగా నిలిచాడితను. విరాట్ గత ఏడాదిలో ఏకంగా 14.5 మిలియన్ డాలర్ల సంపాదనతో ఏడో స్థానంలో నిలిచాడు. భారత ద్రవ్యమానంలో ఇది 93 కోట్ల రూపాయలకు సమానం. అథ్లెట్లలో టెన్నిస్ స్టార్ ఫెదరర్ 37.2 మిలియన్ డాలర్ల సంపాదనతో టాప్ పొజిషన్లో ఉన్నాడు. ఉసేన్ బోల్ట్ ఈ జాబితాలో మూడో స్థానంలో ఉన్నాడు.


  • Widget not in any sidebars
  • బీజేపీకి తలనొప్పిగా మారిపోయాడు!
    Published Date : 26-Oct-2017 1:17:05 IST

    ఒకవైపు గుజరాత్ ఎన్నికలకు డేట్లు కూడా విడుదల కాగా..మరోవైపు హార్ధిక్ పటేల్ తలనొప్పి మాత్రం బీజేపీకి తగ్గడం లేదు. పటేల్ రిజర్వేషన్ల ఉద్యమాన్ని పతాక స్థాయికి తీసుకెళ్లిన హార్ధిక్ ఇప్పుడు కాంగ్రెస్ వైపు నిలిచే అవకాశాలు కనిపిస్తున్నాయి. హార్ధిక్ కాంగ్రెస్ ఏజెంట్ అని కమలం ఎదురుదాడి చేస్తున్నప్పటికీ.. ఆయన బీజేపీ పై తన మాటలతో ప్రతిదాడి చేస్తున్నాడు. తను రాహుల్ గాంధీని కలవబోతున్నాను అని హార్ధిక్ స్పష్టం చేస్తున్నాడు. తన మాటలతో బీజేపీకి మచ్చెమటలు పట్టిస్తున్నాడు ఈ ఉద్యమ నాయకుడు. అయితే సర్వేలు మాత్రం గుజరాత్ లో బీజేపీదే విజయం అంటున్నాయి.

  • ‘మురారి’టైటిల్‌తో వస్తున్న మహేశ్?
    Published Date : 24-Oct-2017 1:56:17 IST

    ‘మురారి’ సినిమా మహేశ్ బాబు కెరీర్ లో ఎంత పెద్ద హిట్టో వేరే చెప్పనక్కర్లేదు. ఇప్పుడు మహేశ్ తదుపరి సినిమా విషయంలో కూడా టైటిల్ అదే తరహాలో ఉండబోతోందనే మాట వినిపిస్తోంది. వంశీ పైడిపల్లి దర్శకత్వంలో మహేశ్ హీరోగా దిల్ రాజు, అశ్వనీదత్ లు నిర్మించే సినిమాకు ‘ కృష్ణ ముకుందా మురారి’ అనే టైటిల్ వినిపిస్తోంది. లేదా హరే రామ హరే కృష్ణ అనే టైటిల్ ను కూడా పరిగణనలోకి తీసుకుంటున్నారని సమాచారం. మరి మహేశ్ మురారి సెంటిమెంట్ ను ఫాలో అవుతాడేమో చూడాలి.

  • యోగి ఆదిత్యనాథ్‌ను అలా చూడాలనుంది!
    Published Date : 24-Oct-2017 1:54:03 IST

    యూపీ సీఎం యోగి ఆదిత్యనాథ్ తాజ్ మహల్ ముందు నిలబడి ఫొటో దిగితే చూడాలని ఉంది.. అని వ్యాఖ్యానించాడు ఆ రాష్ట్ర మాజీ ముఖ్యమంత్రి అఖిలేష్ యాదవ్. తాజ్ మహల్ ను సందర్శించే వారెవరైనా అక్కడ ఫొటోలు దిగి అపురూపంగా దాచుకుంటారు. తను కూడా గతంలో అలానే చేశానని, ఆదిత్యనాథ్ కూడా అలా చేస్తే చూడాలని ఉందని అఖిలేష్ అన్నారు. ఇటీవల తాజ్ మహల్ విషయంలో యూపీ బీజేపీ నేత వ్యాఖ్యలు వేడెక్కిస్తున్న విషయం విదితమే.


  • Widget not in any sidebars
  • ఆ సినిమాకు సీక్వెల్ తీస్తాం: నిఖిల్
    Published Date : 24-Oct-2017 1:51:50 IST

    చందూమొండేటి దర్శకత్వంలో నిఖిల్ హీరోగా రూపొందిన సూపర్ హిట్ సినిమా ‘కార్తికేయ’కు సీక్వెల్ రాబోతోందట. ఈ విషయాన్ని హీరో నిఖిల్ ప్రకటించాడు. ఫస్ట్ వెర్షన్ విడుదల అయ్యి మూడు సంవత్సరాలు గడుస్తున్న నేపథ్యంలో.. త్వరలోనే దానికి సీక్వెల్ వెర్షన్ ను తీయబోతున్నట్టుగా నిఖిల్ ప్రకటించాడు. రెండో భాగాన్ని ప్రసిద్ధ అమరనాథ్ యాత్ర నేపథ్యంలో రూపొందిస్తారని తెలుస్తోంది. ప్రస్తుతం కార్తికేయ సినిమా కన్నడలో రీమేక్ అవుతోంది.

  • మా సినిమాలో రొమాంటిక్ సీన్లు లేవు!
    Published Date : 20-Oct-2017 1:30:40 IST

    ‘పద్మావతి’ సినిమా విషయంలో రాజ్‌పుత్ సంఘాల నుంచి వస్తున్న అభ్యంతరాలపై ఆ సినిమా యూనిట్ స్పందించింది. ఈ సినిమా రాణీ పద్మావతి, అల్లవుద్ధీన్ ఖిల్జీల మధ్య ఎలాంటి రొమాంటిక్ సన్నివేశాలూ లేవు అని ఆ సినిమా యూనిట్ స్పష్టం చేస్తోంది. సంజయ్ లీలా భన్సాలీ ఈ సినిమా ను స్టార్ట్ చేసిన దగ్గర నుంచినే రాజ్ పుత్ లు ఈ సినిమా విషయంలో అభ్యంతరాలు చెబుతున్నారు. ఆ ఆందోళనలు కొనసాగుతున్నాయి. ఈ సినిమా విషయంలో తమకు సాయపడాలని కేంద్ర ప్రభుత్వాన్ని కోరింది టైటిల్ రోల్ లో నటించిన దీపిక.

  • ఈ ఏడాది పెండింగ్ క్రేజీ సినిమాలివే!
    Published Date : 20-Oct-2017 1:28:17 IST

    ఏడాదిలో దాదాపు పది నెలలు గడిచిపోయాయి. మరో రెండు నెలలా వారం సమయం ఉంది. ఈ నేపథ్యంలో ఇంకా కొన్ని క్రేజీ ప్రాజెక్టులు విడుదల కానుండటం గమనార్హం. వాటిల్లో రామ్ హీరో గా నటించిన ‘ఉన్నది ఒక్కటే జిందగీ’, నాని నటించిన ‘ఎంసీఏ’, అఖిల్ అక్కినేని ‘హలో’, గోపిచంద్ ‘ఆక్సిజన్’ సినిమాలు విడుల కావాల్సి ఉంది. ఇవన్నీ కూడా మంచి అంచనాలున్న సినిమాలు, క్రేజీ ప్రాజెక్టులు అని చెప్పనక్కర్లేదు. తొమ్మిది వారాల వ్యవధిలో ఈ నాలుగు సినిమాలూ లక్ను పరీక్షించుకోనున్నాయి.