• డ్రీమ్ ప్రాజెక్ట్ కు డబ్బుల్లేవ్ అంటున్న సూపర్ స్టార్!
    Published Date : 12-Apr-2017 6:09:17 IST

    తన డ్రీమ్ ప్రాజెక్ట్ మహాభారత కథను సినిమా గా తెరకెక్కించడమే అని ప్రకటించాడు బాలీవుడ్ కింగ్ ఖాన్ షారూక్. అత్యంత భారీ ఎత్తున, మహాభారతం స్థాయికి తగ్గట్టుగా సినిమాను రూపొందించాలని ఉందని ఈ హీరో చెప్పాడు. అయితే ఆ సినిమాకు పెద్ద సమస్య బడ్జెట్టే అన్నాడు షారూక్. అంతర్జాతీయ స్థాయిలో ఆ సినిమాను తెరకెక్కించాలని ఉందని అందుకు భారీగా డబ్బు ఖర్చు అవుతుందని అలాంటి ప్రొడ్యూసర్ దొరికితే ఆ సినిమాను తెరకెక్కిస్తానని షారూక్ తెలిపాడు. ఇప్పటికే పలువురు హీరోలు, దర్శకులు మహాభారత సినిమాను డ్రీమ్ ప్రాజెక్ట్ గా పేర్కొన్నారు.

  • ఎట్టకేలకూ ఆరంభమై.. వెంటనే ఆగిపోయిన సినిమా!
    Published Date : 12-Apr-2017 6:08:12 IST

    అప్పుడెప్పుడో హిందీలో వచ్చిన క్వీన్ సినిమాను దక్షిణాదిన రీమేక్ చేస్తున్నట్టుగా ప్రకటించిన త్యాగరాజన్ ఎట్టకేలకూ ఆ సినిమాను కొన్నాళ్ల కిందట పట్టాలెక్కించాడు. ప్రకటనలతోనే చాలా కాలాన్ని గడిపేశాడు ఆ నిర్మాత. రేవతి దర్శకత్వంలో తమన్నా ప్రధాన పాత్రలో ఆ సినిమా తమిళ వెర్షన్ ను ప్రారంభించారు. అయితే ఏమైందో ఏమో కానీ ఆ సినిమాను ఆపేశారట. ఇక ఆ ప్రాజెక్టును పట్టాలెక్కించే ఉద్దేశం ఏదీ లేదని యూనిట్ ప్రకటించింది. తమన్నా కూడా ఆ విషయాన్ని ధ్రువీకరించింది.

  • రాధిక, శరత్ కుమార్ ల చుట్టూ బిగుస్తున్న ఉచ్చు!
    Published Date : 12-Apr-2017 6:06:57 IST

    ఆర్కే నగర్ ఉప ఎన్నిక వ్యవహారంతో వేడెక్కిన తమిళ రాజకీయాలు ఇప్పుడప్పుడే చల్లారేలా లేవు. ఆర్కే నగర్ లో టీటీవీ దినకరన్ కు మద్దతు ప్రకటించి చిక్కుల్లో పడ్డ తమిళనటుడు శరత్ కుమార్ చుట్టూ ఉచ్చు బిగిస్తోందట ఈసీ. ఆర్కే నగర్ ఉప ఎన్నికకు శరత్ కుమార్ రాడాన్ సంస్థ నుంచి నిధులను మళ్లించినట్టుగా వార్తలు వస్తున్నాయి. ఆ సంస్థకు శరత్ కుమార్ భార్య రాధిక చైర్మన్ గా ఉన్నారు. ఏడు కోట్ల రూపాయల వరకూ అక్రమాలు జరిగినట్టు భోగట్టా.

  • బ్రూస్ లీ ఫెయిల్యూర్ కు శ్రీను వైట్ల రీజనేంటంటే..!
    Published Date : 10-Apr-2017 10:30:00 IST

    తన తాజా సినిమా మిస్టర్ ప్రచారంలో బిజీగా ఉన్న దర్శకుడు శ్రీనువైట్ల తన గత చిత్రం బ్రూస్ లీ ఫెయిల్యూర్ గురించి కూడా స్పందించాడు. ఆ సినిమా ఫెయిల్ కావడానికి తనుకున్నది అనుకున్నట్టుగా చేయలేకపోవడమే అని శ్రీను వైట్ల వ్యాఖ్యానించాడు. తను అనుకున్నది అనుకున్నట్టుగా చేయడానికి అప్పటి పరిస్థితులు అనుకూలించలేదని శ్రీను వైట్ల చెప్పుకొచ్చాడు. అందుకే ఆ సినిమా పోయిందని అన్నాడు. మరి అనుకూల పరిస్థితులు లేకపోవడం అంటే ఏమిటో మాత్రం ఈ దర్శకుడు చెప్పలేదు.

  • కోమటిరెడ్డి సోదరులు పార్టీ మారబోతున్నారా..?
    Published Date : 10-Apr-2017 10:27:13 IST

    కోమటిరెడ్డి సోదరులు పార్టీ మారనున్నారనే వార్త ఆసక్తికరంగా మారింది. కాంగ్రెస్ తరపున ముఖ్య నేతలుగా ఉన్న ఈ అన్నదమ్ములు భారతీయ జనతా పార్టీలో చేరనున్నారనే మాట వినిపిస్తోంది. ప్రస్తుతం కోమటిరెడ్డి వెంకట రెడ్డి ఎమ్మెల్యేగా ఉండగా, కోమటిరెడ్డి రాజగోపాల్ రెడ్డి ఎమ్మెల్సీగా ఉన్నారు. వీరిద్దరూ బీజేపీలో చేరనున్నారని.. అందుకు సంబంధించి చర్చలు జరుగుతున్నట్టుగా తెలుస్తోంది. కాంగ్రెస్ ప్రస్తుత రాజకీయంలో తాము మనుగడ సాధించాలేమని వీరు ఒక అంచనాకు వచ్చారట. వెంకటరెడ్డి సంకల్పించిన పాదయాత్రను పార్టీ నేతలు వ్యతిరేకిస్తుండటంతో వీరు ఆగ్రహంతో ఉన్నారట.

  • అబ్బే.. నేను బీజేపీలో చేరడం లేదు..!
    Published Date : 10-Apr-2017 10:26:26 IST

    తను భారతీయ జనతా పార్టీలో చేరడం లేదని స్పష్టం చేశాడు కాంగ్రెస్ ఎంపీ శశిథరూర్. తిరువనంతపురం నుంచి ఎంపీగా ప్రాతినిధ్యం వహిస్తున్న శశి బీజేపీలో చేరనున్నట్టుగా గత కొన్నాళ్లుగా పుకార్లు గుప్పుమంటున్నాయి. కేరళలో బలపడే యత్నంలో ఉన్న బీజేపీ శశిని చేర్చుకుంటున్నట్టుగా వార్తలు వస్తున్నాయి. అయితే ఈ వార్తలను శశి ఖండించాడు. తను కాషాయ పార్టీలో ఇమడలేనని ఆయన అన్నాడు. కాంగ్రెస్ తరపున శశిని ప్రధాని అభ్యర్థిగా డిమాండ్ చేయలనే వాదన మొన్నా మధ్య వినిపించింది.

  • తన కొడుకుకు పవన్ కల్యాణ్ బిరుదు వద్దన్న రేణూ!
    Published Date : 08-Apr-2017 5:29:08 IST

    తన తనయుడు అఖీరానందన్ పుట్టిన రోజు సందర్భంగా రేణూదేశాయ్ ఆసక్తికరమైన ట్వీట్లు చేసింది. కొడుకు పుట్టిన రోజు సందర్భంగా మాటలు రావడం లేదన్న రేణూ.. ఇదే సమయంలో అతడి భవిష్యత్తు గురించి తన కోరికలను వెల్లడించింది. తన కుమారుడు సొంతంగా ఎదగాలని రేణూ కోరుకుంది. అతడికి జూనియర్ పవర్ స్టార్ అనే ట్యాగ్ వద్దు అని రేణూ ట్వీట్ చేయడమే ఇక్కడ విశేషం. పవన్ కల్యాణ్ , రేణూదేశాయ్ ల కొడుకు అనే కన్నా.. అఖీరా సొంతంగా ఎదిగాలని రేణూ కోరుకుంది.

  • జగన్ ఢిల్లీ పర్యటనను స్వాగతించిన బాబు!
    Published Date : 08-Apr-2017 5:28:16 IST

    ఫిరాయింపు ఎమ్మెల్యేలకు మంత్రి పదవులను ఇవ్వడంపై ఢిల్లీకి వెళ్లి పాలక బీజేపీ తో సహా జాతీయ, ప్రాంతీయ పార్టీల అధినేతలందరికీ ఏపీ ప్రతిపక్ష నేత జగన్ మోహన్ రెడ్డి ఫిర్యాదులు చేయడానికి సీఎం చంద్రబాబు పరోక్షంగా స్వాగతించాడు. ఫిరాయింపుదారులకు మంత్రి పదవులు ఇచ్చిన వైనం జాతీయ స్థాయిలో చర్చ జరగడం మంచిదే అని బాబు అన్నారు. .గతంలో తను ఈ విషయం గురించి ఆందోళన వ్యక్తం చేశానని అయితే ఎవరూ పట్టించుకోలేదన్నాడు. అయితే తను మాత్రం సమర్థులకే మంత్రి పదవులు ఇచ్చానని బాబు చెప్పుకొచ్చాడు.

  • అసిస్టెంట్ డైరెక్టర్, హీరోయిన్ మధ్యన ప్రేమ?
    Published Date : 08-Apr-2017 5:27:13 IST

    బాలీవుడ్ నటీమణి పరిణీతి చోప్రాపై ఒక ఆసక్తికరమైన గాసిప్ హల్ చల్ చేస్తోంది. ఈమె తాజాగా ఒక అసిస్టెంట్ డైరెక్టర్ తో ప్రేమలో పడిందనేది ఆ గాసిప్ సారాంశం. వెనుకటికి కూడా పరిణీతికి ప్రేమకథలున్నాయి. అయితే బ్రేకప్ ల తర్వాత కొంతకాలంగా ఈమె సోలోగా ఉంటోంది. ఈ నేపథ్యంలో ఈమెకు ఇండస్ట్రీకే సంబంధించిన చిన్న స్థాయి టెక్నీషియన్ తో ప్రేమ చిగురించడం విశేషం. ఫిల్మ్ ఫేర్ పత్రిక ఈ రూమర్ ను ప్రత్యేక కథనంగా ప్రచురించింది. మరి దీనిపై పరిణీతి ఏమంటుందో!

  • ఆ ఇంటర్వ్యూతో సంబంధం లేదని చెప్పిన జగన్!
    Published Date : 07-Apr-2017 8:30:51 IST

    తన బెయిల్ ను రద్దు చేయాలని సీబీఐ కోర్టుకు ఎక్కడం కుట్ర పూరితం అని ఆరోపించాడు వైఎస్సార్ కాంగ్రెస్ పార్టీ అధినేత జగన్ మోహన్ రెడ్డి. జగన్ బెయిలును రద్దు చేయాలని సీబీఐ దాఖలు చేసిన పిటిషన్ పై జగన్ న్యాయవాదులు కౌంటర్ దాఖలు చేశారు. మాజీ ఐఏఎస్ రమాకాంత్ రెడ్డి ఇంటర్వ్యూ నేపథ్యంలో.. జగన్ సాక్షులను ప్రభావితం చేస్తున్నాడని సీబీఐ జగన్ బెయిల్ ను రద్దు చేయాలని పిటిషన్ దాఖలు చేసింది. ఆ ఇంటర్వ్యూతో తమకు సంబంధంలేదని జగన్ న్యాయవాదులు స్పష్టం చేశారు.

  • కాంగ్రెస్ నేత నవ్ జ్యోత్ సింగ్ సిద్ధూకి షాక్!
    Published Date : 07-Apr-2017 8:30:01 IST

    పంజాబ్ లో మంత్రిగా బాధ్యతలు స్వీకరించిన తర్వాత కూడా టీవీ షోల్లో కొనసాగడానికి కాంగ్రెస్ పార్టీ గ్రీన్ సిగ్నల్ ఇచ్చినప్పటికీ ఈ వ్యవహారంలో సిద్దూకు అనుకోని షాక్ తగిలింది. సిద్దూ తీరును కోర్టు తప్పు పట్టింది. తీవ్రస్థాయి వ్యాఖ్యానాలతో సిద్ధూ తీరును ఖండించింది కోర్టు. మంత్రిగా బాధ్యతల్లో ఉండి టీవీ షోల్లో ఎలా చేస్తారు? అని కోర్టు ప్రశ్నించింది. ప్రతిదీ చట్టమే చెప్పదు.. కొన్నింటిని నైతికంగా పరిశీలించుకోవాలి అని కోర్టు వ్యాఖ్యానించింది. సిద్దూ తీరును తప్పు పట్టిన కోర్టు.. తదుపరి విచారణను వాయిదా వేసింది.

  • రాజశేఖర్ కు సన్నీ భారీ డిస్కౌంట్.. అయినా భారీ మొత్తమే!
    Published Date : 07-Apr-2017 8:07:57 IST

    ప్రవీన్ సత్తారు దర్శకత్వంలో రూపొందుతున్న రాజశేఖర్ సినిమా లో ఐటమ్ సాంగ్ చేస్తున్న సన్నీ లియోన్ రికార్డు స్థాయి పారితోషకాన్ని పొందుతున్నట్టుగా తెలుస్తోంది. కేవలం ఒక్క పాట కోసమే కోటి రూపాయల పారితోషకం తీసుకుంటోందట సన్నీ. అయితే భారీ డిస్కౌంట్ ఇచ్చిన తర్వాత కూడా సన్నీ పారితోషకం ఆ స్థాయిలో ఉంది. బాలీవుడ్ లో షారూక్ సినిమాలో ఐటమ్ సాంగ్ కు రెండున్నర కోట్ల రూపాయలు తీసుకుందట సన్నీ. అయితే టాలీవుడ్ స్థాయి కొంచెం తక్కువ కాబట్టి.. కోటి రూపాయలతో సరిపుచ్చుకుందట.

  • శశికళకు.. స్టార్ హీరో మద్దతు..!
    Published Date : 06-Apr-2017 8:48:02 IST

    ఆర్కే నగర్ ఉప ఎన్నిక నేపథ్యంలో తమిళనాట ఆసక్తికరమైన రాజకీయాలు చోటు చేసుకుంటున్నాయి. విజయం కోసం అమితుమి పోరాడుతున్న పార్టీలు తమకున్న అన్ని మార్గాలనూ వినియోగించుకుంటున్నాయి. ఈ నేపథ్యంలో శశికళ వర్గం ప్రముఖ తమిళ హీరో, మాజీ ఎమ్మెల్యేల శరత్ కుమార్ మద్దతు సంపాదించింది. గతంలో అన్నాడీఎంకేకు సన్నిహితంగా ఉండిన శరత్ కుమార్ గత ఎన్నికల్లో ఓటమిపాలయ్యాడు. అనంతరం ఆ పార్టీకి దూరం అయ్యాడు. మొన్నటి వరకూ శశిని వ్యతిరేకించాడు. ఇప్పుడు మళ్లీ శశి వర్గానికి దగ్గరైనట్టున్నాడు.

  • పన్నీరు.. ఇలా ఓటు అడగడం ఏంటయ్యా!
    Published Date : 06-Apr-2017 8:45:18 IST

    ఆర్కే నగర్ ఉప ఎన్నికల్లో గెలిస్తే.. తామే జయలలితకు సిసలైన వారసులం అని నిరూపించుకోవడానికి అవకాశం ఉంటుంది పన్నీరుసెల్వానికి. అందుకోసం అన్ని రకాలుగానూ ప్రయత్నిస్తున్నాడు సెల్వం. మధుసూదనన్ ను ఇక్కడ నుంచి నిలబెట్టిన ఆయన విజయం కోసం కొన్ని చీప్ ట్రిక్ ను కూడా ఫాలో అవుతున్నట్టుగా ఉన్నాడు. జయ సెంటిమెంట్ ను క్యాష్ చేసుకోవడానికి ఆయన ఏకంగా శవపేటికను పట్టుకుని తిరుగుతూ ఓట్లను అడుగుతున్నారు పన్నీరు వర్గీయులు. పేటికలో జయ ఉన్నట్టుగా బొమ్మను తయారు పెట్టి ఓట్లు అడుగుతున్నారు. దీనిపై విమర్శలు వస్తున్నాయి.

  • అఖిలేష్ కు ఝలకిచ్చిన మరదలు!
    Published Date : 06-Apr-2017 8:44:22 IST

    సమాజ్ వాదీ పార్టీ ఫస్ట్ ఫ్యామిలీలో అంతర్గత విబేధాలు రచ్చకెక్కుతున్నాయి. ఎన్నికల ముందే మొదలైన ఈ రచ్చ మొన్నటి ఎన్నికల్లో పార్టీ ఓటమి పాలు కావడంతో మరింత ముదిరినట్టుగా కనిపిస్తున్నాయి. ఇటీవల యూపీ సీఎం యోగితో సన్నిహితంగా మెలిగిన అపర్ణ యాదవ్, ఆమె భర్తలు పార్టీలో కుంపటిని రగిలిస్తున్నట్టున్నారు. తాజాగా అపర్ణ యాదవ్ మాట్లాడుతూ.. అఖిలేష్ ఎస్పీ జాతీయాధ్యక్షుడి పదవి నుంచి వైదొలగాలలని డిమాండ్ చేశారు. ఎన్నికల ముందే అఖిలేష్ ఈ మాట చెప్పాడని, ఇప్పుడు మాట నిలబెట్టుకోవాలని ఆమె అన్నారు.