• కాజల్‌కు బదులుగా నిత్యా మేనన్..?
    Published Date : 13-Nov-2017 2:22:34 IST

    వెంకటేష్ హీరోగా తేజ దర్శకత్వంలో రూపొందుతున్న సినిమాలో కాజల్ హీరోయిన్ గా నటించనున్నదని మొన్నటి వరకూ వార్తలు వచ్చిన సంగతి తెలిసిందే. ఇటీవలే నేనే రాజు నేనే మంత్రిని రూపొందించిన తేజ.. తన తదుపరి సినిమాలో కూడా ఆమెనే హీరోయిన్ గా రిపీట్ చేయాలని చూసినా… అది సాధ్యం పడటం లేదని సమాచారం. వేరే సినిమాలతో బిజీగా ఉన్న కాజల్ తేజకు నో చెప్పిందట. ఈ నేపథ్యంలో నిత్యామేనన్ హీరోయిన్ గా అనుకున్నారట. మరి వెటరన్ హీరో సరసన హీరోయిన్ గా నటించడానికి నిత్య ఓకే అంటుందా?

  • సునీల్ రీమేక్ సినిమాకు అదే పేరు..
    Published Date : 10-Nov-2017 9:15:58 IST

    మలయాళంలో హిట్టైన టూ కంట్రీస్ సినిమాను తెలుగులో సునీల్ రీమేక్ చేస్తున్న సంగతి తెలిసిందే. ఎన్.శంకర్ దర్శకత్వంలో ఈ సినిమా రూపొందుతోంది. తాజాగా ఈ సినిమాకు టైటిల్ ను ఖరారు చేశారు. మలయాళంలో యూజ్ చేసిన టూ కంట్రీస్ అనే టైటిల్‌నే తెలుగులో కూడా వాడుతున్నారు. అదే సెంటిమెంట్ ను రిపీట్ చేస్తున్నారు. డిసెంబర్ లో ఈ సినిమాను విడుదల చేయడానికి సన్నద్ధం అవుతున్నారట. ఈ సినిమా సునీల్ కెరీర్ కు చాలా కీలకంగా మారనుంది.

  • ప్రేమిస్తున్నా, అతడినే పెళ్లి చేసుకోనేమో: రష్మీ
    Published Date : 10-Nov-2017 9:14:30 IST

    తను మూడేళ్ల నుంచి ఒక అబ్బాయితో ప్రేమలో ఉన్న మాట వాస్తవమే అంటోంది జబర్ధస్త్ రష్మీ. ఆసక్తికరమైన అంశం ఏమిటంటే.. అతడినే పెళ్లి చేసుకుంటానో లేదో తనకే తెలియదని ఈమె వ్యాఖ్యానించడం. ప్రేమలో ఉన్న విషయాన్ని మాత్రం ఈమె ధ్రువీకరిస్తోంది. అతడినే పెళ్లి చేసుకోవడం గురించి సందేహాన్ని వ్యక్తం చేస్తోంది. ఇంతకీ అతడెవరో మాత్రం చెప్పలేదు ఈమె. తనది తెలుగు రాష్ట్రం కాదని, యూపీ, ఒడిశా నేపథ్యం అని.. వైజాగ్ లో పుట్టి పెరిగానని రష్మీ చెప్పింది.


  • Widget not in any sidebars
  • ఇండస్ట్రీలో వేధింపులు ఎదుర్కొన్నానన్న హీరోయిన్!
    Published Date : 10-Nov-2017 9:13:06 IST

    ఇండస్ట్రీలో సినిమా అవకాశాలు ఇవ్వడానికి కొంతమంది తనతో పడక సుఖాన్ని అడిగారని చెప్పింది రాయ్ లక్ష్మీ. ప్రస్తుతం బాలీవుడ్ అవకాశాల వేటలో ఉన్న ఈ భామ క్యాస్టింగ్ కోచ్ అంశం గురించి స్పందించింది. తను కూడా వేధింపులు ఎదుర్కొన్నాను అని ధ్రువీకరించింది. అయితే అలాంటి ఆఫర్లను తీసుకోలేదని.. వాటికి దూరంగా జరిగానని చెప్పింది. ఫిల్మీ బ్యాక్ గ్రౌండ్ లేకుండా తెరపైకి వచ్చే అమ్మాయిలకు అలాంటి వేధింపులు తప్పవని కూడా రాయ్ లక్ష్మీ వ్యాఖ్యానించడం గమనార్హం. తనకు అలాంటి అనుభవాలు ఎదురయ్యాయని, తను మాత్రం వాటికి దూరంగా నిలిచానని ఈమెస్పష్టం చేసింది.

  • ఏపీ మాజీ గవర్నర్ ఆరోగ్య పరిస్థితి విషమం
    Published Date : 06-Nov-2017 8:34:22 IST

    యూపీ, ఉత్తరాఖండ్ రాష్ట్రాల మాజీ ముఖ్యమంత్రి ఒకప్పటి కాంగ్రెస్ నేత ఏపీ మాజీ గవర్నర్ ఎన్డీ తివారీ(91) ఆరోగ్య పరిస్థితి విషమంగా ఉన్నట్టు సమాచారం. ఢిల్లీలోని ఒక ఆసుపత్రిలో తివారీ చికిత్స పొందుతున్నారు. తీవ్ర జ్వరం, నిమోనియాతో తివారీ ఆసుపత్రి పాలయ్యారు. వయసు రీత్యా ఆయన వీటితో ఇబ్బంది పడుతున్నట్టుగా తెలుస్తోంది. ప్రస్తుతం ఆయన ఐసీయూలో ఉండి చికిత్సను పొందుతున్నట్టు సమాచారం. కొన్నాళ్ల కిందట తివారీ బీజేపీ తీర్థం పుచ్చుకున్నాడు.

  • అంబానీ.. నష్టాలు తట్టుకోలేక అమ్మేశాడు!
    Published Date : 06-Nov-2017 8:32:38 IST

    అనిల్ అంబానీ ఆధ్వర్యంలోని రిలయన్స్ కమ్యూనికేషన్స్ ఆర్‌కామ్ తమ ఆధీనంలోని బిగ్ టీవీని అమ్మేసింది. బిగ్ టీవీ పేరుతో ఆర్ కామ్ డీటీహెచ్ సేవలను అందిస్తున్న సంగతి తెలిసిందే. దేశంలో డీటీహెచ్ ల హవా మొదలయ్యాకా రిలయర్స్ తరఫు నుంచి బిగ్ టీవీ ఆరంభం అయ్యింది. అయితే ఈ దీనికి ఆది నుంచి నష్టాలు వస్తున్నట్టు సమాచారం. ఈ నేపథ్యంలో భారాన్ని తగ్గించుకోవడానికి ఈ డీటీహెచ్ సర్వీసును అమ్మేసినట్టు సమాచారం. వీకాన్ మీడియా అండ్ టెలివిజన్ లిమిటెడ్ ఈ సర్వీసును కొనుగోలు చేసింది.


  • Widget not in any sidebars
  • జగన్ పాదయాత్ర తొలి రోజు అప్‌డేట్స్
    Published Date : 06-Nov-2017 8:28:25 IST

    వైఎస్సార్ కాంగ్రెస్ పార్టీ అధినేత వైఎస్ జగన్ మోహన్ రెడ్డి చేపట్టిన ప్రజా సంకల్పం పాదయాత్ర తొలి రోజున 8.9 కిలోమీటర్ల పొడవున సాగింది. ఇడుపుల పాయ నుంచి మొదలైన ఈ యాత్రం వేంపల్లిని చేరుకుంది. ఉదయం 9.47కి జగన్ పాదయాత్ర మొదలైంది. మారుతీనగర్, వీరన్న గట్టు పల్లె ల మీదుగా వేంపల్లి వరకూ జగన్ యాత్ర సాగింది. వీరన్నగట్టుపల్లెవద్ద జగన్ తమ పార్టీ జెండాను ఆవిష్కరించారు. ఏర్పాటు చేసిన టెంటులో జగన్ రాత్రికి బస చేస్తున్నారు. రెండో రోజు వేంపల్లె నుంచి యాత్ర సాగుతుంది.

  • వైఎస్ కుటుంబానికి హైందవంపై విశ్వాసం
    Published Date : 04-Nov-2017 3:57:47 IST

    దివంగత ముఖ్యమంత్రి వైఎస్సార్ కుటుంబాన్ని తిరుమల తిరుపతి దేవస్థానం ఏనాడూ డిక్లరేషన్ అడగలేదని వైఎస్సార్ కాంగ్రెస్ పార్టీ నేత భూమనకరుణాకర్ రెడ్డి స్పష్టం చేశాడు. గతంలో వైఎస్ రాజశేఖర రెడ్డి తిరుమలను దర్శించుకున్నారు, ఆ తర్వాత జగన్ కూడా దర్శించుకుంటున్నారు.. వైఎస్ కుటుంబానికి హైందవపై సంపూర్ణ విశ్వాసం ఉందని భూమన స్పష్టం చేశారు. ధర్మ ప్రచార పరిషత్ ను హిందూ ధర్మ ప్రచార పరిషత్ గా మార్చింది వైఎస్సారే అని, ఎస్వీబీసీ, కల్యాణమస్తు వంటి కార్యక్రమాలు ప్రారంభం అయ్యింది వైఎస్ హయాంలోనే అని భూమన గుర్తు చేశారు.

  • అనుష్కతో బంధంపై స్పందించిన విరాట్
    Published Date : 04-Nov-2017 3:56:30 IST

    అనుష్క శర్మతో తన బంధం గురించి స్పందించాడు టీమిండియా కెప్టెన్ విరాట్ కొహ్లీ. కొన్నేళ్లుగా వీరిద్దరూ ఓపెన్ గానే రిలేషన్ షిప్ ను కొనసాగిస్తున్న సంగతి తెలిసిందే. అనుష్కతో తన బంధాన్ని ఇలా మార్చుకోవడానికి జహీర్ ఖాన్ ఇచ్చిన సలహానే కారణమని విరాట్ చెప్పాడు. అనుష్కతో బంధాన్ని దాచడానికి ప్రయత్నిస్తే ఒత్తిడి పెరుగుతుంది, ఓపెన్ గా ఉంటే ఏ తలనొప్పీ ఉండదని జహీర్ తనకు సూచించాడని.. అందుకే తమ బంధాన్ని దాచలేదని విరాట్ చెప్పాడు. తను ఎప్పుడు ఫెయిలయినా అనుష్కను నిందించడం బాధను కలిగిస్తుందన్నాడు.


  • Widget not in any sidebars
  • కమల్ హాసన్ సినిమా వస్తోందట..!
    Published Date : 04-Nov-2017 3:54:52 IST

    విశ్వరూపం-2.. కొన్నేళ్లుగా విడుదల ఆగిపోయిన సినిమా. తొలి పార్టు సూపర్ హిట్ అయిన నేపథ్యంలో శరవేగంగా సీక్వెల్ ను రూపొందించారు కానీ.. దాన్ని విడుదల చేయలేకపోయారు. కమల్ ఆ సినిమాను పట్టించుకోవడమే మానేశాడు. అయితే ఆ సినిమాను విడుదల చేయబోతున్నట్టుగా కొన్నాళ్ల కిందట ప్రకటించాడు కానీ.. అదీ జరగలేదు. ఈ నేపథ్యంలో ఇప్పుడు మరో వార్త వస్తోంది. విశ్వరూపం-2 త్వరలోనే విడుదల కానున్నదట. నవంబర్ ఏడో తేదీన కమల్ పుట్టిన రోజు సందర్భంగా ఈ సినిమా ట్రైలర్ రావొచ్చు అనే ప్రచారం జరుగుతోంది.

  • ‘జై సింహా’ ఫస్ట్ లుక్..!!
    Published Date : 01-Nov-2017 8:41:31 IST

    వివిధ టైటిల్స్ వినిపించినా కేఎస్ రవికుమార్ దర్శకత్వంలో బాలయ్య హీరోగా నటిస్తున్న సినిమాకు జై సింహా అనే టైటిల్ ను ఖరారు చేసిన సంగతి తెలిసిందే. తాజాగా ఈ సినిమాకు సంబంధించిన ఫస్ట్ లుక్ విడుదల అయ్యింది. సి కల్యాణ్ నిర్మిస్తున్న ఈ సినిమా నయనతార హీరోయిన్ గా నటిస్తోంది. ఈ సినిమా ఫస్ట్ లుక్ లో బాలయ్య లాఠీతో కనిపిస్తుండగా వెనుకవైపున ఎన్టీఆర్ విగ్రహం కనిపిస్తుండటం గమనార్హం. నయనతారతో పాటు ఈ సినిమాలో హరిప్రియ కూడా నటిస్తోంది. ఈ సినిమాను సంక్రాంతి సందర్భంగా విడుదల చేయనున్నారు.

  • వర్మ, నాగ్ సినిమాకు ముహూర్తం ఖరారు!
    Published Date : 01-Nov-2017 8:39:14 IST

    అసలు జరిగే పనేనా అనే సందేహాన్ని కలిగించిన నాగార్జున, వర్మ కాంబోలో సినిమాకు ముహూర్తం ఖరారు అయ్యింది. ఈ సినిమా నవంబర్ ఇరవైవ తేదీన ప్రారంభం కానున్నదని వర్మ ప్రకటించాడు. ఈ విషయాన్ని చెప్పడం తనకు ఎంతో భావోద్వేగానికి గురి చేస్తోందని వర్మ పేర్కొన్నాడు. దశాబ్దాల తర్వాత నాగ్, వర్మ కాంబోలో సినిమా వస్తోంది. శివ, అంతం వంటి సినిమాలు వీరి కాంబోలో వచ్చాయి. ఇప్పుడు మళ్లీ వీరి కాంబో రిపీట్ అవుతోంది. ఈ సినిమా వచ్చే ఏడాది ఏప్రిల్ లో విడుదల అయ్యే అవకాశం ఉంది.


  • Widget not in any sidebars
  • ధవన్, రోహిత్ కొత్త రికార్డు!
    Published Date : 01-Nov-2017 8:36:58 IST

    ఢిల్లీలో న్యూజిలాండ్ తో జరిగిన టీ20లో భారత ఓపెనర్లు రోహిత్ శర్మ, శిఖర్ ధవన్ లు కొత్త రికార్డును స్థాపించారు. ఓపెనింగ్ పార్టనర్ షిప్ విషయంలో ఇండియా తరఫు నుంచి కొత్త రికార్డును క్రియేట్ చేశారు. తొలి వికెట్ కు 158 పరుగులు సాధించింది ఈ జంట. ఇది వరకూ ఈ రికార్డు సెహ్వాగ్ గంభీర్ ల పేరు మీద ఉండేది. ఆ ఢిల్లీ జోటీ 146 పరుగుల ఓపెనింగ్ పార్టనర్ షిప్ రికార్డును కలిగి ఉండేది. ధవన్, రోహిత్ లు ఆ రికార్డును బద్ధలు కొట్టారు. 80 పరుగుల వద్ద ధవన్ ఔట్ కావడంతో వీరి భాగస్వామ్యానికి తెరపడింది.

  • టీడీపీకి రాజీనామా.. బీజేపీలోకి నటీమణి!
    Published Date : 30-Oct-2017 8:08:23 IST

    తెలుగుదేశం వాళ్లు తనను మెడబట్టి బయటకు గెంటేశారని అంటున్నారు సీనియర్ నటీమణి కవిత. కొన్నేళ్ల కిందట తెలుగుదేశంలో చేరిన కవిత కొన్నాళ్లుగా అసహనంతో ఉన్నారు. తెలుగుదేశం పార్టీలో తనకు సరైన ప్రాధాన్యత దక్కడం లేదని ఆమె అంటున్నారు. ఈ నేపథ్యంలో తను ఆ పార్టీ నుంచి బయటకు వస్తానని ఆమె ప్రకటించారు. ఇటీవల భారతీయ జనతా పార్టీ నేతలతో కవిత సంప్రదింపులు జరిపినట్టుగా తెలుస్తోంది. దీంతో ఈమె కమలం పార్టీ తీర్థం పుచ్చుకోవచ్చని వార్తలు వస్తున్నాయి.

  • విశాల్-మోహన్‌లాల్ సినిమా డిసెంబర్లో తెలుగులోకి!
    Published Date : 30-Oct-2017 7:28:40 IST

    మలయాళంలో హిట్ అయిన ‘విలన్’ సినిమాను తెలుగులోకి అనువదించబోతున్నారని తెలుస్తోంది. మోహన్ లాల్ ప్రధాన పాత్రలో నటించిన ఈ మల్టీ స్టారర్ సినిమాలో విశాల్ తో సహా శ్రీకాంత్ కూడా నటించాడు. హన్సిక, రాశీ ఖన్నాలు ఈ సినిమాలో లేడీ లీడ్ రోల్స్ చేశారు. ఈ నేపథ్యంలో తమిళ, తెలుగు భాషల్లో కూడా ఈ సినిమా పట్ల ఆసక్తి నెలకొని ఉంది. మలయాళంలో ఫస్ట్ వీక్ లోనే ఈ సినిమా పది కోట్ల రూపాయల వసూళ్లను సాధించిందని.. డిసెంబర్లో ఈ సినిమాను తమిళ, తెలుగు భాషల్లో విడుదల చేయనున్నామని నిర్మాతలు ప్రకటించారు.