• మోడీపై విరుచుకుపడ్డ మన్మోహన్!
    Published Date : 03-Dec-2017 10:25:47 IST

    గుజరాత్ ఎన్నికల ప్రచారంలో ఉన్న మాజీ ప్రధానమంత్రి మన్మోహన్ సింగ్ ప్రధాని మోడీపై విరుచుకుపడ్డారు. మోడీ ఓట్లు అడిగే పద్ధతే బాగోలేదని మన్మోహన్ వ్యాఖ్యానించారు. నోట్ల రద్దు, జీఎస్టీ అమలుతో సామాన్యులు పడుతున్న ఇబ్బందులను అర్థం చేసుకోవటంలో విఫలమైన మోదీ ప్రజల్లోకి ఎలా వెళతారన్నారు. ఓట్లడిగేటప్పుడు గౌరవప్రదమైన విధానాన్ని ఎంచుకోవాలన్నారు. నోట్ల రద్దును అకస్మాత్తుగా, సన్నద్ధం కాకుండానే చేసిన యుద్ధంగా అభివర్ణించారు. నల్లధనం వెలికితీసేందుకు చేపట్టిన నోట్లరద్దుతో ప్రభుత్వం సామాన్యుడిని కూడా దొంగలా చూస్తోందన్నారు.

  • వన్డే సీరిస్‌కు టీమిండియా కొత్త కెప్టెన్‌!
    Published Date : 27-Nov-2017 6:42:47 IST

    శ్రీలంకతో వన్డే సీరిస్ కు టీమిండియా కెప్టెన్ గా ఎంపికయ్యాడు రోహిత్ శర్మ. రెగ్యులర్ కెప్టెన్ విరాట్ కొహ్లీ రెస్టు కోరాడంతో వన్డే సీరిస్ నుంచి కొహ్లీకి విశ్రాంతిని ఇచ్చారు సెలెక్టర్లు. ఆ స్థానంలో రోహిత్ శర్మ కెప్టెన్సీని చేపట్టనున్నాడు. ఒక వన్డే సీరిస్ కు కెప్టెన్ గా బాధ్యతలు తీసుకోవడం విరాట్ కు ఇదే తొలి సారి. వన్డే సీరిస్ కు సిద్ధార్థ్ కౌల్ ఎంపికయ్యాడు. టీమిండియాకు ఎంపిక కావడం ఇతడికి ఇదే తొలి సారి.

  • నా భార్య రాజకీయాల్లోకి వెళ్లవద్దంది!
    Published Date : 27-Nov-2017 6:40:50 IST

    తనకు రాజకీయాలపై పెద్దగా ఆసక్తి లేదని, అలాగే తన భార్య కూడా రాజకీయాల్లోకి వద్దనే సూచన చేసిందని, అందుకే తను రాజకీయాల్లోకి రావడం లేదని చెప్పాడు ఆర్బీఐ మాజీ గవర్నర్ రఘురాం రాజన్. తను అధ్యాపకుడిగా ఆనందంగా కొనసాగుతున్నానని రాజన్ వివరించాడు. రాజన్ కు ఎంపీ సీటు ఆఫర్ వచ్చిన సంగతి తెలిసిందే. రాజన్ ను రాజ్యసభకు పంపుతామని ఆమ్ ఆద్మీ పార్టీ ప్రకటించింది. అయితే ఆ ప్రతిపాదనకు రాజన్ నో చెప్పిన సంగతి తెలిసిందే.


  • Widget not in any sidebars
  • బ్రిటన్ యువరాజు, హాలీవుడ్ హీరోయిన్ పెళ్లి!
    Published Date : 27-Nov-2017 6:39:09 IST

    బ్రిటన్ యువరాజు ప్రిన్స్ హ్యారీ వివాహం హాలీవుడ్ నటి మేఘన్ మార్కెల్ తో జరగబోతోంది. ఇప్పటికే వీరు ప్రేమ జంటగా పేరు పొందారు. వీరి పెళ్లి జరగబోతోందని హ్యారీ తండ్రి ప్రిన్స్ చార్లెస్ ప్రకటించారు. ఇటీవలే వీరి నిశ్చితార్థం జరిగిందని చార్లెస్ ప్రకటించారు. పెళ్లికి ఇరుకుటుంబాల పెద్దలూ ఓకే చెప్పారని.. వచ్చే ఏడాది వీరి పెళ్లి జరగబోతోందని చార్లెస్ ప్రకటించారు. మేఘన్ కు ఇది రెండో పెళ్లి. ఇది వరకే పెళ్లి చేసుకుని విడాకులు తీసుకుందామె.

  • ఇక నటించను.. యువ హీరోయిన్ ప్రకటన!
    Published Date : 25-Nov-2017 6:19:52 IST

    బాల నటిగా పరిచయమై.. హీరోయిన్ గా మారిన అవికాగోర్.. ఇక సినిమాల్లో నటించను అని అంటోంది. ఇక హీరోయిన్ గా నటించను అని స్పష్టం చేసిందీమె. ఎందుకలా అంటే.. దర్శకత్వం మీద కాన్సన్ ట్రేట్ చేస్తానని అంటోంది. నటించడంపై తనకు ఇక ఆసక్తి లేదని దర్శకత్వం మీదే పని చేస్తానని అంటోంది. అయితే ఇది శాశ్వతంగా బ్రేక్ కాదని కొంత కాలమే అని చెబుతోంది. ఈ అమ్మడికి అవకాశాలు కూడా ఈ మధ్య పెద్దగా ఏమీ లేవు. అందుకే ఇలా చేస్తోందేమో అనే అభిప్రాయాలు వినిపిస్తున్నాయి.

  • టెంపర్ వివాదంపై బండ్లగణేష్ స్పందన ఇది!
    Published Date : 25-Nov-2017 6:18:17 IST

    చెక్ బౌన్స్ కేసులో ఆరు నెలల జైలు శిక్షను ఎదుర్కొంటున్న నిర్మాత బండ్లగణేష్ స్పందించాడు. వక్కంతం వంశీకి తను డబ్బులు ఇవ్వడాన్ని నిలిపివేయడానికి వేరే కారణం ఉందన్నాడీయన. తను కోటి రూపాయలకు పైనే ఇచ్చి కథపై హక్కులు కొనుక్కొంటే.. వాటి రీమేక్ హక్కులను వంశీ మరొకరికి అమ్ముకున్నాడని.. అందుకే తను డబ్బులు పెండింగ్ లో ఉంచానని బండ్ల అంటున్నాడు. వంశీ తనకు మోసం చేశాడని.. అందుకే డబ్బు ఇవ్వలేదని, అది తనకు పెద్ద లెక్క కాదని, శిక్షపై పై కోర్టుకు వెళ్తాను అని ఈయన అంటున్నాడు.


  • Widget not in any sidebars
  • బూతు డైలాగ్… జ్యోతికపై కేసు నమోదు!
    Published Date : 25-Nov-2017 6:16:34 IST

    బాల దర్శకత్వంలో నటిస్తున్న సినిమాకు సంబంధించిన టీజర్లో నటి జ్యోతిక చెప్పే బూతు డైలాగ్ పై కేసు నమోదు అయ్యింది. ‘లం… కొడకా..’ అనే అర్థాన్ని ఇచ్చే మాటను తమిళంలో డైలాగ్ గా చెప్పింది జ్యోతిక. బాల సినిమాలు రియలిటీకి దగ్గరగా ఉంటాయని వేరే చెప్పనక్కర్లేదు. దీంతో జ్యోతిక చేత ఆ డైలాగ్ ను చెప్పించినట్టున్నారు. అయితే..ఇప్పుడు ఎదురుతన్నింది. ఆ డైలాగ్ అభ్యంతరకరమని పోలిస్ స్టేషన్లో కేసు నమోదైంది. ఒక డ్రైవర్ ఈ ఫిర్యాదు చేశాడు.

  • వర్మ ఆ సినిమాను అటక ఎక్కించినట్టేనా!
    Published Date : 21-Nov-2017 9:47:55 IST

    వర్మకు ఇలాంటి అన్నీ మామూలే.. బాగా హడావుడి చేయడం, తర్వాత సదరు సినిమాను పక్కన పెట్టడం. ఇప్పుడు లక్ష్మీస్ ఎన్టీఆర్ కూడా అదే బాపతే అనే టాక్ వినిపిస్తోంది. ఈ సినిమాను ప్రకటించిన సంచలనాలు రేపిన ఆర్జీవీ ఇప్పుడు నాగార్జున సినిమాతో బిజీ అయిపోయాడు. ఈ నేపథ్యంలో లక్ష్మీస్ ఎన్టీఆర్ ఆగిపోయినట్టే అనే మాట వినిపిస్తోంది. ఇప్పుడు ఈ సినిమా గురించి ఆర్జీవీ అస్సలు మాట్లాడటం లేదు. దీంతో ఈ సినిమా ఆగిపోయిందనే వార్తలు బలం చేకూరుతోంది.

  • గరుడ వేగ డిస్ట్రిబ్యూటర్‌కు లాభాలు
    Published Date : 21-Nov-2017 9:45:48 IST

    పీఎస్‌వీ గరుడ వేగ సినిమాను అమెరికాలో డిస్ట్రిబ్యూట్ చేసిన పంపిణీదారుడికి మంచి లాభాలే దక్కేయాని సమాచారం. ఈ సినిమా గత ఆదివారంతో యూఎస్ లో హాఫ్ మిలియన్ డాలర్ల మార్కును దాటేసింది. పెద్దగా అంచనాలు లేకుండా వచ్చిన ఈ సినిమా పాజిటివ్ టాక్ తో ఈ కలెక్షన్లను సాధించుకుంది. అన్ని ఖర్చులూ పోనూ ఈ సినిమా నిర్మాతకు మంచి లాభాలు దక్కాయని.. కోటి రూపాయల పైనే లాభపడ్డాడు అని సమాచారం. గత వారం విడుదల సినిమాల్లో ఖాకీ మాత్రమే యూఎస్ వసూళ్లలో ముందుంది.


  • Widget not in any sidebars
  • 23న టీమిండియా క్రికెటర్ పెళ్లి
    Published Date : 21-Nov-2017 9:44:05 IST

    ఈడెన్ టెస్టులో తన బౌలింగ్ తో శ్రీలంకను అదరగొట్టిన టీమిండియా పేస్ బౌలర్ భువనేశ్వర్ పెళ్లి కొడుకు అవుతున్నాడు. 23న భువీ పెళ్లి జరగనుంది. నుపుర్‌ అనే అమ్మడితో భుమీ కొన్నాళ్లు ప్రేమాయణాన్ని సాగిస్తున్నాడు. పెళ్లి నేపథ్యంలో భువీ తర్వాత రెండు టెస్టులకూ దూరం కానున్నాడు. అలాగే ధవన్ కూడా తదుపరి టెస్టుకు ఉండడని తెలుస్తోంది. భువీ స్థానంలో తమిళనాడు ఆటగాడు విజయశంకర్ జట్టులోకి ఎంపికయ్యాడు.

  • రాజశేఖర్ కు సీనియర్ హీరో అభినందన
    Published Date : 19-Nov-2017 7:38:06 IST

    పీఎస్‌వీ గరుడ వేగతో హిట్ కొట్టిన సీనియర్ హీరో రాజశేఖర్ కు మరో సీనియర్ హీరో నుంచి అభినందనలు అందాయి. రాజశేఖర్ కమ్ బ్యాక్ సినిమాగా అభినందనలు అందుకుంటున్న ఈ సినిమాను విక్టరీ వెంకటేష్ అభినందించాడు. మంచి సినిమాలను ప్రేక్షకులు ఎప్పుడూ ఆదరిస్తారన్న విషయాన్ని రాజశేఖర్‌ మరోసారి నిరూపించారు.. అని వెంకీ వ్యాఖ్యానించారు. ఈ అభినందనల పట్ల రాజశేఖర్ రియాక్ట్ అయ్యాడు. ధన్యవాదాలు తెలిపాడు. చిత్రరంగానికి చెందిన పలువురు ఈ సినిమాను అభినందిస్తున్న విషయం విదితమే.

  • నంది అవార్డుల కమిటీపై వర్మ మరోసారి కౌంటర్!
    Published Date : 19-Nov-2017 7:37:06 IST

    నంది అవార్డుల కమిటీ తీరును తప్పు పట్టిన తనపై ధ్వజమెత్తిన మద్దినేని రమేష్ కు ఆర్జీవీ గట్టి కౌంటరే ఇచ్చాడు. ఫేస్‌బుక్‌లో పోస్టు పెట్టి వర్మ విరుచుకుపడ్డాడు. తనను బూతులు తిట్టిన రమేశ్ ను తిట్టకుండానే వర్మ పోస్టు పెట్టాడు. . ‘నన్ను తిట్టినందుకు బాధ లేదు. కానీ ఇలాంటి వ్యక్తులని అవార్డు కమిటీకి ఎన్నుకున్నందుకు ప్రభుత్వం మీద బాధగా ఉంది.దు. అన్నం గురించి తెలియటానికి ఒక్క మెతుకు చాలంటారు. ఈ మద్దినేని రమేష్‌ బాబు ఆ మెతుకైతే.. అన్నం కమిటీ అనుకునే పరిస్థితి వచ్చినందుకు వివరణ ప్రభుత్వమే చెప్పాలి’ వర్మ పోస్టు పెట్టాడు.


  • Widget not in any sidebars
  • మళ్లీ ధ్వజమెత్తిన ప్రకాష్ రాజ్
    Published Date : 19-Nov-2017 7:34:26 IST

    వీర హిందుత్వ వాదుల మీద మరోసారి ధ్వజమెత్తాడు నటుడు ప్రకాష్ రాజ్. పద్మావతి సినిమాను విడుదల కానివ్వమంటూ విరుచుకుపడుతున్న వారిపై ప్రకాష్ రాజ్ ఎదురుదాడి చేశాడు. వారి తీరు సరికాదని ఈయన వ్యాఖ్యానించారు. ఈ సినిమాలో నటించి దీపికకు ముక్కుచెవులు కత్తిరిస్తామంటూ కొంతమంది చేస్తున్న హెచ్చరికలపై మండి పడ్డాడు. ఇదంతా అసహనమేనని ప్రకాష్ రాజ్ అభిప్రాయపడ్డాడు. ఇది వరకూ బాలీవుడ్ సెలబ్రిటీలు కొందరు అసహనం అంశాన్ని ప్రస్తావించిన సంగతి తెలిసిందే. అదే మాటను ఇప్పుడు ప్రకాష్ రాజ్ ప్రస్తావించడం గమనార్హం.

  • సాయిధరమ్ లేకపోతే నేను లేను: సందీప్ కిషన్
    Published Date : 15-Nov-2017 7:39:55 IST

    తన జీవితంలో అత్యంత టఫెస్ట్ సిట్యూయేషన్స్ లో సాయి ధరమ్ తేజ తన వెంట నిలిచాడు అని చెప్పాడు సందీప్ కిషన్. తీవ్రమైన డిప్రెషన్లో ఉన్నప్పుడు అతడు అందించిన సహకారంతోనే తను ఇంత వరకూ ఇలా ఉండగలిగాను అని ఈ హీరో వివరించాడు. తనను తన స్నేహితులే కొందరు మోసం చేశారని.. ఆ సమయంలో తేజూ తనకు అండగా నిలిచాడని, తేజూ తనకేమీ కాడని, అయినా అతడు తనను ఆదరించాడని సందీప్ అన్నాడు. తెల్లవారుజాము నాలుగు వరకూ తనతో ఉండి అతడు ధైర్యం చెప్పేవాడని సందీప్ వివరించాడు.

  • పెళ్లి విషయంలో సల్మాన్ తీవ్రమైన కామెంట్స్
    Published Date : 15-Nov-2017 7:33:15 IST

    తన పెళ్లి విషయంలో ఇన్నేళ్లుగా మీడియా అడుగుతున్న ప్రశ్నల పట్ల సానుకూలంగా స్పందించిన బాలీవుడ్ స్టార్ హీరో సల్మాన్ ఖాన్ ఇప్పుడు ఘాటుగా స్పందించాడు. ప్రస్తుతం తన సినిమా ప్రమోషన్ కార్యక్రమంలో ఉన్న సల్లూను ‘పెళ్లెప్పుడు..’అని మీడియా అడుగగా.. ఆయన తీవ్రంగా స్పందించాడు. ‘నా పెళ్లితో మీకేం పని, నేను పెళ్లి చేసుకుంటే మీకు వచ్చేది ఏమిటి?’ అని సల్మాన్ మీడియా ప్రతినిధులను ఎదురుప్రశ్నించాడు. మీ ప్రశ్నకు నా దగ్గర సమాధానం లేదంటూ వ్యంగ్యంగా మాట్లాడాడు. సమయం వచ్చినప్పుడు అయితే అవుతుంది కాకపోతే కాదు.. నేను సింగిల్ గా ఆనందంగా ఉన్నాను సల్లూ చెప్పుకొచ్చాడు.