• ఇండియా.. ఇక పాక్ తోనే అమీతుమీ!
    Published Date : 15-Jun-2017 9:39:17 IST

    ద్వైపాక్షిక సీరిస్ లు ఆడటం మానేసిన ఇండియా, పాక్ లు మరో రసవత్తర పోరుకు సిద్ధం అవుతున్నాయి. ఛాంపియన్స్ ట్రోఫీ ఫైనల్ లో ఇండియా పాక్ లు తలపడటం ఖాయమైంది. సెమిస్ లో ఇంగ్లండ్ పై పాక్ విజయం సాధించగా, ఇండియా బంగ్లాపై విజయం సాధించింది. దీంతో.. ఫైనల్ ఇండియా, పాక్ ల మధ్య ఖరారైంది. ఇదే ట్రోఫీలో ఇండియా, పాక్ లు లీగ్ మ్యాచ్ లో తలపడ్డాయి. ఫైనల్ లో ఈ రెండు జట్ల పోరాటం ఆసక్తిని రేపుతోంది. ఐసీసీ టోర్నీలో పాక్ పై ఇండియాకు తిరుగులేని రికార్డు ఉంది.

  • జీఎస్టీ వస్తోంది… డిస్కౌంట్లు వచ్చేశాయి!
    Published Date : 15-Jun-2017 9:38:06 IST

    కేంద్రప్రభుత్వం జూలై 1 నుంచి జీఎస్టీ బిల్లును అమల్లోకి తీసుకొస్తున్న నేపథ్యంలో దీని ప్రభావం అన్ని రంగాలపై పడుతోంది. తుదిగడువు దగ్గర పడే కొద్ది నిల్వలు వదిలించుకునేందుకు కంపెనీలు ప్రయత్నిస్తున్నాయి. ఈనేపథ్యంలో పేటియం, షాప్‌క్లూస్‌, లెవీస్‌ వంటి ఆన్ లైన్, ఆఫ్ లైన్ అమ్మకందార్ల దగ్గర నుంచి బజాజ్‌ ఆటో వరకు, బ్రాండ్స్‌ నుంచి రిటైలర్స్‌ దాకా అన్ని కంపెనీలు భారీ డిస్కౌంట్‌ను ప్రకటిస్తున్నాయి. అన్ని ఈ- కామర్స్‌ కం‍పెనీలు తమ​ ప్లాట్‌ఫాం ద్వారా విక్రయాలు జరిపే ఉత్పత్తులపై అధిక మొత్తంలో తగ్గింపులను ప్రకటిస్తున్నాయి.

  • అఖిల ప్రియ తీరుపై టీడీపీ సీనియర్లు సీరియస్?
    Published Date : 15-Jun-2017 9:34:27 IST

    ఏపీ మంత్రి అఖిల ప్రియపై తెలుగుదేశం పార్టీ సీనియర్లు మండి పడినట్టుగా తెలుస్తోంది. శిల్పా మోహన్ రెడ్డి పార్టీ వీడటానికి కారణం ఆమేనని తెలుగుదేశం నేతలు అభిప్రాయపడ్డటు సమాచారం. నంద్యాల అసెంబ్లీ టికెట్ విషయంలో అఖిల ప్రియ తొందరపాటు ప్రకటనలు చేసిందని, వాటి వల్లనే శిల్పా మోహన్ రెడ్డి తెలుగుదేశాన్ని వీడి తన దారి చూసుకున్నాడని తెలుగుదేశం నేతలు అభిప్రాయపడుతూ.. అఖిల తీరును తప్పుపట్టినట్టుగా తెలుస్తోంది. శిల్పతో పాటు అనేక మంది స్థానిక సంస్థల ప్రతినిధులు పార్టీ మారడాన్ని టీడీపీ నేతలు జీర్ణించుకోలేకపోతున్నారు.

  • దంగల్.. సరికొత్త చరిత్ర దిశగా..!
    Published Date : 14-Jun-2017 10:19:35 IST

    భారత్ కు మించిన విజయాన్ని చైనాలో నమోదు చేసిన ఆమిర్ ఖాన్ సినిమా దంగల్.. సరికొత్త చరిత్రను క్రియేట్ చేస్తోంది. చైనా చరిత్రలో అత్యధిక వసూళ్లు సాధించిన నాన్ ఇంగ్లిష్ సినిమాల్లో ఐదో స్థానానికి చేరింది దంగల్. ఫ్రాన్స్ సినిమా ఇన్ టచబుల్స్ వంటి సినిమా వసూళ్ల స్థాయికి చేరింది ఇండియన్ దంగల్. ఇప్పటి వరకూ దాదాపు రెండు వేల కోట్ల రూపాయల వసూళ్లను సాధించిన దంగల్.. ఇంకా తన వేటను కొనసాగిస్తోంది. ఇదే ధాటి కొనసాగితే..చైనాలో అత్యధిక వసూళ్లను సాధించిన విదేశీ చిత్రంగా నిలిచే అవకాశాలు కూడా పుష్కలంగా కనిపిస్తున్నాయి.

  • ఇండియా వర్సెస్ పాకిస్తాన్.. మరో ఫైనల్ మ్యాచ్?
    Published Date : 14-Jun-2017 10:17:56 IST

    ఛాంపియన్స్ ట్రోఫీ సెమిఫైనల్ లో పాకిస్తాన్ ఘన విజయాన్ని నమోదు చేసింది. ఇంగ్లండ్ ను చిత్తు చేసింది. బౌలింగ్, బ్యాటింగ్ విభాగాల్లో రాణించి ఫైనల్లో అడుగుపెట్టింది. ఇక రెండో సెమిస్ లో టీమిండియా, బంగ్లాలు తలపడనున్న సంగతి తెలిసిందే.ఈ మ్యాచ్ లో ఇండియా బంగ్లాను ఓడించే అవకాశాలున్నాయి. దీంతో ఇండియా, పాక్ ల మధ్య ఫైనల్ మ్యాచ్ జరిగే అవకాశాలు పుష్కలంగా కనిపిస్తున్నాయి. ఇది వరకూ ఐసీసీ టోర్నీల్లో పాక్ పై భారత్ సంపూర్ణ ఆధిక్యతను కనబరిచింది, మరో ఆసక్తికరమైన మ్యాచ్ కు తెరలేచేలా ఉందిప్పుడు.

  • అఖిల్ సినిమాలో హీరోయిన్ ఆమె కాదు!
    Published Date : 14-Jun-2017 10:13:05 IST

    విక్రమ్ కె.కుమార్ దర్శకత్వంలో అఖిల్ హీరోగా రూపొందుతున్న సినిమాలో హీరోయిన్ గా ఖుషీ కపూర్ నటించబోతోందన్న ప్రచారాన్ని ఖండించాడు ఆ సినిమా నిర్మాత, అఖిల్ తండ్రి నాగార్జున. ఈ సినిమాలో హీరోయిన్ ఎవరనే అంశంపై చర్చలో భాగంగా ఖుషీ కపూర్ పేరును తెరపైకి తెచ్చిందొక మీడియా వర్గం. అయితే ఆ ప్రచారాన్ని నాగ్ ఖండించాడు. ఈ మేరకు ట్వీట్ చేశాడు. మరి అఖిల్ సరసన నటించబోతున్నది ఖుషీ కాదని స్పష్టత వస్తున్న హీరోయిన్ ఎవరనే అంశం మాత్రం ఆసక్తికరంగానే ఉంది.

  • ఇండియాలో రెమ్యూనరేషన్ లో ఆ ముగ్గురే టాప్!
    Published Date : 13-Jun-2017 8:21:23 IST

    ఫోర్బ్స్ టాప్ హండ్రెడ్ సినీ సెలబ్రిటీస్ లో ముగ్గురు భారతీయ నటులు స్థానం సంపాదించారు. అత్యధిక సంపాదనతో వీరు ఇండియన్ టాప్ సినీ హీరోస్ గా నిలిచారు. వంద మంది జాబితాలో చూస్తే.. షారూక్ 245 కోట్ల రూపాయల పారితోషకంతో 65వ స్థానంలో నిలిచాడు. సల్మాన్ 238 కోట్ల పారితోషకంతో 71వ స్థానంలో, అక్షయ్ కుమార్ 228 కోట్ల సంపాదనతో 80వ స్థానంలో నిలిచాడు. మరే ఇండియన్ హీరో ఈ జాబితాలో లేడు.

  • పదో తరగతి పాస్ అయిన ప్రముఖ హీరోయిన్..
    Published Date : 13-Jun-2017 8:20:06 IST

    మరాఠీ సినిమా సైరత్ తో పేరు ప్రఖ్యాతులు తెచ్చుకుని ఉత్తమ నటిగా జాతీయ అవార్డును కూడా సొంతం చేసుకున్న రింకూ అలియాస్ ప్రేరణ పదో తరగతి పాస్ అయ్యింది. నటిగా పేరు ప్రఖ్యాతులు తెచ్చుకున్న తర్వాత ఈమె పదో తరగతి పూర్తి చేయడం ఆసక్తికరంగా ఉంది. సైరత్ కన్నడ వెర్షన్ లో కూడా ఈమెనే హీరోయిన్ గా నటించింది. బాలీవుడ్ లో జాన్వీ కపూర్ సైరత్ రీమేక్ తోనే ఎంట్రీ ఇచ్చే అవకాశాలున్నాయి. దక్షిణాది నిర్మాతలు కూడా రింకూ మీద దృష్టి సారించారు.

  • రోబో-2 హిందీ రైట్స్ రేటెంతంటే…
    Published Date : 13-Jun-2017 8:17:04 IST

    రజనీకాంత్ రోబో-2 సినిమా హిందీ థియేటరికల్ రైట్స్ రూ.80 కోట్లు పలికినట్టుగా తెలుస్తోంది. ఈ సినిమా థియేటరికల్ రైట్స్ ను వంద కోట్ల రూపాయలు చెప్పారని, అయితే తాము రూ.80 కోట్లు వెచ్చించినట్టుగా హిందీ డిస్ట్రిబ్యూటర్లు చెప్పారు. రజనీకాంత్ కు తోడు అక్షయ్ కుమార్ కూడా ఉండటంతో ఈ సినిమా విడుదల హక్కులు ఈ స్థాయిలో పలినట్టుగా తెలుస్తోంది. హిందీలో ఈ సినిమా టీవీ రైట్స్ కూడా భారీమొత్తాన్ని పలికాయని తెలుస్తోంది. హిందీ వెర్షనే రెండు వందల కోట్లరూపాయల వ్యాపారం చేయనుందని అంచనా.

  • క్రేజీ డైరెక్టర్.. నాని హీరోగా సినిమా!
    Published Date : 12-Jun-2017 8:27:06 IST

    వెంకటాద్రి ఎక్స్ ప్రెస్, ఎక్స్ ప్రెస్ రాజా సినిమాల దర్శకుడు మేర్లపాక గాంధీ ముచ్చటగా మూడో సినిమాకు రంగం సిద్ధం చేసుకుంటున్నట్టు సమాచారం. ఈ సారి మరో యువహీరో సినిమా చేయబోతున్నాడు గాంధీ. నాని హీరోగా సినిమాతో వస్తున్నాడు ఈ దర్శకుడు. ఎక్స్ ప్రెస్ రాజా సినిమా వచ్చి ఇప్పటికే ఒకటిన్నర సంవత్సరం గడుస్తోంది. ఒక్కో సినిమాకూ గాంధీ ఎక్కువ విరామం తీసుకుంటున్నాడు. ప్రస్తుతం నాని చేతిలో సినిమాలున్నాయి. ఇవి ఒక కొలిక్కి రాగానే వచ్చే నెలలో గాంధీ సినిమాను ప్రారంభించనున్నాడట ఈ హీరో.

  • తమిళనాట.. ఒక్కో ఎమ్మెల్యే రేటెంతంటే..
    Published Date : 12-Jun-2017 8:24:16 IST

    జయలలిత మరణాంతరం తమిళనాట శశికళ, పన్నీరు సెల్వంల మధ్య రేగిన రాజకీయ రణరంగంలో ఒక్కో ఎమ్మెల్యే ధర భారీగా పలికినట్టు తెలుస్తోంది. ఒక న్యూస్ చానల్ స్టింగ్ ఆపరేషన్ లో మధురై ఎమ్మెల్యే శరవణన్ వ్యాఖ్యానాలు సంచలనం రేపుతున్నాయి. ముఖ్యమంత్రి పదవిని నిలబెట్టుకోవడానికి పన్నీరు సెల్వం ఒక్కో ఎమ్మెల్యేకి కోటి రూపాయలు ఇస్తానన్నాడని.. అదే శశికళ పలనిసామిని సీఎంగా చేయడానికి ఒక్కో ఎమ్మెల్యేకి రెండు కోట్లు ఇచ్చిందని శరవణన్ అన్నాడు.

  • మంత్రిగారికి భార్య కావలెను.. కట్నం ఏం కావాలంటే!
    Published Date : 12-Jun-2017 8:23:20 IST

    బిహార్ మాజీ సీఎంలు లాలూ, రబ్రీల పెద్ద కుమారుడు, ఆ రాష్ట్ర మంత్రి తేజ్ ప్రతాప్ కు పెళ్లి కూతురు కావాలట. ఈ విషయాన్ని రబ్రీ దేవి ప్రకటించింది. తమకు కట్నం ఏమీ వద్దని.. అయితే కోడలు ఆవును మాత్రం పుట్టింటి నుంచి పట్టుకురావాలని రబ్రీ పేర్కొంది. కానీ అత్తగా మాత్రం కొన్ని షరతుల పెట్టింది. కోడలు మల్టీ ప్లెక్స్ లకు, షాపింగ్ మాల్స్ కు తిరిగే అమ్మాయి కాకూడదని, ఇంటి పట్టున ఉండి భర్తను చూసుకునే సంప్రదాయబద్ధమైన అమ్మాయే అయ్యండాలని రబ్రీ స్పష్టం చేశారు.

  • అజిత్.. సినిమాలకు ఇదో సెంటిమెంట్ గా మారిందా!
    Published Date : 11-Jun-2017 10:06:37 IST

    వీరమ్, వేదాళం సినిమాలు సూపర్ హిట్స్.. ఈ పరంపరలో అజిత్ తాజా సినిమా పేరును వివేగం అని పేరు పెట్టారు. ఈ విధంగా అజిత్ ‘వి’ సెంటిమెంట్ ను ఫాలో అవుతున్నట్టుగా ఉన్నాడు. చిత్రసీమలో ఇలాంటి టైటిల్ సెంటిమెంట్స్ ఏమీ కొత్త కాదు కదా. అలాగే పదో తేదీన విడుదల కూడా అజిత్ కు సెంటిమెంట్ గా మారింది. వీరమ్ సినిమా కొన్నేళ్ల కిందట జనవరి పదో తేదీన విడుదల అయ్యింది. ఇక వేదాళం కూడా మరో సంవత్సరంలో నవంబర్ పదో తేదీన విడుదల అయ్యింది. ఇక వివేగం సినిమా కూడా పదోతేదీన విడుదల కానుంది. ఆగస్టు పదిన ఈ సినిమా విడుదల కానుంది. మొత్తానికి అజిత్ కు ఇవి సెంటిమెంట్స్ గా మారినట్టున్నాయి.

  • ఫ్యామిలీ టూర్ ముగిసింగి.. జగన్ రిటర్న్స్..
    Published Date : 11-Jun-2017 10:04:35 IST

    వైఎస్సార్‌ కాంగ్రెస్‌ పార్టీ అధినేత, ఏపీ ప్రతిపక్ష నేత వైఎస్‌ జగన్‌మోహన్‌రెడ్డి న్యూజిలాండ్‌ పర్యటన ముగించుకుని శనివారం రాత్రి హైదరాబాద్‌ చేరుకున్నారు. గతనెల 25వ తేదీన ఆయన కుటుంబ సభ్యులతో కలసి న్యూజిలాండ్‌ పర్యటనకు వెళ్లిన సంగతి తెలిసిందే. పర్యటనను ముగించుకుని శనివారం రాత్రి ఆయన శంషాబాద్‌ ఎయిర్‌ పోర్టుకు చేరుకున్నారు. ఈ సందర్భంగా విమానా శ్రయంలో జగన్‌కు పార్టీ నేతలు, కార్యకర్తలు ఘనస్వాగతం పలికారు. అక్కడినుంచి జగన్‌ నేరుగా ఇంటికి చేరుకున్నారు. జగన్ ఫ్యామిలీ టూర్ ఈ సారి సుధీర్ఘంగానే సాగింది.

  • పీఓకేను భారత్ వెంటనే స్వాధీనం చేసుకోవాలి..!
    Published Date : 11-Jun-2017 10:01:40 IST

    పాక్‌ ఆక్రమిత కశ్మీర్‌ ను భారత్‌ వెంటనే స్వాధీనం చేసుకోవాలి బాబా రాందేవ్‌ డిమాండ్‌ చేశారు. పాక్‌ నుంచి తలెత్తుతున్న అన్ని సమస్యలకు అదే మూలకారణమని, పీఓకేని ఆక్రమించి అక్కడ ఉన్న ఉగ్రశిబిరాలను ధ్వంసం చేయాలని కోరారు. అలాగే భారత్‌ పాక్‌ సరిహద్దు ల్లో రక్తపాతం సృష్టించిన ఉగ్రవాదులు అజహర్‌ మసూద్, హఫీజ్‌ సయీద్, దావూద్‌ ఇబ్రహీం లను సజీవంగా లేదా వారి మృతదేహాలనైనా భారత్‌కు అప్పగించాలని రాందేవ్‌ పాక్‌ను డిమాండ్‌ చేశారు. మద్యపానాన్ని నిషేధించాలని నిర్ణయించిన బిహార్‌ ముఖ్యమంత్రి నితీశ్‌కుమార్‌పై పొగడ్తల వర్షం కురిపించారు.