• నలభై కోట్ల మార్కు దిశగా వెళ్తున్న చోటా సినిమా!
    Published Date : 06-Aug-2017 12:58:21 IST

    ఈ మధ్య కాలంలో పరిమిత బడ్జెట్ లో రూపొంది అత్యంత భారీ వసూళ్లను సాధిస్తున్న సినిమాగా నిలుస్తోంది ఫిదా. ఈ సినిమా వసూళ్లలో షేర్ కు సంబంధించిన గణాంకాలు వెల్లడి అవుతున్నాయి. ఇది షేర్ విషయంలో నలభై కోట్ల మార్కును రీచ్ అవుతోందని సమాచారం. ‘దర్శకుడు’, ‘నక్షత్రం’ వంటి సినిమాలు నిరాశ పరచడంతో ఫిదాకు మూడో వారంలో కూడా తిరుగు లేకుండా పోయింది. వసూళ్ల వేట కొనసాగుతోంది. గ్రాస్ కలెక్షన్లు అరవై కోట్లను, షేర్ నలభై కోట్లను రీచ్ అవుతోందని సమాచారం.

  • బాలయ్య సినిమా వ్యాపారంలో వెనుకబడిందా?
    Published Date : 06-Aug-2017 12:49:36 IST

    బాలయ్య హీరోగా వస్తున్న ‘పైసా వసూల్’ సినిమా ప్రీ రిలీజ్ వ్యాపారంలో బాగా వెనుకబడి ఉందనే మాట వినిపిస్తోంది. ఈ సినిమాకు పెట్టిన బడ్జెట్ కు అవుతున్న వ్యాపారానికి సంబంధం లేదని ట్రేడ్ పండితులు అంటున్నారు. పబ్లిసిటీ, వడ్డీలతో కలుపుకుని పైసావసూల్ కు నలభై ఐదు కోట్ల రూపాయల వరకూ ఖర్చు అయ్యిందని, అయితే ప్రీ రిలీజ్ మార్కెట్ లో మాత్రం ఈ సినిమా ముప్పై కోట్ల మార్కు వరకూ మాత్రమే రీచ్ అయ్యిందనే వార్తలు వస్తున్నాయి. ఓవర్సీస్ లో కూడా ఈ సినిమా కేవలం రెండు కోట్ల వ్యాపారాన్నే చేసిందట.

  • సినిమా హీరోలపై పొలిటీషియన్ సెటైర్లు!
    Published Date : 06-Aug-2017 12:47:08 IST

    రాజకీయాల్లోకి రావాలని అనుకుంటున్న సినిమా హీరోలపై సెటైర్లు వేశాడు తమిళనాడు సీఎం పళని స్వామి. ఎవరి పేరూ డైరెక్టుగా చెప్పకపోయినా.. తమిళనాట రాజకీయ ప్రకటనలతో వేడెక్కిస్తున్న రజనీకాంత్, కమల్ హాసన్ లను ఉద్దేశించి పళని వ్యాఖ్యలు చేసినట్టుగా ఉన్నాడు. రాజకీయాల్లోకి రావాలనుకునే వారు ముందుగా ప్రజలకు సేవ చేయాలని పళని అన్నాడు. సినీ నటులు రాజకీయ ప్రకటనలు చేయడం పట్ల అభ్యంతరం వ్యక్తం చేశారు. ప్రజల మనసులు గెలుచుకోకుండా ఎవరూ అందలం ఎక్కలేరని వ్యాఖ్యానించారు.

  • సొంత ప్రొడక్షన్ హౌస్.. నిర్మాతగా సమంత!
    Published Date : 04-Aug-2017 3:57:28 IST

    త్వరలోనే ఒక పెద్ద సినీ కుటుంబానికి కోడలిగా వెళ్తున్న సమంత ఇదే సమయంలో తను కూడా సొంతంగా నిర్మాతగా మారే ప్రయత్నంలో ఉందని సమాచారం.స్నేహితులతో కలిసి చిత్ర నిర్మాణం చేపట్టనున్నారని, వారితో కలిసి ఒక బ్యానర్‌ను కూడా నెలకొల్పనున్నట్లు తెలుస్తోంది. తన స్నేహితులు వాణి, శ్రీరామ్‌లతో కలిసి సినిమాలు నిర్మించాలనుకుంటున్నట్లు, ఇది వీరి చిరకాల డ్రీమ్‌ అని తెలుస్తోంది. ఒక రీమేక్ తో వీరు ప్రొడక్షన్ మొదలుపెట్టనున్నారట. మొత్తానికి సమంత ఫుల్ జూమ్ లో ఉంది.

  • చంద్రబాబు శిఖండిలా మాట్లాడుతున్నారు!
    Published Date : 04-Aug-2017 3:53:09 IST

    తెలుగుదేశం నేతలపై తీవ్రంగా ధ్వజమెత్తారు వైఎస్సార్ కాంగ్రెస్ పార్టీ ఎమ్మెల్యే ఆర్కే రోజా. సీఎంపై జగన్ చేసిన వ్యాఖ్యల్లో ఎలాంటి తప్పూ లేని స్పష్టం చేసిన ఆమె.. ఇదే సమయంలో టీడీపీ నేతలపై విరుచుకుపడ్డారు. వైఎస్‌ జగన్‌ను తిట్టడానికే సోమిరెడ్డికి మంత్రి పదవి ఇచ్చారని అన్నారు. కేశవరెడ్డి బాధితులకు న్యాయం చేసిన తర్వాత మంత్రి ఆదినారాయణరెడ్డి మాట్లాడాలన్నారు. అచ్చెన్నాయుడు మాట్లాడకుండా ఉంటే మంచిదని హితవు పలికారు. చంద్రబాబే శిఖండిలా మాట్లాడుతున్నారని, రాష్ట్రాన్ని నాశనం చేస్తున్నారని ఎమ్మెల్యే రోజా ధ్వజమెత్తారు.

  • ఆర్థికంగా దెబ్బతీశారు, టీడీపీకి రాజీనామా!
    Published Date : 04-Aug-2017 3:51:17 IST

    గిద్దలూరు నియోజకవర్గం మాజీ ఎమ్మెల్యే అన్నా రాంబాబు టీడీపీకి రాజీనామా చేశారు.గిద్దలూరులో అనుచరులు, కార్యకర్తలతో సమావేశం అయ్యి రాజీనామా విషయాన్ని ప్రకటించారాయన. కార్యకర్తల సమావేశంలోనే ఆయన తన రాజీనామా నిర్ణయాన్ని ప్రకటించి, తన మెడలోనుంచి పార్టీ కండువాను పక్కన పడేశారు. ఈ సందర్భంగా అన్నా రాంబాబు మాట్లాడుతూ టీడీపీలో నన్ను తీవ్రంగా అవమానించారని, ఆర్థికంగా దెబ్బతీశారని ఆవేదన వ్యక్తం చేశారు. ఇంకా టీడీపీలో కొనసాగితే తనకు సిగ్గు లేనట్టేనని అన్నారు. ఆ కారణంగానే టీడీపీకి రాజీనామా చేస్తున్నట్లు తెలిపారు.

  • ఆ ఒక్క మాటపై వంద కోట్లకు నష్టపరిహారం!
    Published Date : 02-Aug-2017 8:26:12 IST

    కమల్ హాసన్ హోస్టుగా వ్యవహరిస్తున్న తమిళ బిగ్‌బాస్ పై సంచలన స్థాయి నష్టపరిహార పిటిషన్ కోర్టులో దాఖలైంది. బిగ్‌బాస్ కార్యక్రమంతో తమ మనోభావాలు దెబ్బతిన్నాయని ఒక తమిళ రాకీయ నేత వంద కోట్ల రూపాయలకు పరువు నష్టం దావా వేశాడు. మరి బిగ్‌బాస్ అంతలా ఏం చేసింది అంటే.. ఈ కార్యక్రమంలో పాల్గొనే గాయత్రీ రఘురాం మాట్లాడిన ఒక మాటే దీనికి కారణం. ‘మురికివాడల్లో బతికేవాళ్లు చేసినట్టుగా చేస్తున్నావ్..’ అని ఆమె వ్యాఖ్యానించింది. ఈ విధంగా ఆమె మురికివాడల ప్రజలను కించపరిచిందని పిటిషన్ దాఖలు చేశారు.

  • ఆ హీరో రాజకీయాలకు వస్తే మద్దతిస్తానన్న నటీమణి
    Published Date : 02-Aug-2017 8:24:33 IST

    కమల్‌హాసన్‌ రాజకీయ రంగ ప్రవేశంపై సీనియర్‌ నటి, కాంగ్రెస్‌ నేత ఖుష్బూ ఈ అంశంపై స్పందించారు. కమల్‌హాసన్‌ రాజకీయాల్లోకి వస్తే ఆయనకు మద్దతిస్తానని ఆమె ప్రకటించారు. కమల్ విషయంలో ఆమె స్పందిస్తూ ‘అవినీతికి వ్యతిరేకంగా కమల్‌ చేస్తున్న ప్రయత్నాలను స్వాగతిస్తున్నా. కమల్‌ తీరు గత రెండు నెలలుగా రాజకీయాల్లో చర్చనీయాంశంగా మారింది. నా స్నేహితుడు కమల్‌కు నా మద్దతు, ఆదరాభిమానం ఎప్పటికీ ఉంటుంది’ అని ట్వీట్ చేశారు.

  • శ్రుతి హాసన్ సినిమా ఆగిపోయిందా!
    Published Date : 02-Aug-2017 8:22:36 IST

    శ్రుతి హాసన్ బాలీవుడ్ సినిమా ‘యారా’ ఆగిపోయినట్టుగా వార్తలు వస్తున్నాయి. విద్యుత్ జమాల్ ఇందులో హీరో. తిగ్మాంషు ధులియా దర్శకుడు. షూటింగ్‌ పూర్తవకుండానే ఆగిపోయినట్లు బాలీవుడ్‌ వర్గాల సమాచారం. ఫైనాన్షియల్ ప్రాబ్లమ్స్ తో ఈ సినిమా ఆగిపోయిందని సమాచారం. ఇందులో విద్యుత్‌ జమ్వాల్‌ 21ఏళ్ల యువకుడి నుంచి 50 ఏళ్ల వృద్ధుడిలా నటించాల్సి ఉంది. ఇందుకోసం ఎప్పటికప్పుడు శరీరాకృతిని మలుచుకుంటూ విద్యుత్‌ చాలా కష్టపడ్డాడట. అసలైతే ఈ సినిమా మేలోనే విడుదల కావాల్సి ఉందని విద్యుత్‌ తెలిపారు. అది జరిగేలా లేదని సమాచారం.

  • ఆ దర్శకుడితో కల్యాణ్ రామ్ కొత్త చిత్రం!
    Published Date : 30-Jul-2017 12:02:40 IST

    ఒకవైపు ఎమ్మెల్యే సినిమాతో బిజీగా ఉన్న కల్యాణ్ రామ్ కొత్త సినిమాను ప్రారంభించాడు. అప్పుడెప్పుడో ‘180’ సినిమాతో దర్శకుడిగా మారిన జయేంద్ర డైరెక్షన్లో కల్యాన్ రామ్ కొత్త సినిమాను ప్రారంభించాడు. ఆదివారం ఈ సినిమా షూటింగ్ మొదలైంది. జూనియర్ ఎన్టీఆర్ ముహూర్తపుసీన్ కు క్లాప్ కొట్టాడు. ఈస్ట్‌కోస్ట్ ప్రొడక్సన్స్ పతాకంపై ఈ సినిమా రూపొందుతోంది. ప్రస్తుతం కల్యాణ్ ‘జై లవకుశ’ సినిమాకు నిర్మాతగా కూడా వ్యవహరిస్తున్నాడు.

  • వాళ్లను పార్టీలో చేర్చుకోం: రోజా
    Published Date : 30-Jul-2017 11:58:57 IST

    ఏపీ మంత్రులు సిగ్గులేకుండా మాట్లాడుతున్నారని వైఎస్‌ఆర్‌ కాంగ్రెస్‌ పార్టీ ఎమ్మెల్యే రోజా మండిపడ్డారు. నైతికత గురించి మాట్లాడే టీడీపీ నేతలు నంద్యాలలో వైఎస్‌ఆర్‌ సీపీ ఎమ్మెల్యే మరణిస్తే మాత్రం ఎందుకు పోటీపెడుతున్నారని ప్రశ్నించారు. మరణించిన భూమా నాగిరెడ్డి ఏ పార్టీ ఎమ్మెల్యేనో స్పీకర్‌ కోడెలను అడిగితే ఆయనే చెప్తారని పేర్కొన్నారు. వైఎస్‌ఆర్‌ సీపీ నేతలకు నీతులు చెప్పే సోమిరెడ్డి, 21 మంది ఫిరాయించిన ఎమ్మెల్యేలతో రాజీనామా చేయించి నీతుల మాట్లాడితేబాగుంటుందని హితవు పలికారు. ఫిరాయించిన వారిని మళ్లీ తమ పార్టీలోకి చేర్చుకోమన్నారు.

  • కొహ్లీ కమాల్.. కొత్త రికార్డులు దాసోహం!
    Published Date : 30-Jul-2017 11:55:45 IST

    వన్డేలు, టెస్టులు, టీ20లు.. మూడు అంతర్జాతీయ ఫార్మాట్లలోనూ 50 పరుగులు సగటును సాధించిన క్రికెటర్ గా కొత్త రికార్డు స్థాపించాడు విరాట్ కొహ్లీ. ప్రస్తుతం అంతర్జాతీయ క్రికెట్లో ఏ ఒక్కరికీ ఇలాంటి ఘనత లేదు. మూడు ఫార్మాట్లలో 50 పరుగుల సగటును కలిగిన క్రికెటర్ ఇంకోరు లేరు. అంతే కాదు..విదేశాల్లో వేగంగా వెయ్యి పరుగులు సాధించిన భారత క్రికెటర్‌గా కూడా కొహ్లీ రికార్డు క్రియేట్ చేశారు. ఇటీవలే చేజింగ్ లో అత్యధిక సెంచరీలు(17) సాధించిన క్రికెటర్ గా కూడా కొహ్లీ రికార్డు స్థాపించాడు.

  • ప్రియురాలికి కోపం వస్తుందనే హీరో అలా చెప్పాడా!
    Published Date : 29-Jul-2017 4:22:35 IST

    దీపికా పదుకునే కు బెస్ట్ కిస్సర్ అనే ట్యాగ్ ను ఇచ్చాడు బాలీవుడ్ హీరో రణ్‌వీర్ సింగ్. వీళ్లిద్దరూ కలిసి నటించారు. తెరపై పెదవులను పెనవేసుకున్నారు కూడా. ఈ నేపథ్యంలో ఆమెకు ఆ కితాబు ఇచ్చాడు. అలాగే అనుష్కా శర్మతో కూడా రణ్‌వీర్ లిప్ లాక్ సీన్లు చేశాడు. కానీ బెస్ట్ మాత్రం దీపిక అనే అన్నాడు. మరి దీని వెనుక కథ ఏమిటంటే.. దీపికతో రణ్‌వీర్ ప్రేమలో ఉన్నాడు. మరి ఆమెతోనే ముద్దు బాగుంది అనకపోతే కచ్చితంగా కోపం వస్తుంది. అందుకే ప్రియురాలి పేరునే చెప్పినట్టుగా ఉన్నాడితను.

  • అవును..శంకర్ సినిమాకు సీక్వెల్ వస్తుంది!
    Published Date : 29-Jul-2017 4:21:08 IST

    తను శంకర్ రూపొందించిన తమిళ సినిమా ‘ఒకే ఒక్కడు’కు సీక్వెల్ గా ఒక కథను తయారు చేస్తున్నట్టుగా ప్రకటించాడు రచయిత విజయేంద్ర ప్రసాద్. ఇందుకు సంబంధించి ఆయన స్పష్టమైన ప్రకటన చేశారు. అర్జున్ హీరోగా నటించిన ఒకే ఒక్కడు పెద్ద హిట్ అయిన సంగతి తెలిసిందే. సమాకాలీన రాజకీయ సామాజిక పరిస్థితులపై ఆ సినిమా సెటైర్ లా రూపొందింది. హిందీలో ఆ సినిమాను శంకర్ రీమేక్ చేశాడు కానీ అంతగా హిట్ కాలేదు. అయితే సీక్వెల్ వెర్షన్ ను హిందీలోనే రూపొందిస్తామని ఈ రచయిత ప్రకటించాడు. అయితే దర్శకుడెవరో చెప్పలేదు.

  • వచ్చే ఎన్నికల్లో పోటీపై స్పందించిన కవిత!
    Published Date : 29-Jul-2017 4:19:04 IST

    తను వచ్చే ఎన్నికల్లో ఎమ్మెల్యేగా పోటీ చేసే అవకాశాలున్నాయని జరుగుతున్న ప్రచారం పట్ల స్పందించారు నిజామాబాద్ ఎంపీ కవిత. కవిత తెలంగాణ కేసీఆర్ వారసత్వాన్ని కోరుకుంటున్నారని, అసెంబ్లీకి వెళ్లి మంత్రి, ఆపై ముఖ్యమంత్రి కావాలనుకుంటున్నారని ప్రచారం జరుగుతోంది. అందుకే వచ్చేసారి ఎమ్మెల్యేగా పోటీ చేయాలని ఆమె అనుకుంటున్నారని ప్రచారం జరుగుతోంది. ఈ విషయంపై కవిత స్పందిస్తూ.. ఆ విషయం తన చేతిలో లేదని తన తండ్రి, తెరాస అధినేత, తెలంగాణ సీఎం కేసీఆర్ ఆదేశానుసారం తను నడుచుకుంటానని అంటోంది.