• తెలుగుదేశం వర్సెస్ బీజేపీ!
    Published Date : 20-Jul-2016 9:25:55 IST

    ఏపీకి ప్రత్యేక హోదా అంశం గురించి కాంగ్రెస్ ఎంపీ కేవీపీ రాజ్యసభలో ప్రవేశ పెట్టనున్న ప్రైవేట్ బిల్లు కొత్త రాజకీయ పోరాటానికి దారి తీస్తోంది. ఈ అంశంపై చర్చ జరిగి ఓటింగ్ వరకూ వెళితే అది తెలుగుదేశం, బీజేపీలకు సంకటంగా మారే అవకాశం ఉంది. కాంగ్రెస్ ఎంపీ పెట్టిన బిల్లు కాబట్టి దానికి బీజేపీ ఎట్టి పరిస్థితుల్లోనూ మద్దతునివ్వదు. ఆ బిల్లుకు మద్దతు పలకరాదు అని బీజేపీ కోరుకుంటోంది. కాంగ్రెస్ ట్రాప్ లో పడవద్దని బీజేపీ నేతలు అంటున్నారు. ఇవ్వకపోతే ప్రజల్లో వ్యతిరేకత వస్తుందేమో అని టీడీపీ భయపడుతోంది.

    full article @ Andhrabhoomi
  • అప్పుల్లో ముందున్నది ఆంధ్రా, తెలంగాణ రైతులే!
    Published Date : 20-Jul-2016 9:21:07 IST

    దేశ వ్యాప్తంగా రైతు కుటుంబాలు అప్పుల ఊబిలో మునిగాయని ప్రభుత్వ అధ్యయనాలే చెబుతున్నాయి. మొత్తం తొమ్మిది కోట్ల రైతు కుటుంబాల్లో సగానికి పైగా కుటుంబాలు అప్పులతో తిప్పలు పడుతున్నాయని తేలింది. విశేషం ఏమిటంటే.. ఈ జాబితాలో ముందున్నది ఆంధ్రా, తెలంగాణ రైతు కుటుంబాలే. అత్యధికంగా ఏపీలో 92 శాతం రైతుకుటుంబాలు అప్పుల్లో ఉన్నాయి. తెలంగాణలో ఈ శాతం 89 గా ఉంది. ఆ తర్వాత కూడా దక్షిణాది రాష్ట్రాలే ఈ జాబితాలో నిలిచాయి. తమిళనాడు, కేరళ, కర్ణాటక రాష్ట్రాలు ఆ తర్వాతి స్థానాల్లో ఉన్నాయి.

    full article @ Eenadu
  • కేటీఆర్ పై బీజేపీ మంత్రి ప్రశంసల వర్షం!
    Published Date : 20-Jul-2016 9:17:58 IST

    ఒకవైపు తెలంగాణ బీజేపీ నేతలు మాత్రం కేసీఆర్ ప్రభుత్వంపై విరుచుకుపడుతూ ఉంటారు. ప్రత్యేకించి కేసీఆర్ కుటుంబ సభ్యులను ప్రత్యేకంగా లక్ష్యంగా చేసుకుంటారు వీళ్లు. అయితే కేంద్రంలోని బీజేపీ నేతలు మాత్రం తెరాస నేతల పట్ల సానుకూలంగా స్పందిస్తున్నారు. తాజాగా కేంద్రమంత్రి కల్ రాజ్ మిశ్రా అయితే కేసీఆర్ తనయుడు కేటీఆర్ ను ఆకాశానికెత్తేశాడు. కేటీఆర్ ను డైనమిక్ లీడర్ అని అంటూ కల్ రాజ్ మిశ్రా ప్రశంసించాడు. ఖాయిలా పడ్డ పరిశ్రమల పునరుద్ధరణ విషయంలో కేటీఆర్ చూపుతున్న కృషి అమోఘమని కేంద్రమంత్రి వ్యాఖ్యానించాడు. ఇవి అరుదైన ప్రశంసలే!

    full article @ Sakshi
  • గుజరాత్ లోనూ ఫ్యాట్ టాక్స్..!
    Published Date : 19-Jul-2016 4:19:54 IST

    పన్నులు వేయడానికి ప్రభుత్వాలు కొత్త కొత్త మార్గాలను అన్వేషిస్తున్నాయి. ఇప్పటికే రకరకాలుగా పన్నుల బాదుడు బాదుతూ సెస్ లు యూజర్ చార్జీలు అంటూ ప్రజలను పీడించేస్తున్న ప్రభుత్వాలు ఇప్పుడు తిండిపై పడ్డాయి. ఇప్పటికే ఆహారంపై ఉన్న పన్నులకు తోడు.. ఫ్యాట్ టాక్స్ అంటూ మరోటి మొదలుపెట్టారు. పిజ్జాలు, బర్గర్లపై మాత్రమే విధించే పన్ను ఇది. ఇది వరకూ కేరళ ప్రభుత్వం దీన్ని ప్రవేశ పెట్టింది. ఇప్పుడు గుజరాత్ లో మొదలు పెట్టనున్నారు. పిజ్జాలు తినేవాళ్లు ఆ మాత్రం పన్నులు కట్టాలేరా? అన్నట్టుంది ఈ ప్రభుత్వాల వాలకం.

    full article @ Timesofindia
  • ‘దబాంగ్’ పార్ట్ త్రీకి హీరోయిన్ మార్పు!
    Published Date : 19-Jul-2016 4:15:46 IST

    సల్మాన్ ఖాన్ హీరోగా నటించగా ఇప్పటికే దబాంగ్ సీరిస్ లో రెండు సినిమాలు విడుదల అయ్యాయి. దబాంగ్ సూపర్ హిట్ నేపథ్యంలో దానికి పార్ట్ టూ కూడా వచ్చింది. రెండు సినిమాలూ కూడా సూపర్ హిట్ గా నిలిచాయి. దబాంగ్-3 పేరుతో ఈ సినిమాను రూపొందించనున్నట్టుగా తెలుస్తోంది. ఈ వెర్షన్ లో పరిణీతి చోప్రాను హీరోయిన్ గా అనుకుంటున్నట్టుగా సమాచారం. ఇది వరకూ సోనాక్షి సిన్హా దబాంగ్ ఖాన్ కు జంటగా నటించింది. కొత్తదనం కోసం ఆ స్థానంలో ఇప్పుడు పరిణీతికి అవకాశం ఇస్తున్నట్టు సమాచారం.

    full article @ Dna
  • భర్త రాజీనామా చేసినా.. ఆమె మాత్రం చేయలేదట!
    Published Date : 19-Jul-2016 4:11:00 IST

    రాజకీయాల్లో ఇలాంటి విచిత్రాలు కొత్తేమీ కాదు. మనుగడ కోసం, ఉనికి కోసం ఒకే ఇంట్లో ఉండే వాళ్లు కూడా వేర్వేరు పార్టీల కండువాలు వేసుకొంటూ ఉంటారు. తండ్రీకొడుకులు, అన్నదమ్ములు వేర్వేరు పార్టీల్లో ఉండటమే కాదు.. ఆఖరికి కొంతమంది భార్యభర్తలు కూడా వేర్వేరు పార్టీల్లో క్రియాశీలంగా ఉంటారు. ఇప్పుడు సిద్ధూ, ఆయన భార్య నవజ్యోత్ కౌర్ లు ఇలాగే వ్యవహరిస్తున్నారు. సిద్ధూ బీజేపీకి రాజీనామా చేసినా, ఆ పార్టీ ఎమ్మెల్యే అయిన ఆమె మాత్రం తను బీజేపీలోనే ఉన్నానని, తను బీజేపీనే అని ఆమె చెప్పుకొచ్చింది!

    full article @ TheHindu
  • రాహుల్.. ఆర్ఎస్ఎస్ కు క్షమాపణ చెబుతాడా?
    Published Date : 19-Jul-2016 4:07:43 IST

    మహాత్మగాంధీ హత్య వెనుక ఆర్ఎస్ఎస్ హస్తముందున్న కాంగ్రెస్ ఉపాధ్యక్షుడు రాహుల్ గాంధీ వ్యాఖ్యలపై దాఖలైన పిటిషన్ తో కాంగ్రెస్ యువరాజుకు ఎదురుదెబ్బ తగిలింది. రాహుల్ కామెంట్లను కోర్టు తప్పుపట్టింది. ఆర్ఎస్ఎస్ వాళ్లు రాహుల్ పై వేసిన పిటిషన్ తో జరిగిన విచారణతో ఆయన నోటిని అదుపులోపట్టుకోవాలని సూచించింది. గాడ్సేఆర్ఎస్ఎస్ కార్యకర్త కాబట్టి గాంధీని ఆర్ఎస్ఎస్ హత్య చేసినట్టేనని రాహుల్ చెప్పుకొచ్చాడు. రాహుల్ ఈ మాటపై పశ్చాతాపం వ్యక్తం చేయాలని లేకపోతే ఆయనను విచారింవచ్చు అని కోర్టు తెలిపింది. మరి రాహుల్ క్షమాపణ చెబుతాడా?

    full article @ Andhrajyothy
  • యూట్యూబ్ లో శ్రీముఖి షార్ట్ ఫిల్మ్ సూపర్ హిట్ !
    Published Date : 19-Jul-2016 12:51:53 IST

    ‘జులాయి’తో గుర్తింపును సంపాదించుకున్న శ్రీముఖి ఆ తర్వాత సినిమాల్లో కన్నా బుల్లితెర మీదే బాగా రాణిస్తోంది. వివిధ రియాలిటీ షోలకు హోస్టుగా వ్యవహరిస్తూ ఫుల్ బిజీగా ఉంది ఈమె. అయితే అడపాదడపా సినిమాల్లో కనిపిస్తున్న ఈ భామ తాజాగా ఒక షార్ట్ ఫిల్మ్ లో మెరిసింది. ‘థ్యాంక్యూ మిత్రమా’ పేరుతో రూపొందిన ఈ షార్ట్ ఫిల్మ్ కు యూట్యూబ్ లో ఒక రేంజ్ వ్యూస్ వస్తున్నాయి. ఐదులక్షలకు పైగా వ్యూస్ ను సంపాదించింది ఇది. ప్రస్తుతం యూట్యూబ్ ట్రెండింగ్స్ లో కూడా ఈ ఫిల్మ్ ముందుంది.

    full article @ Youtube
  • ‘ఊపిరి’ భామ యమ సెక్సీ పోజ్!
    Published Date : 19-Jul-2016 12:43:51 IST

    ఆకట్టుకోవడంలో, అందం విషయంలో ఛాంపియన్ గా నిలవడం ఆమెకు కొత్తేమీ కాదు. ఇది వరకే ప్రపంచంలోనే వందమంది సెక్సీ భామల్లో ఒకతిగా నిలిచింది గాబ్రియెల్లా డెమెట్రియాడస్. ఇటీవల నాగార్జున సినిమా ‘ఊపిరి’లో కూడా మెరిసింది. పారిస్ సీన్ కు స్పైస్ ను యాడ్ చేసింది ఈ భామ. అలా కనిపించి వెళ్లినా ఈమెను అంత సులభంగా ఎవరూ మరిచిపోలేరు. తాజాగా ఈ భామ ఇచ్చిన సెక్సీ పోజు మరింతగా ఆమెను గుర్తుపెట్టుకునేలా చేస్తోంది. బికినీ పోజుల్లో మగాళ్ల మతి పోగొట్టేలా, ఆడవాళ్లు అసూయ పడేలా కనిపిస్తోంది ఆమె.

    full article @ Greatandhra
  • ఐడియా ఇంటర్నెట్ ప్యాకేజీలు చాలా చౌక!
    Published Date : 19-Jul-2016 12:31:48 IST

    మొబైల్ ద్వారా ఇంటర్నెట్ ను వినియోగించే వారికి ఐడియా సెల్యూలర్ సరికొత్త ఆఫర్లను ప్రకటించింది. ఇంటర్నెట్ ప్యాకేజీ ధరలను తగ్గించి వేసింది ఆ సంస్థ. 1జీబీ ఇంటర్నెట్ ప్యాకేజీ ధరలను 45 శాతం తగ్గించింది ఈ సంస్థ. అలాగే 2జీ డాటా ప్యాక్ ను రూ.349కి అందిస్తోంది. ఇంతకు ముందు దీని ధర రూ.449 ఉండేది. ప్రస్తుతానికి శామ్ సంగ్ ఫోన్ల ద్వారా ఐడియాను వినియోగించే వారికి ఈ సేవలు అందుబాటులో ఉంటాయని ఐడియా ప్రకటించింది. ఇప్పటికే ఎయిర్ టెల్ తన వినియోగదారులకు చవకధరల్లో ఇంటర్నెట్ సేవలను అందిస్తోంది.

    full article @ Andhrabhoomi
  • రికార్డు స్థాయి రేట్లు పలుకుతున్న సింగం-3!
    Published Date : 19-Jul-2016 9:16:44 IST

    ‘24’ సినిమాతో ఇటీవలే సత్తా చాటిన సూర్య ఇప్పుడు తన సక్సెస్ ఫుల్ సీరిస్ సినిమాతో వస్తున్నాడు. సింగం, సింగం -2 విజయవంతం అయిన నేపథ్యంలో ఈ పరంపరలో ఎస్-3 అంటూ వస్తున్నాడు సూర్య. ఈ సినిమా హక్కుల అమ్మకంతో కొత్త రికార్డులు సృష్టిస్తోంది. ఈ సినిమా తమిళ వెర్షన్ ధరలు ఏకంగా 41 కోట్లు పలికాయని సమాచారం. 24 సినిమా తమిళానికి ధీటుగా తెలుగునాట వసూళ్లను సాధిచండంతో దీని రైట్స్ తెలుగులో కూడా భారీగానే పలికే అవకాశం ఉంది. సూర్య కెరీర్ లోనే అత్యంత భారీ బిజినెస్ చేస్తున్న సినిమాగా ఎస్-3 నిలిచే అవకాశాలున్నాయి.

    full article @ Eednadu
  • కామెరాన్ లగేజ్ ఫొటో.. చాలా పాతదా!
    Published Date : 19-Jul-2016 9:07:11 IST

    ఇటీవల ఇంటర్నెట్ లో షికారు చేసిన బ్రిటన్ మాజీ ప్రధాని డేవిడ్ కామెరాన్ ఫొటో గుట్టు వెలుగులోకి వచ్చింది. రాజీనామా అనంతరం ఆయన తన లగేజ్ ను తనే మోసుకొంటూ అధికారిక నివాసం ఖాళీ చేశాడంటూ షేర్ అయిన ఫొటో చాలా పాతది అని తేలింది. ఎప్పుడో తొమ్మిదేళ్ల కిందట, ప్రధాని కాక ముందు ఇళ్లు మారుతున్నప్పుడు ఆయన ప్యాకింగ్ అండ్ మూవింగ్ పని చేసుకున్నాడు. దాన్ని తాజా ఫొటో అంటూ కొంతమంది నెటిజన్లు ప్రచారంలోకి తీసుకొచ్చారు. అయితే ఈ మాత్రాన కామెరాన్ సింప్లిసిటీనీ శంకించడానికి లేదు.

    full article @ Ndtv
  • ఆఫ్రికన్ మూలాలున్న వారికే ఆ శక్తి ఎక్కువ!
    Published Date : 19-Jul-2016 8:57:09 IST

    ఒలింపిక్స్ పరుగు పందెల్లో విజేతల జాబితాను పరిశీలిస్తే ఎక్కువగా ఆఫ్రికన్ మూలాలున్న వారే కనిపిస్తారు. అమెరికా, జమైక, ఇతర యూరప్ దేశాల నుంచి ప్రాతినిథ్యం వహిస్తున్నా.. విజేతల మూలాలు మాత్రం ఆఫ్రికావే ఉంటాయి. 1984 నుంచి 2012 వరకూ ఒలింపిక్స్ వంద మీటర్ల రేస్ ఫైనలిస్టులు అంతా ఆఫ్రికన్ మూలాలున్న వాళ్లే! దీనికి కారణం వారిలోని జన్యువులే. ఏసీటీఎన్3, ఏసీఈ అనే జన్యువులు మిగిలిన మానవులతో పోలిస్తే ఆఫ్రికన్స్ లో ఎక్కువగా ఉంటాయి. దీని వల్లనే పరుగు పందేల్లో వారి హవా కొనసాగుతోంది.

    full article @ Sakshi
  • రికార్డింగ్ డాన్స్ అమ్మాయితో చిందేసిన ఎమ్మెల్యే!
    Published Date : 18-Jul-2016 5:54:05 IST

    ఎప్పుడో ఒక పాత వీడియో లీకవ్వడంతో ఇబ్బందుల్లో పడ్డాడు బిహార్ జేడీయూ ఎమ్మెల్యే శ్యాం బహదూర్ సింగ్. ఒక రికార్డింగ్ డ్యాన్స్ ప్రోగ్రామ్ లో ఈ ఎమ్మెల్యే అమ్మాయితో చిందులేశాడు. తన వయసు, హోదాను మరిచి పోయి అభ్యంతరకరమైన రీతిలో, అసభ్యకరమైన రీతిలో ఈయన నృత్యం చేశాడు. ఈ విధంగా ప్రతిభ నిరూపించుకున్నప్పటికీ ఇప్పుడు ఇతడిపై విమర్శల వాన మాత్రం గట్టిగానే కరుస్తోంది. ఈ ఎమ్మెల్యే మద్యం మత్తులో అలా డాన్స్ చేశాడనే మాట కూడా వినిపిస్తోంది. ఈయనపై చర్యలు తీసుకోవడానికి సీఎం నితీశ్ కుమర్ సిద్ధమయినట్టు సమాచారం.

    full article @ Sakshi
  • అనసూయ హాట్ ఫొటో షూట్
    Published Date : 18-Jul-2016 5:47:22 IST

    బుల్లి తెరపై యాంకర్ గా మరోవైపు అడపాదడపా నటిగా కూడా దూసుకెళ్తున్న అనసూయ కు ఉన్న ఫ్యాన్ ఫాలోయింగ్ గురించి కొత్త వివరించనక్కర్లేదు. కెరీర్ కాస్త లేటుగా స్టార్ట్ చేసినా.. దూసుకెళ్లడంలో మాత్రం ముందుంది ఈ భామ. ఇప్పటికే బీభత్సమైన ఫాలోయింగ్ ను కలిగిన అనసూయ అభిమానులకు అటు ఇండస్ట్రీకి మంచి గిఫ్ట్ ఇచ్చింది. ఫొటోషూట్ తో అందరినీ ఆకట్టుకొంది ఈ భామ. అటు అభిమానులేమో తమ అభిమాన తార ఫొటోలను చూసి మురిసిపోతుంటే..ఈ ఫొటోలను చూసి ఇండస్ట్రీ అనసూయను సినిమాల్లో నటింపజేయడానికి తపించిపోతుందనడంలో సందేహం లేదు.

    full article @ Greatandhra