• ఆర్బీఐకి కొత్త చీఫ్ పదవి ఆమెకే..?
    Published Date : 30-Jul-2016 9:26:01 IST

    ఆర్బీఐ చీఫ్ గా రఘురాం రాజన్ పదవీకాలం ముగియనుంది. తను రెండో టర్మ్ పదవిలో కొనసాగలేనని ఇది వరకే ఆ ఆర్థిక వేత్త ప్రకటించాడు. రాజకీయనేతల విమర్శలతో రాజన్ ఈ పదవి లో కొనసాగడంపై ఆసక్తి చూపడం లేదు. ఈ నేపథ్యంలో రాజన్ స్థానంలో కొత్త గా ఆరుంధతీ భట్టాచార్య నియమితం అయ్యే అవకాశాలున్నాయని వార్తలు వస్తున్నాయి. ప్రస్తుతం ఎస్ బీఐ చీఫ్ గా ఉన్న ఆమె ఆర్బీఐకి గవర్నర్ గా నియమితం అయ్యే అవకాశాలున్నాయనే ప్రచారం జరుగుతోంది. అయితే ఇవన్నీ మీడియా ఊహాగానాలే అని ఆమె అంటున్నారు.

    full article @ Andhrabhoomi
  • రాహుల్ కు కొత్త బిరుదు ఇచ్చారు!
    Published Date : 30-Jul-2016 9:05:39 IST

    “స్లీపింగ్ బ్యూటీ’’ రాహుల్ గాంధీకి భారతీయ జనతా పార్టీ వాళ్లు ఇచ్చిన బిరుదు. సభ కొనసాగుతున్న వేళ రాహుల్ గాఢమైన కునుకు తీస్తూ కనిపించాడు. దీనిపై తీవ్రమైన విమర్శలే వచ్చాయి. అనేక మంది అనేక రకాలుగా సెటైర్లు వేశారు. ఆ సమయంలో ఇంటర్నెట్ లో రాహుల్ ను “స్లీపింగ్ బ్యూటీ ఆఫ్ కాంగ్రెస్’’ గా సంబోధించారు కొంతమంది నెటిజన్లు. ఇప్పుడు బీజేపీ నేతలు కూడా అదే మాటే ఉపయోగించి రాహుల్ పై విమర్శలు చేస్తున్నారు. తమపై విమర్శలు చేసిన రాహుల్ పై అలా ఎదురుదాడికి దిగారు.

    full article @ youtube
  • హఠాత్తుగా అమ్మాయి వచ్చి కౌగిలించుకుంటే!
    Published Date : 30-Jul-2016 9:01:51 IST

    రోడ్డంటి నడుచుకొంటూ వెళుతున్నప్పుడు మిమ్మల్ని హాఠాత్తుగా ఎవరైనా అమ్మాయి వచ్చి కౌగిలించుకుంటే? షాకవుతారా.. థ్రిల్ల్ గా ఫీలవుతారా? ఈ విషయాన్నే సరదాగా పరీక్షించింది ఒక జంట. వాళ్లిద్దరూ ముందస్తు ప్లాన్ తో రోడ్డు మీద వెళుతున్న అనేక మంది యువకులను హడలు గొట్టారు. దారంట వెళుతున్న వాళ్లను కౌగిలించుకోవడానికి వచ్చినట్టు ఆ అమ్మాయి మీదకు వస్తుంది.. తీరా వెనుక ఉన్న ఆమె సహచరుడిని వాటేసుకుంటుంది. ఇక ఆ అమ్మాయి తమను కౌగిలించుకోవడానికి వస్తోందని ఫీలైన యువకుల పరిస్థితి చూడాలి! వారి ఫీలింగ్స్ ని వీడియోగా కూర్చి నెట్ లో పెట్టారు.

    full article @ Funkyou
  • కాజల్… వరసగా క్రేజీ ప్రాజెక్ట్స్ లో..!
    Published Date : 30-Jul-2016 8:58:55 IST

    ‘చందమామ’ బ్యూటీ కాజల్ మరో క్రేజీ ప్రాజెక్టులో స్థానం సంపాదించింది. “జనతా గ్యారేజ్’’ లో ప్రత్యేక గీతంలో నర్తించడం ఖాయమైన కొన్ని గంటల్లోనే ఈ భామ గురించి మరో ఆసక్తికరమైన కబురు వినిపిస్తోంది. “కత్తి’’ రీమేక్ లో కాజల్ హీరోయిన్ గా ఖరారు అయినట్టుగా తెలుస్తోంది. గత కొన్ని రోజులుగా ఈ విషయంలో వార్తలు రావడం, ఆ తర్వాత కాజల్ ఈ సినిమాలో నటించడం లేదని ప్రకటించడం జరిగింది. ఈ సినిమా ఆఫర్ కాజల్ వద్దకే వెళ్లి ఆగినట్టుగా తెలుస్తోంది. చిరుతో ఆమె జోడీ కట్టడం ఖరారైనట్టు సమాచారం.

    full article @ Eenadu
  • నాగార్జున కోరిక తీసిన జూనియర్ ఎన్టీఆర్
    Published Date : 30-Jul-2016 8:57:04 IST

    తన అభిమాని నాగార్జున కోరికను తీర్చాడు తారక్. చూడాలని ఉందని ఆ అభిమాని వ్యక్త పరిచిన కోరికను తారక్ తీర్చాడు. ఆ అభిమాని ఇంటికి వెళ్లి అతడితో, అతడి కుటుంబీకులతో గడిపాడు జూనియర్ ఎన్టీఆర్. బెంగళూరుకు చెందిన నాగార్జున జూనియర్ ఎన్టీఆర్ కు పెద్ద అభిమాని. అతడు క్యాన్సర్ పేషెంట్. ఈ నేపథ్యంలో తీవ్రమైన అనారోగ్యం పాలైన అతడు తన అభిమాన హీరోని ఒక్కసారి చూడాలని తపించాడు. ఈ విషయం జూనియర్ వరకూ రావడంతో.. తారక్ స్వయంగా బెంగళూరు వెళ్లి ఆ అభిమానిని పరామర్శించి, ఆ కుటుంబాన్ని ఆనందపెట్టాడు.

    full article @ Eenadu
  • “పెళ్లి చూపులు’’ రివ్యూ
    Published Date : 30-Jul-2016 8:53:57 IST

    విజయ్ దేవరకొండ, రీతూ వర్మలు హీరోహీరోయిన్లుగా తరుణ్ భాస్కర్ దర్శకత్వంలో డి.సురేష్ బాబు నిర్మాతగా వచ్చిన సినిమా “పెళ్లి చూపులు’’. చిన్న సినిమాగా పెద్దగా అంచనాలు లేకుండా విడుదలైన ఈ సినిమా పాజిటివ్ టాక్ పొందుతోంది. ప్రత్యేకించి ఈ తరం ఆలోచనలకు దగ్గరగా… ఈ తరానికి తగ్గ కథాంశంతో రూపొందిన సినిమా ఇది అని రివ్యూయర్లు పేర్కొంటున్నారు. కథా, కథనాలు, సంగీతం, నటన మిగతా సాంకేతిక విభాగాల విషయంలో కూడా ఈ సినిమాకు మంచి మార్కులు పడతాయని అంటున్నారు. మంచి సినిమా చూడాలనుకున్న వారికి ఇది విందు భోజనమంటున్నారు.

    full article @ Greatandhra
  • సీఎం తనయుడు మృతి
    Published Date : 30-Jul-2016 8:50:49 IST

    గత కొద్ది రోజులుగా బెల్జియం రాజధాని బ్రస్సెల్స్ లో చికిత్స పొందుతున్న కర్ణాటక సీఎం సిద్ధరామయ్య తనయుడు రాకేష్ కన్నుమూశారు. వైద్యులు చికిత్సను అందించినా ఫలితం లేకపోయినట్టుగా తెలుస్తోంది. మల్టిపుల్ ఆర్గాన్స్ ఫెయిల్యూర్ తో రాకేష్ మరణించినట్టుగా తెలుస్తోంది. తనయుడికి చికిత్స నేపథ్యంలో సిద్ధరామయ్య ఇప్పటికే బెల్జియం చేరుకున్నారు. రాకేష్ కు మంచి వైద్యం అందించాలని విదేశాంగ శాఖ కూడా బెల్జియం ప్రభుత్వానికి విజ్ఞప్తి చేసినా సీఎం తనయుడి ప్రాణాలు మాత్రం నిలబెట్టలేకపోయారు. సిద్ధరామయ్యకు ఇద్దరు తనయులు, వారిలో పెద్ద రాకేష్. ఈయన కొన్ని సినిమాల్లో కూడా నటించారు.

    full article @ Sakhi
  • పవన్ , రజనీ, మహేశ్ ల బాధితులు వాళ్లు!
    Published Date : 30-Jul-2016 8:48:44 IST

    స్టార్ హీరోలంటే అభిమానులు మాత్రమే ఉంటారా… వీరంటే పడని వారి సంగతి అటుంచినా, వీరి బాధితులు కూడా తయారయ్యారిప్పుడు. ఈ హీరోలపై భారీ అంచనాలతో వీరి సినిమాలను భారీ ధరకు కొనుగోలు చేసిన డిస్ట్రిబ్యూటర్లే ఈ హీరోల బాధితులిప్పుడు. సర్దార్ గబ్బర్ సింగ్ తో పవన్ కల్యాణ్, బ్రహ్మోత్సవంతో మహేశ్ బాబు, కబాలితో రజనీకాంత్.. ఈ సినిమాలు అనేక మంది పంపిణీదారులను నిండాముంచేశాయి. ఈ సినిమాలతో ఈ హీరోలు, నిర్మాతలూ కోట్లు కూడబెట్టుకున్నా.. వాటిని పంపిణీ చేసిన డిస్ట్రిబ్యూటర్లు నిండా మునిగారు. వారి పాలిట విలన్లు ఈ హీరోలు!

    full article @ Greatandhra
  • బాబు బంగారం తమిళ వెర్షన్ కు చిత్రమైన పేరు!
    Published Date : 28-Jul-2016 8:46:36 IST

    వెంకటేశ్ హీరోగా, నయనతార హీరోయిన్ గా మారుతి దర్శకత్వంలో రూపొందుతోన్న “బాబు బంగారం’’ సినిమాను తమిళంలో డబ్ చేసి విడుదల చేస్తున్నారు. ఈ సినిమాకు అక్కడ “సెల్వి’ అని పేరు పెట్టారు. ఆ వెర్షన్ లో హీరోయిన్ పేరు అది. నయనతార చేసిన ఆ పాత్ర పేరునే సినిమాకు పెట్టి.. అక్కడ జనాలను ఆకర్షించాలని ప్రయత్నిస్తున్నట్టున్నారు. నయనకు ఉన్న ఇమేజ్ ను ఇలా క్యాష్ చేసుకునే యత్నం జరుగుతోంది. ఇదివరకూ వెంకీ సినిమాలు కొన్ని తమిళంలోకి డబ్ అయ్యాయి. ‘సెల్వి’కి ఎలాంటి స్పందన వస్తుందో!

    full article @ Greatandhra
  • తల్లికి ప్రియుడితో పెళ్లి చేసిన కూతుళ్లు!
    Published Date : 28-Jul-2016 8:44:12 IST

    అదేదో సినిమాలో తండ్రికి కొడుకు దగ్గరుండి పెళ్లి చేస్తాడు. లేటు వయసులో ఒంటరిగా ఉన్న ఆయనకు తోడును ఇస్తాడు. నిజజీవితంలో అంతకన్నా ఆసక్తికరమైర రీతిల కూతుళ్లు తమ తల్లికి ప్రియుడితో వివాహం చేశారు. కేరళలో ఈ సంఘటన జరిగింది. తండ్రి మరణానంతరం తనను పెంచి పెద్ద చేసిన తల్లి తొలి ప్రేమకథను తెలుసుకుని.. ఆ కూతుళ్లు వారికి పెళ్లి చేశారు. అప్పటికే పెళ్లిన కూతుళ్లు తల్లికి పెళ్లి చేశారు. 32 సంవత్సరాల క్రితం వేరు పడిన తల్లిని, ఆమె ప్రియుడిని కూతుళ్లు దగ్గర చేసి శభాష్ అనిపించుకున్నారు.

    full article @ Sakshi
  • చిరు రీ ఎంట్రీ సినిమా పేరు.. ఆ రెండింటిలో ఒకటి!
    Published Date : 28-Jul-2016 8:41:41 IST

    మెగాస్టార్ రీ ఎంట్రీ సినిమా పేరు గురించి ఆసక్తికరమైన ప్రచారం జరుగుతోంది. అభిమానులు ఆసక్తిగా ఎదురుచూస్తున్న ఈ సినిమా పేరు గురించి రెండు వార్తలు వినిపిస్తున్నాయి. అందులో ఒకటి ఈ సినిమా పేరు “ఖైదీ 150’ అనేది రెండోది ‘నెపోలియన్’. చిరంజీవికి “ఖైదీ’ అనే పేరులో ఉన్న సెంటిమెంటు తెలిసిందే. ఆ పేరుతో రూపొందిన సినిమాతో పాటు “ఖైదీ 786’ కూడా సంచలన విజయాలను సొంతం చేసుకున్నాయి. ఈ నేపథ్యంలో “ఖైదీ 150’ పేరు వినిపిస్తోంది.‘ఠాగూర్’ పేరుతో సినిమా హిట్టైన నేపథ్యంలో ‘నెపోలియన్’ అనే పేరూ వినిపిస్తోంది.

    full article @ Eenadu
  • జీతాలు.. ఇండియాకు, విదేశాలకు ఎంత తేడా!
    Published Date : 27-Jul-2016 6:27:46 IST

    అప్పుడే ఎంబీబీఎస్ పూర్తి చేసి వైద్యుడిగా ఏదైనా కార్పొరేట్ ఆసుపత్రిలో వృత్తిని చేపడితే గరిష్టంగా మూడు లక్షల రూపాయల జీతం. ఇదే అర్హతలతో ఒక ఫ్రెషర్ అమెరికాలో పొందే జీతం ముప్పై నుంచి అరవై లక్షల రూపాయలు! ప్రతి వృత్తి విషయంలోనూ ఇండియాలో పొందే జీతానికీ, ఇదే పనిని విదేశాల్లో చేసేటందుకు నక్కకూ నాకలోనికి ఉన్నంత తేడా ఉంది. సివిల్ సర్వీసెస్, లాయర్, జర్నలిస్టు, ఇంజనీర్, అడ్వర్టైజింగ్… ఇలా వృత్తి ఏదైనా ఇండియాలో చేయడానికి, విదేశాల్లో పని చేయడంలో జీతం తేడా అంతా ఇంతా కాదు!

    full article @ Scoopwhoop
  • హీరోయిన్ కి అత్తా, ఆడపడుచుల పోరు..!
    Published Date : 27-Jul-2016 6:22:33 IST

    మలయాళీ నటి అమలపాల్, దర్శకుడు విజయ్ లు విడాకులు తీసుకోబోతున్నారని గత కొన్ని రోజులుగా వార్తలొస్తున్నాయి. ప్రేమించి పెళ్లి చేసుకున్న ఈ జంట విడాకుల వెనుక రీజన్ అంటూ ఇప్పుడు మరో ప్రచారం మొదలైంది. వివాహానంతరం అమల సినిమాల్లో నటించడం ఆమె అత్తామామలకు, ఆడపడుచులకు ఏ మాత్రం ఇష్టం లేదని అంటున్నారు. ఈ విషయంలో భర్త రాజీ పడినా.. వాళ్లు మాత్రం ఒప్పుకోవడం లేదట. తన తల్లిదండ్రుల మాటకు విలువనివ్వాలని విజయ్ కోరడంతో.. వీరి వివాహబంధం ఇబ్బందుల్లో పడిందనేది తాజా గాసిప్స్ సారాంశం.

    full article @ Indianexpress
  • విజయ్ కాంత్ దంపతులపై అరెస్టు వారెంట్ జారీ!
    Published Date : 27-Jul-2016 6:20:40 IST

    డీఎండీకే అధినేత విజయ్ కాంత్ ఆయన భార్య ప్రేమలతలపై తమిళనాడు కోర్టు అరెస్టు వారెంట్ జారీ చేసింది. పరువు నష్టం కేసులో వీరి అరెస్టుకు అదేశించింది కోర్టు. ఈ పిటిషన్ జయలలిత వైపు నుంచి పడింది. తనపై వీరు చేసిన విమర్శలపై తమిళనాడు ముఖ్యమంత్రి పరువు నష్టం దావా వేసినట్టుగా తెలుస్తోంది. దానిపై విచారణకు హాజరు కావాలని విజయ్ కాంత్ దంపతులను పలుసార్లు కోర్టు ఆదేశించినా ప్రయోజనం లేకపోయింది. ఈ నేపథ్యంలో వీరిపై అరెస్టు వారెంటును జారీ చేసింది న్యాయస్థానం. హీరోగారు ఇప్పుడెలా స్పందిస్తారో!

    full article @ Thehindu
  • ‘కబాలి’ హిందీలో రీమేక్ అవుతుందా?
    Published Date : 27-Jul-2016 6:18:15 IST

    రజనీకాంత్ హీరోగా నటించగా విపరీతమైన క్రేజ్ తో విడుదలై భారీ స్థాయి కలెక్షన్లను రాబట్టుకున్న కబాలి హిందీలో రీమేక్ కానుందనే వార్తలు వినిపిస్తున్నాయి. ఒరిజినల్ వెర్షన్ లోరజనీ చేసిన పాత్రను హిందీలో అమితాబ్ చేయబోతున్నాడనేది ఈ వార్తల సారాంశం. వయసుకు తగ్గ పాత్ర కావడంతో ఈ సినిమా రీమేక్ పట్ల ఆయన ఉత్సాహంతో ఉన్నాడట. కబాలిలో రజనీ పాతికేళ్ల పాటు జైలు శిక్ష అనుభవించిన పాత్రను చేసిన సంగతి తెలిసిందే. హిందీలోకి డబ్ అయినా ఇదక్కడ గొప్పగా ఆడలేదని, దీంతో రీమేక్ చేయనున్నారని అంటున్నారు.

    full article @ Dnaindia