• ఆస్కార్ బరి నుంచి ఇండియన్ సినిమా ఔట్!
    Published Date : 15-Dec-2017 4:32:14IST

    ఆస్కార్ ఫారెన్ కేటగిరిలో అవార్డు కోసం ఇండియన్ ఎంట్రీగా వెళ్లిన ‘న్యూటన్’ సినిమాకు నిరాశే ఎదురైంది. వడపోతలో ఈ సినిమా ఎగ్జిట్ అయ్యింది. ఆస్కార్ కోసం విదేశీ సినిమాలతో పోటీ పడిన న్యూటన్ ఫైనల్ ఎంట్రీ పొందలేకపోయింది. అవార్డుల రేసులో నిలిచే అంతిమ తొమ్మిది సినిమాల్లో ఈ సినిమాకు స్థానం దక్కలేదు. మొత్తం 98 సినిమాలతో పోటీ పడిన న్యూటన్ కు ఫైనల్స్ లో చోటు దక్కలేదు. రాజ్ కుమార్ రావ్ ప్రధాన పాత్రలో నటించిన ఈ సినిమా తిరుగుముఖం పట్టింది.

    Read More
  • కృష్ణవంశీ.. అది నిజమేనా?
    Published Date : 10-Dec-2017 11:00:46IST

    వరస ఫెయిల్యూర్లలో ఉన్న దర్శకుడు కృష్ణవంశీ కూడా ఒకరు. ఈ మధ్యనే నక్షత్రంతో కెరీర్ లో మరో సూపర్ ఫ్లాప్ ను జోడించుకున్నాడు ఈ దర్శకుడు. అయితే ఇంత జరిగినా ఇప్పుడు మళ్లీ ఈ దర్శకుడికి స్టార్ హీరోలు ఓకే చెబుతున్నారట. తమిళ నటుడు మాధవన్ తో కృష్ణవంశీ సినిమా చేయబోతున్నాడట. ఇది మల్టీస్టారర్ అని.. ఇందులో ఒక ప్రముఖ తెలుగు నటుడు కూడా నటిస్తున్నాడని వార్తలు వస్తున్నాయి. ఇది మల్టీస్టారర్ సినిమా అని చెబుతున్నారు. మరి ఇది ఎంత మేరకు నిజమో త్వరలోనే క్లారిటీ వచ్చే అవకాశం ఉంది.

    Read More
  • మురుగదాస్.. మరో స్టార్ హీరోతో!
    Published Date : 10-Dec-2017 10:59:39IST

    స్పైడర్ సినిమా డిజాస్టర్ గా మిగిలిపోయినా మురుగదాస్ కెరీర్ కు ఇబ్బంది ఏమీ కలగడం లేదు. ఒకవైపు బాలీవుడ్ లో మరోవైపు కోలీవుడ్ లో ప్రయత్నాలు చేస్తున్న ఈ దర్శకుడికి మరో స్టార్ హీరోనే దొరికాడని సమాచారం. ఈ సారి విజయ్. ఇది వరకూ విజయ్ తో మురుగకు సూపర్ హిట్స్ ను రూపొందించిన నేపథ్యం ఉంది. ఈ నేపథ్యంలో మరోసారి విజయ్ ను డైరెక్ట్ చేయడానికి మురుగ రెడీ అవుతున్నట్టు సమాచారం. అక్షయ్ కుమార్ తో ఒక సినిమాను అనుకున్నా అది వర్క్ అవుట్ కాలేదని.. అందుకే విజయ్ తో చేస్తున్నాడట ఈ దర్శకుడు.

    Read More

  • Widget not in any sidebars
  • సొంత డబ్బింగ్ చెప్పుకొంటున్న మరో హీరోయిన్
    Published Date : 10-Dec-2017 10:58:27IST

    హరిప్రియ.. పలు తెలుగు సినిమాల్లో నటించిన కన్నడ అమ్మాయి. బెంగళూరులో పుట్టి పెరిగిన ఈ అమ్మడి సొంతూరు చిక్ బళాపురం. రాయలసీమ, కర్ణాటక బోర్డర్ లో ఉండే ఆ ఊళ్లో తెలుగే ఎక్కువగా మాట్లాడతారు. మరి అక్కడ నుంచినే అలవాటు అయ్యిందో లేక ఇండస్ట్రీలోకి వచ్చాకా చేర్చుకుందో కానీ.. ఇప్పుడు ఓన్ డబ్బింగ్ కు రెడీ అంటోంది ఈ భామ. బాలయ్య హీరోగా నటిస్తున్న జై సింహాలో ఒక హీరోయిన్ గా కనిపించనున్న హరిప్రియ తన పాత్రకు తనే డబ్ చెప్పుకోనున్నదని సమాచారం.

    Read More
  • సినిమా ఫ్లాప్.. హీరో క్షమాపణలు!
    Published Date : 08-Dec-2017 6:23:42IST

    తను హీరోగా నటించిన ‘ఏఏఏ’ సినిమా ఫెయిల్యూర్ విషయంలో నిర్మాతకు క్షమాపణలు చెప్పాడు శింబు. ఆ సినిమా విషయంలో పొరపాటు తనదే అని అన్నాడు. అలాగే తనపై వస్తున్న విమర్శలకూ సమాధానం ఇచ్చాడు ఈ హీరో. తను ఇక నటించలేను అని కొంతమంది అంటున్నారని.. అయితే తనను మణిరత్నం పిలిచాడు అని శింబు చెప్పాడు. తనకు అస్సలు నటించలేని స్థితి వచ్చినా ఫర్వాలేదని వేరే పని చేసుకుంటాను అని శింబు వ్యాఖ్యానించాడు. అదీ కాకపోతే అభిమానులకు సేవ చేస్తూ బతికేస్తానని అన్నాడు.

    Read More
  • ‘పద్మావతి’కి కోర్టులో ఊరట!
    Published Date : 08-Dec-2017 6:20:28IST

    వేరే ఏ దేశంలోనూ కళాకారులను ఇలా చంపేస్తామంటూ బెదిరించరని,‘పద్మావతి’ విషయంలో జరుగుతున్న ఆందోళనల నేపథ్యంలో బాంబే హైకోర్టు స్పందించింది. బెదిరింపుల కారణంగా సినిమా విడుదల అవకపోవడం చాలా బాధాకరం. ఈ దేశంలో ఓ ఫీచర్‌ చిత్రాన్ని విడుదల కానివ్వడంలేదు. అసలు మనం ఏ స్థితికి చేరుకున్నాం? ముఖ్యమంత్రులు కూడా వారితో సమానంగా ఆందోళనలు చేస్తూ సినిమాను నిషేధించారు…అంటూ ధర్మాసనం స్పందించింది. కోర్టు వ్యాఖ్యానాలు పద్మావతి సినిమా రూపకర్తలకు ఊరటనిస్తున్నాయి.

    Read More

  • Widget not in any sidebars
  • హారర్ సినిమాకు నాలుగో సీక్వెల్!
    Published Date : 07-Dec-2017 3:41:34IST

    లారెన్స్ హిట్ వెంచర్ ‘ముని’కి నాలుగో సీక్వెల్ వస్తోంది. మునితో మొదలైన ఈ హారర్ సినిమాల పరపరం ఇప్పటి వరకూ మూడు వచ్చాయి. ముని, కాంచన, కాంచన 2 అంటూ సినిమాలు వచ్చాయి.. భయపెట్టాయి, విజయాలు సొంతం చేసుకున్నాయి. ఈ నేపథ్యంలో ముని 4 వస్తోంది. కాంచన 3 గా ఈ సినిమాను తెరకెక్కిస్తున్నాడు లారెన్స్. ఇందులో ఓవియా ముఖ్య పాత్ర పోషిస్తోంది. మరి మొదటి మూడు సినిమాలు హిట్టైన రీతిలోనూ నాలుగోది ఆడుతుందా? లారెన్స్ విజయపరంపర కొనసాగుతుందా?

    Read More
  • ఇంతకీ సమంత పాత్ర ఏది?
    Published Date : 07-Dec-2017 3:40:21IST

    సావిత్రి బయోపిక్ ‘మహానటి’లో సమంత ఒక జర్నలిస్టు పాత్ర చేస్తుందని వార్తలు వచ్చాయి. అయితే ఇప్పుడు ఇందులో ట్విస్టు ఏమిటంటే.. సమంతది జర్నలిస్టు పాత్ర కాదట. మరో ప్రముఖ నటి జమున పాత్రలో సమంత కనిపిస్తుందనే వార్తలు వస్తున్నాయిప్పుడు. ఈ సినిమాలో సావిత్రితో పాటు ఆ తరం సినీ ప్రముఖుల పాత్రలన్నీ ఉంటాయని మొదటి నుంచి వార్తలు వస్తున్న సంగతి తెలిసిందే. ఈ క్రమంలో సమంత చేస్తున్నది జమున పాత్ర అనే టాక్ వినిపిస్తోంది. అసలు సంగతేమిటో మరి.

    Read More
  • ఆ హీరోతో కలిసి రాజశేఖర్ సినిమా!
    Published Date : 03-Dec-2017 10:30:23IST

    తేజ దర్శకత్వంలో వెంకటేష్ హీరోగా నటించబోయే సినిమాలో విలన్ పాత్రలో కనిపించబోతున్నాడట రాజశేఖర్. పీఎస్వీ గరుడ వేగ సినిమా విజయంతో ఉత్సాహంగా ఉన్న రాజశేఖర్ కు ఈ అవకాశం వరించిందని సమాచారం. నేనే రాజు నేనే మంత్రి హిట్ తో జోష్ లో ఉన్న తేజ వెంకీ, రాజశేఖర్ కాంబోలో సినిమాను రూపొందించబోతున్నట్టుగా సమాచారం. ఈ సినిమాకు ‘ఆట నాదే వేట నాదే’ అనే టైటిల్ ను పరిశీలిస్తున్నారట. ఈ నెలలోనే ఈ సినిమా ఆరంభం అవుతుందని తెలుస్తోంది.

    Read More

  • Widget not in any sidebars
  • ఇక నటించను.. యువ హీరోయిన్ ప్రకటన!
    Published Date : 25-Nov-2017 6:19:52IST

    బాల నటిగా పరిచయమై.. హీరోయిన్ గా మారిన అవికాగోర్.. ఇక సినిమాల్లో నటించను అని అంటోంది. ఇక హీరోయిన్ గా నటించను అని స్పష్టం చేసిందీమె. ఎందుకలా అంటే.. దర్శకత్వం మీద కాన్సన్ ట్రేట్ చేస్తానని అంటోంది. నటించడంపై తనకు ఇక ఆసక్తి లేదని దర్శకత్వం మీదే పని చేస్తానని అంటోంది. అయితే ఇది శాశ్వతంగా బ్రేక్ కాదని కొంత కాలమే అని చెబుతోంది. ఈ అమ్మడికి అవకాశాలు కూడా ఈ మధ్య పెద్దగా ఏమీ లేవు. అందుకే ఇలా చేస్తోందేమో అనే అభిప్రాయాలు వినిపిస్తున్నాయి.

    Read More
  • టెంపర్ వివాదంపై బండ్లగణేష్ స్పందన ఇది!
    Published Date : 25-Nov-2017 6:18:17IST

    చెక్ బౌన్స్ కేసులో ఆరు నెలల జైలు శిక్షను ఎదుర్కొంటున్న నిర్మాత బండ్లగణేష్ స్పందించాడు. వక్కంతం వంశీకి తను డబ్బులు ఇవ్వడాన్ని నిలిపివేయడానికి వేరే కారణం ఉందన్నాడీయన. తను కోటి రూపాయలకు పైనే ఇచ్చి కథపై హక్కులు కొనుక్కొంటే.. వాటి రీమేక్ హక్కులను వంశీ మరొకరికి అమ్ముకున్నాడని.. అందుకే తను డబ్బులు పెండింగ్ లో ఉంచానని బండ్ల అంటున్నాడు. వంశీ తనకు మోసం చేశాడని.. అందుకే డబ్బు ఇవ్వలేదని, అది తనకు పెద్ద లెక్క కాదని, శిక్షపై పై కోర్టుకు వెళ్తాను అని ఈయన అంటున్నాడు.

    Read More
  • బూతు డైలాగ్… జ్యోతికపై కేసు నమోదు!
    Published Date : 25-Nov-2017 6:16:34IST

    బాల దర్శకత్వంలో నటిస్తున్న సినిమాకు సంబంధించిన టీజర్లో నటి జ్యోతిక చెప్పే బూతు డైలాగ్ పై కేసు నమోదు అయ్యింది. ‘లం… కొడకా..’ అనే అర్థాన్ని ఇచ్చే మాటను తమిళంలో డైలాగ్ గా చెప్పింది జ్యోతిక. బాల సినిమాలు రియలిటీకి దగ్గరగా ఉంటాయని వేరే చెప్పనక్కర్లేదు. దీంతో జ్యోతిక చేత ఆ డైలాగ్ ను చెప్పించినట్టున్నారు. అయితే..ఇప్పుడు ఎదురుతన్నింది. ఆ డైలాగ్ అభ్యంతరకరమని పోలిస్ స్టేషన్లో కేసు నమోదైంది. ఒక డ్రైవర్ ఈ ఫిర్యాదు చేశాడు.

    Read More

  • Widget not in any sidebars
  • వర్మ ఆ సినిమాను అటక ఎక్కించినట్టేనా!
    Published Date : 21-Nov-2017 9:47:55IST

    వర్మకు ఇలాంటి అన్నీ మామూలే.. బాగా హడావుడి చేయడం, తర్వాత సదరు సినిమాను పక్కన పెట్టడం. ఇప్పుడు లక్ష్మీస్ ఎన్టీఆర్ కూడా అదే బాపతే అనే టాక్ వినిపిస్తోంది. ఈ సినిమాను ప్రకటించిన సంచలనాలు రేపిన ఆర్జీవీ ఇప్పుడు నాగార్జున సినిమాతో బిజీ అయిపోయాడు. ఈ నేపథ్యంలో లక్ష్మీస్ ఎన్టీఆర్ ఆగిపోయినట్టే అనే మాట వినిపిస్తోంది. ఇప్పుడు ఈ సినిమా గురించి ఆర్జీవీ అస్సలు మాట్లాడటం లేదు. దీంతో ఈ సినిమా ఆగిపోయిందనే వార్తలు బలం చేకూరుతోంది.

    Read More
  • గరుడ వేగ డిస్ట్రిబ్యూటర్‌కు లాభాలు
    Published Date : 21-Nov-2017 9:45:48IST

    పీఎస్‌వీ గరుడ వేగ సినిమాను అమెరికాలో డిస్ట్రిబ్యూట్ చేసిన పంపిణీదారుడికి మంచి లాభాలే దక్కేయాని సమాచారం. ఈ సినిమా గత ఆదివారంతో యూఎస్ లో హాఫ్ మిలియన్ డాలర్ల మార్కును దాటేసింది. పెద్దగా అంచనాలు లేకుండా వచ్చిన ఈ సినిమా పాజిటివ్ టాక్ తో ఈ కలెక్షన్లను సాధించుకుంది. అన్ని ఖర్చులూ పోనూ ఈ సినిమా నిర్మాతకు మంచి లాభాలు దక్కాయని.. కోటి రూపాయల పైనే లాభపడ్డాడు అని సమాచారం. గత వారం విడుదల సినిమాల్లో ఖాకీ మాత్రమే యూఎస్ వసూళ్లలో ముందుంది.

    Read More
  • రాజశేఖర్ కు సీనియర్ హీరో అభినందన
    Published Date : 19-Nov-2017 7:38:06IST

    పీఎస్‌వీ గరుడ వేగతో హిట్ కొట్టిన సీనియర్ హీరో రాజశేఖర్ కు మరో సీనియర్ హీరో నుంచి అభినందనలు అందాయి. రాజశేఖర్ కమ్ బ్యాక్ సినిమాగా అభినందనలు అందుకుంటున్న ఈ సినిమాను విక్టరీ వెంకటేష్ అభినందించాడు. మంచి సినిమాలను ప్రేక్షకులు ఎప్పుడూ ఆదరిస్తారన్న విషయాన్ని రాజశేఖర్‌ మరోసారి నిరూపించారు.. అని వెంకీ వ్యాఖ్యానించారు. ఈ అభినందనల పట్ల రాజశేఖర్ రియాక్ట్ అయ్యాడు. ధన్యవాదాలు తెలిపాడు. చిత్రరంగానికి చెందిన పలువురు ఈ సినిమాను అభినందిస్తున్న విషయం విదితమే.

    Read More