• బ్యాంకులకు వెళ్లినా ఇక వడ్డన తప్పదు!
    Published Date : 02-Mar-2017 9:01:03 IST

    ఇప్పటి వరకూ ఏటీఎం వినియోగానికి మాత్రమే పరిమితులున్నాయి. ఐదు సార్లకు మించి కార్డును ఉపయోగిస్తే ప్రతిసారీ చార్జ్ తప్పడం లేదు. ఈ సంగతిలా ఉంటే.. ఇప్పుడు డైరెక్టుగా బ్యాంక్ కు వెళ్లినా.. వడ్డన మొదలు కానుంది. బ్యాంకుకు వెళ్లి ఖాతా నుంచి డబ్బుడ్రా చేయడం, డిపాజిట్లు తప్ప ఇతరట్రాన్సాక్షన్లు ఏం చేసినా.. అదనపు చార్జీలు తప్పవని తెలుస్తోంది. నాలుగు సార్లకు మించి బ్యాంకులకు వెళితే ప్రతి నగదు వ్యవహారానికీ రూ.150 వరకూ చార్జ్ పడనుందని తెలుస్తోంది. ఐసీఐసీఐ, యాక్సిస్,హెచ్డీఎఫ్ సీల్లో ఈ వడ్డన మొదలుపెట్టనున్నారు.

    Click Here To Read Full Article
  • ట్రంప్.. భారత్ కు మేలే చేస్తున్నాడు!
    Published Date : 16-Feb-2017 7:58:30 IST

    ట్రంప్ రాక నిజంగానే అనుకోని మేలు చేయొచ్చు… అతి పెద్ద మార్కెట్ అయిన మనదేశ సమస్యలపై భారత ఐటీ పరిశ్రమదృష్టి పెట్టొచ్చు… అని అన్నారు ముకేశ్ అంబానీ. ట్రంప్ రక్షణాత్మక విధానాలతో దేశీ ఐటీ రంగానికి ఊహించని మేలే జరగవచ్చని అభిప్రాయపడ్డారు. దీనివల్ల భారత ఇన్ఫర్మేషన్ టెక్నాలజీ కంపెనీలు దేశీ మార్కెట్లో అవకాశాలపై దృష్టి పెట్టేందుకు తోడ్ప డగలదని ఐటీ సంస్థల సమాఖ్య నాస్కామ్ సదస్సులో ఆయన పేర్కొన్నారు. ట్రంప్ ధోరణులు భారత ఐటీ రంగాన్నిఆందోళనకు గురిచేస్తున్న నేపథ్యంలో అంబానీ వ్యాఖ్యలు ప్రాధాన్యం సంతరించుకున్నాయి.

    Click Here To Read Full Article
  • స్వల్ప ఊరటను ఇచ్చిన ఆర్బీఐ!
    Published Date : 30-Jan-2017 6:34:00 IST

    ఏటీఎం కష్టాల నుంచి స్వల్ప ఊరట లభించింది. విత్ డ్రా నిబంధనలను సడలించింది ఆర్బీఐ. అయితే ఇది అందరికీ కాదు.. కరెంట్ ఖాతాదారులకు, క్యాష్ క్రెడిట్ ఖతాదారులకు, ఓవర్ డ్రాఫ్ట్ ఖాతాదారులకు మాత్రమే విత్ డ్రా నిబంధనలను ఎత్తివేస్తున్నట్టు రిజర్వు బ్యాంకు ప్రకటించింది. ఫిబ్రవరి 1నుంచి అమల్లోకి రానున్నట్టు ఆర్బీఐ పేర్కొంది. అయితే సేవింగ్స్ బ్యాంకు ఖాతాదారులకు ప్రస్తుతమున్న పరిమితులు యథాతథంగా కొనసాగుతాయని తెలిపింది. ఈ విధమైన అకౌంట్లే ఎక్కువగా ఉంటాయి. వీరికి మాత్రం నిబంధనలు వర్తిస్తాయి.

    Click Here To Read Full Article
  • చివరి రోజు వసూళ్లు.. 630 కోట్ల రూపాయలు!
    Published Date : 31-Dec-2016 11:05:30 IST

    ఓట్ల రద్దు నిర్ణయం నేపథ్యంలో పాత నోట్ల డిపాజిట్ల గడువు ముగింపు రోజున ఆంధ్రా, తెలంగాణల్లో ఏకంగా రూ.630 కోట్లు డిపాజిట్ అయినట్టు సమాచారం. ఇలా జమ చేసిన వారిలో కోటీశ్వరులు ఉండటం గమనార్హం. 115 మంది కోటి రూపాయల పై మొత్తాన్ని డిపాజిట్ చేసినట్టుగా తెలుస్తోంది. వీరిపై ఐటీ శాఖ దృష్టి సారిచిందట. ఈ మొత్తంతో ఏపీ, తెలంగాణల్లో మొత్తం లక్షన్నర కోట్ల రూపాయల మొత్తం జమ అయినట్టుగా బ్యాంకు వర్గాలు చెబుతున్నాయి. ఈ మొత్తంలో హైదరాబాద్ లో జమ అయిన సొమ్మే ఎక్కువ.

    Click Here To Read Full Article
  • కొత్త నోట్ల ముద్రణ చాలా చీప్!
    Published Date : 21-Dec-2016 8:43:14 IST

    మారకంలోని ఐదువందల వెయ్యి నోట్ల రద్దు నేపథ్యంలో రిజర్వ్ బ్యాంక్ ఆఫ్ ఇండియా ముద్రిస్తున్న రెండువేల రూపాయల, ఐదువందల రూపాయల నోట్ల ముద్రణ చాలా చౌకగా కనిపిస్తోంది. ఒక రెండు వేల రూపాయల నోటు ముద్రణకు మూడు రూపాయలా యాభై నాలుగు పైసలను ఖర్చు చేస్తోందట ఆర్బీఐ. అదే ఐదువందల రూపాయల నోటు ముద్రణకు మూడు రూపాయలా తొమ్మిది పైసలను ఖర్చు చేస్తున్నారట. మరి వాటి విలువతో పోలిస్తే.. ముద్రణ ఖర్చు చాలా చాలా తక్కువ అని చెప్పాలి.

    Click Here To Read Full Article
  • పెట్రో ధరలు భారీగా పెంపు..?
    Published Date : 09-Dec-2016 11:59:32 IST

    అంతర్జాతీయ విపణిలో క్రూడ్ ధరలో భారీ పెరుగుదల నమోదైంది. బ్యారెల్ ముడి చమురు ధర 51 డాలర్ల మొత్తం పెరిగింది. ఈ విధమైన పెంపు నమోదు చేసుకోవడం ఇది వరసగా రెండో రోజు. ఒపెక్, నాన్ ఒపెక్ దేశాలు వియన్నాలో సమావేశం అయి.. ముడి చమురు ధరల పెంపు గురించి తీసుకోవాల్సిన చర్యలపై చర్చల నేపథ్యంలో ఈ పెంపుదల నమోదైంది. అంతర్జాతీయ మార్కెట్ లో ఈ పెంపుదల ఫలితంగా భారత్ లో పెట్రో ధరలు భారీగా పెరగనున్నాయని విశ్లేషకులు అంటున్నారు.

    Click Here To Read Full Article
  • రాజకీయాలు హాట్.. టీవీ చానళ్ల పంటపండింది!
    Published Date : 05-Dec-2016 2:06:22 IST

    తమిళ రాజకీయాలు చాలా ఆసక్తికరంగా మారాయి. అధికార, ప్రతిపక్ష పార్టీల అధినేతల అనారోగ్యం నేపథ్యంలో అటు తమిళుల దృష్టి, ఇటు ఇతర రాజకీయ పరిశీలకుల దృష్టి తమిళనాడు మీదే నెలకొని ఉంది. ఈ నేపథ్యంలో తమిళ టీవీ చానళ్ల పంటపండుతోందని సమాచారం. తమిళ చానళ్లకు వీక్షకాదరణ అమితస్థాయిలో పెరగడంతో.. వాటి షేర్ల ధరలు కూడా పరుగులు పెడుతున్నాయని మార్కెట్ విశ్లేషకులు అంటున్నారు. అన్ని తమిళ చానళ్ల షేర్ ధరలోనూ ఆరు నుంచి ఎనిమిది శాతం పెంపు చోటు చేసుకుందని సమాచారం.

    Click Here To Read Full Article
  • జనాలకు కేంద్రం ఇంకో షాక్!
    Published Date : 18-Nov-2016 9:20:10 IST

    నోట్ల మార్పిడి విషయంలో రూ.4,500 వరకూ ఉన్న పరిమితిని కేంద్రం మరింతగా తగ్గించింది. వెయ్యి రూపాయల, ఐదు వందల రూపాయల నోట్లను ఇచ్చి వంద, కొత్త నోట్లను తీసుకునేందుకు ఉన్న మార్గాన్ని మరింతగా మూసేసింది. మొదట్లో ఈ పరిమితి నాలుగు వేల రూపాయల వరకూ ఉండేది. ఆ అసౌకర్యంపై విమర్శలు రావడంతో పరిమితిని ఐదువందల రూపాయలు పెంచారు. అయితే ఇప్పుడు ఆ పరిమితిని రెండు వేల రూపాయలకు తగ్గించడం ద్వారా కేంద్రం నగదు కష్టాలను మరింత పెంచింది.

    Click Here To Read Full Article
  • నోట్ల మార్పిడి.. మూడు రోజులే గడువు!
    Published Date : 18-Nov-2016 8:21:22 IST

    నోట్ల మార్పిడి వ్యవహారానికి పుల్ స్టాప్ పెట్టాలని, ఈ విషయంలో నిర్ణయాన్ని వెనక్కు తీసుకోవాలని ప్రధానమంత్రి నరేంద్రమోడీని, కేంద్ర ప్రభుత్వాన్ని డిమాండ్ చేశారు బెంగాల్ సీఎం మమతా బెనర్జీ. ఈ తతంగంతో సామాన్య ప్రజలు తీవ్ర ఇబ్బందులు ఎదుర్కొంటున్నారని ఆమె ధ్వజమెత్తారు. నల్లధనాన్ని అరికట్టడానికి అని అంటున్నా.. ఇదొక అర్థం లేని చర్య అని ఆమె అన్నారు. మూడు రోజుల్లోగా ప్రభుత్వం తమ నిర్ణయాన్ని వెనక్కు తీసుకోకుంటే.. తమ పోరాటం ఉధృతం అవుతుందని ఆమె హెచ్చరించారు.

    Click Here To Read Full Article
  • కరెన్సీ కోసం క్యూలు.. ముష్టి యుద్ధాలు!
    Published Date : 12-Nov-2016 5:06:49 IST

    ఐదు వందల, వెయ్యి రూపాయల నోట్లను ప్రభుత్వం వెనక్కు తీసుకుంటున్న నేపథ్యంలో.. బ్యాంకుల వద్ద ఏర్పడిన క్యూల్లో ముష్టియుద్ధాలు జరుగుతున్నాయి. హైదరాబాద్ లో క్యూ ల్లో తగవులాడుకుంటున్న జనాలు ముష్టియుద్ధానికి దిగడంతో ట్రాఫిక్ పోలీసులు వచ్చి విడిపించి సర్ధి చెప్పారు. బ్యాంకుల ముందు క్యూల్లో ఇలాంటి అవాంఛిత పరిణామాలు చోటు చేసుకుంటున్నాయి. మరోవైపు బ్యాంకుల్లో కనీసం నాలుగు వేల రూపాయలు ఇస్తారని కేంద్రం ప్రకటించినా.. అదీ సాధ్యం కావడం లేదు. రెండు వేల రూపాయలకు మించి ఇవ్వలేమని కొన్ని బ్యాంకుల్లో స్పష్టం చేస్తున్నారు.

    Click Here To Read Full Article
  • మధ్యాహ్నానికే ఎస్బీఐ ఖాతాకు 53,000 కోట్లు!
    Published Date : 11-Nov-2016 8:56:09 IST

    కరెన్సీ మార్పిడి నేపథ్యంలో బ్యాంకులు శుక్రవారం పూర్తి స్థాయిలో పని చేశాయి. దీంతో ప్రజలు బ్యాంకుల ముందు క్యూ కట్టారు. తమ దగ్గర ఉన్న ఐదువందల, వెయ్యి రూపాయల నోట్లను ఖాతాల్లో డిపాజిట్ చేయడానికి పోటీలు పడ్డారు. పరిమితుల మేరకు కొత్త నోట్లను మార్చుకున్నారు. ఈ నేపథ్యంలో శుక్రవారం మధ్యాహ్నానికే ఎస్బీఐ ఖాతాలోకి ఏకంగా 53 వేల కోట్ల రూపాయలు వచ్చాయని ఆ బ్యాంకు ప్రకటించింది. పదిహేను వందల కోట్ల రూపాయల నోట్లను ఎక్స్చైంజ్ చేశామని తెలిపింది.

    Click Here To Read Full Article
  • నోట్ల కష్టాలు.. రెట్టింపు!
    Published Date : 11-Nov-2016 9:24:36 IST

    రెండు రోజుల పాటు అన్ని నగదు లావాదేవీలను నిలిపి వేసినా.. నేటి నుంచి ఏటీఎంలు పని చేస్తాయని ప్రకటించినా.. అది మాత్రం జరగలేదు. శుక్రవారం ఉదయం కూడా ఏటీఎంలు పని చేయలేదు. ఈ విషయంలో బ్యాంకులు ఫెయిలయ్యాయి. ఎక్కడా ఖాతాదారులకు నగదు లభ్యం కావడం లేదు. నిన్నంతా బ్యాంకుల ముందు కిలోమీటర్ల పొడవును క్యూలు ఏర్పడ్డాయి. దీంతో ప్రజలు తీవ్రమైన ఇక్కట్ల పాలయ్యారు. నేటి నుంచి అయినా కొంత ఊరట ఉంటుందనుకుంటే.. ఏటీఎంలు పనిచేయకపోవడంతో ఇబ్బందులు మరింత తీవ్రం అయ్యాయి.

    Click Here To Read Full Article
  • బ్యాంకులకు కొత్త నోట్లు వచ్చేశాయ్!
    Published Date : 09-Nov-2016 4:35:21 IST

    చలామణీలో ఉన్న ఐదువందల, వెయ్యి రూపాయల నోట్లను వెనక్కు తీసుకుంటున్న కేంద్ర ప్రభుత్వం ఇప్పటికే కొత్త నోట్లను బ్యాంకులకు చేరవేసినట్టుగా తెలుస్తోంది. నూతనంగా రాబోయే ఐదు వందల, వెయ్యి రూపాయల నోట్లు ఎలా ఉంటాయనే అంశంపై ఇప్పటికే కేంద్రం క్లారిటీ ఇచ్చింది. ఈ నేపథ్యంలో ఆర్థికమంత్రి అరుణ్ జైట్లీ కొత్త నోట్ల గురించి స్పందించారు. రెండు రోజుల కిందటే కొత్త నోట్లను బ్యాంకులకు చేరవేశామని ఆయన తెలిపారు. ఎవరికి కావాల్సినంత డబ్బును వారు మార్చుకోవచ్చని.. అయితే గుర్తింపు కార్డులు ఉండాలన్నారు.

    Click Here To Read Full Article
  • నోట్ల రద్దు.. లక్షల కోట్ల సంపద ఆవిరి!
    Published Date : 09-Nov-2016 9:53:51 IST

    ఒకవైపు అమెరికాఅధ్యక్ష ఎన్నికల ఫలితాల్లో ట్రంప్ ముందజలో ఉండటం.. ఇదేసమయంలో ఐదువందల, వెయ్యి రూపాయల నోట్ల మారకం రద్దు కావడం.. ఈరెండు పరిణామాల మధ్య భారత స్టాక్ మార్కెట్ సూచిలు పతనం వైపు చూస్తున్నాయి. ఈరోజు ఉదయం మార్కెట్ ప్రారంభం అవుతూనే 1,700 పాయింట్ల పతనం నమోదైంది. ఇది తీవ్రమైన పతనం. దీంతో కొన్ని ఇన్వెస్టర్ల కు సంబంధించి కొన్ని లక్షల కోట్ల రూపాయల సంపద అవిరి అయ్యింది. ట్రంప్ ఆధిక్యమే శరాఘాతం అనుకుంటే.. నోట్ల రద్దు అంశం అంతకన్నా దెబ్బతీస్తోందని విశ్లేషకులు చెబుతున్నారు.

    Click Here To Read Full Article
  • నోట్ల రద్దు.. టోల్ గేట్ల వద్ద వాహనాలు నిలిచిపోయాయ్!
    Published Date : 09-Nov-2016 9:46:37 IST

    ఐదువందల, వెయ్యి రూపాయల నోట్ల మారకం రద్దు తీవ్రమైన ప్రభావాన్నే చూపుతోంది. మారకం విషయంలో ప్రధాన ఊతం అయిన ఆ నోట్ల రద్దుతో వ్యాపారలావాదేవీలు స్తంభించిపోయాయి. ఈ నేపథ్యంలో ప్రయాణంలో ఉన్న వాహనాలు కూడా ఎక్కడిక్కడే నిలిచిపోతున్నాయి. ప్రత్యేకించి టోల్ గేట్ల వద్ద ఐదొందల నోట్లు తీసుకోకపోవడంతో.. వాహనాలు ముందుకు కదలలేని పరిస్థితి ఏర్పడింది. అలాగే ప్రయాణాల్లో ఉన్న వాళ్లు తీవ్రమైన ఇక్కట్లను ఎదుర్కొంటున్నారు. టికెట్లు కొనడానికి ఐదొందల నోట్లు తీసుకోరు, ఐదొందలకు బయట చిల్లర దొరకదు. ఇదీ పరిస్థితి.

    Click Here To Read Full Article