• హిల్లరీనే మళ్లీ పోటీ చేయాలి.. గెలుపు ఈజీ!
    Published Date : 17-Oct-2017 10:27:13 IST

    అమెరికా అధ్యక్ష ఎన్నికల్లో మరోసారి హిల్లరీ క్లింటన్ తోనే పోటీ పడాలని ఉందని వ్యాఖ్యానించాడు ఆ దేశ అధ్యక్షుడు డొనాల్డ్ ట్రంప్. ఆమెతో మరోసారి తలపడాలని ఉందని, అలా అయితే తన గెలుపు సులభం అవుతుందని ట్రంప్ వ్యంగ్యంగా వ్యాఖ్యానించాడు. గత ఎన్నికల్లో హిల్లరీపై ట్రంప్ ఘన విజయం సాధించిన సంగతి తెలిసిందే. ట్రంప్ గెలవలేడు అని అనేక మంది అనుకున్నా అనూహ్య విజయం సాధించాడాయన. ఇప్పుడు కూడా ట్రంప్, హిల్లరీల మధ్య మాటల యుద్ధం సాగుతోంది. ట్రంప్ నురేపిస్టుగా అభిప్రాయపడింది హిల్లరీ, ఆమె బలహీనమైన అభ్యర్థి అని ట్రంప్ ఎద్దేవా చేశాడు.

  • బీజేపీ.. దేశంలోనే ధనిక పార్టీ!
    Published Date : 17-Oct-2017 10:25:40 IST

    అసోసియేషన్‌ ఫర్‌ డెమొక్రటిక్‌ రిఫార్మ్స్‌, ఎలక్షన్‌ వాచ్‌ ‌లు దేశీయ రాజకీయ పార్టీల ఆస్తుల వివరాలను వెల్లడించాయి. ఈ లెక్కల ప్రకారం భారతీయ జనతా పార్టీ దేశంలోనే అత్యంత ధనిక పార్టీగా నిలిచింది. 868 కోట్ల రూపాయలతో బీజేపీ వెల్తీ పార్టీగా నిలుస్తోంది. ఆ తర్వాత కాంగ్రెస్ పార్టీ 758 కోట్ల రూపాయల ఆస్తులను కలిగి ఉంది. బీఎస్పీ 557 కోట్ల రూపాయలతో ఉంది. సీబీఎం 432 కోట్ల రూపాయల ఆస్తులతో తదుపరి స్థానంలో ఉంది. టీఎంసీ ఆస్తుల విలువ దాదాపు 45 కోట్ల రూపాయలు.

  • బాలయ్య సినిమాలో తను లేనన్న హీరోయిన్!
    Published Date : 17-Oct-2017 10:24:09 IST

    కేఎస్ రవికుమార్ దర్శకత్వంలో బాలకృష్ణ హీరోగా నటిస్తున్న సినిమాలో తను నటించడం లేదని ట్వీట్ చేసింది రెజీనా. ఈ సినిమాలో ఇప్పటికే ఇద్దరు హీరోయిన్లు ఉన్నారు. వారితో పాటు రెజీనా కూడా నటిస్తున్నట్టుగా ఇంత వరకూ వార్తలు వచ్చాయి. రెజీనా ఈ సినిమా రెగ్యులర్ షూటింగ్ లో పాల్గొంటోందని కూడా వార్తలు వినిపించాయి. అయితే ఆమె వాటిని ఖండించింది. తను ఆ సినిమాలో నటించడం లేదు.. అని స్పష్టం చేసింది. మరి ఇది తప్పుకోవడమా, తప్పించడమా, మొదట వచ్చినవన్నీ రూమర్లేనా.. అనేది సందేహంగా మిగిలింది. ఆ సినిమా యూనిట్ కు బెస్ట్ విషెస్ చెప్పింది రెజీనా.


  • Widget not in any sidebars
  • 34 మంది హీరోయిన్లపై రేప్‌లు, లైంగిక వేధింపులు!
    Published Date : 15-Oct-2017 10:35:02 IST

    హాలీవుడ్ నిర్మాత హార్వే వెయిన్‌స్టెన్ పై లైంగిక వేధింపుల ఆరోపణలు చేస్తున్న హీరోయిన్ల జాబితా క్రమక్రమంగా పెరుగుతోంది. ఇప్పటి వరకూ ఆయనపై ముప్పై నాలుగు మంది హీరోయిన్లు ఆ తరహా ఆరోపణలు చేయడం గమనార్హం. వీరిలో ఏంజెలీనా జోలీ వంటి స్టార్ హీరోయిన్ కూడా ఉంది. ఇంకా ఎమిలీ నెస్టర్, ఏసియో అర్జెంటో, లూరెన్ ఒకానర్ వంటి వాళ్లుకూడా వివిధ సందర్భాల్లో హార్వే తమపై లైంగిక దాడికి పాల్పడ్డారని ఆరోపించారు. అయితే ఈ ఆరోపణలను హార్వే తరఫు వారు ఖండిస్తున్నారు. ఇవన్నీ కుట్రపూరితం అని.. చట్టపరంగా చర్యలు తీసుకుంటామని అంటున్నారు.

  • ఇక నటుడిగానే కొనసాగుతా: దర్శకుడు
    Published Date : 15-Oct-2017 10:33:21 IST

    దర్శకుడిగా కంటే నటుడిగానే కొనసాగడానికి ఇష్టపడతాను అంటున్నాడు ఎస్‌జే సూర్య. దర్శకుడిగా అంత ఫామ్ లో లేకపోవడం, నటుడిగా మంచి ఫామ్ లో ఉండటంతో ఇతడు ఈ ప్రకటన చేసినట్టుగా కనిపిస్తున్నాడు. సూర్య కెరీర్ ఆరంభంలో మంచి మంచి సినిమాలు తీశాడు. వాలి వంటి సూపర్ హిట్ సినిమాను, ఖుషీ వంటి హిట్ సినిమాను రూపొందించాడు. అయితే ఆ తర్వాత కొన్ని ఫ్లాఫులు ఎదురయ్యాయి.. నటుడిగా మారి విజయాలను అందుకున్నాడు. ఈ క్రమంలో ఇక నటుడిగానే అని, దర్శకత్వం మీద ఆసక్తి తగ్గిపోయిందని.. సూర్య చెబుతున్నాడు.

  • చంద్రబాబుకు జగన్ లేఖ!
    Published Date : 15-Oct-2017 10:30:17 IST

    రాష్ట్రంలో భారీ వర్షాలతో నెలకొన్న పరిస్థితుల నేపథ్యంలో ప్రతిపక్ష నేత వైఎస్ జగన్ మోహన్ రెడ్డి ముఖ్యమంత్రి చంద్రబాబు నాయుడికి లేఖ రాశారు. చంద్రబాబు మారాలని.. ప్రజలు, విద్యార్థులు, రైతుల గురించి ఆలోచించాలని జగన్ విజ్ఞప్తి చేశారు. ప్రజలు ఇబ్బందులు ఎదుర్కొంటున్నా, ముఖ్యంగా భారీ వర్షాలతో పంటలు మునిగిపోతున్నా.. కుంభకర్ణుడి పెద్దన్న మాదిరిగా ముఖ్యమంత్రి, ఆయన మంత్రి మండలి నిద్ర పోతోందని విమర్శించారు. కష్టాల్లో ఉన్న రైతాంగాన్ని ఆదుకోవడానికి అధికార యంత్రాంగాన్ని పరుగులెత్తించాలని విజ్ఞప్తి చేశారు. మరోవైపు బాబు విదేశీ పర్యటనకు వెళ్తున్న సంగతి తెలిసిందే.


  • Widget not in any sidebars
  • బాణసంచా నిషేధం.. సుప్రీం కీలక తీర్పు!
    Published Date : 13-Oct-2017 3:32:06 IST

    కాలుష్య తీవ్రను నియంత్రించేందుకు దేశ రాజధాని ఢిల్లీ పరిధిలో బాణసంచా కాల్చడంపై విధించిన నిషేధాన్ని సుప్రీం కోర్టు సమర్థించింది. ఇందులో మతం కోణాన్ని లాగవద్దని స్పష్టం చేసింది. కొంతమంది ఈ విషయంలో హిందూమత ప్రస్తావన తీసుకురావడం విచారకరం అని కోర్టు పేర్కొంది. బాణసంచాపై విధించిన నిషేధం కొనసాగుతుందని కోర్టు స్పష్టం చేసింది. నవంబర్ ఒకటో తేదీ వరకూ నిషేధం కొనసాగుతుందని కోర్టు తెలిపింది. దీంతో ఢిల్లీ పరిధిలో బాణసంచా అమ్మకం ఆగిపోయింది.

  • నిర్మాత తప్పుకోవడంతో హీరోనే నిర్మాతగా!
    Published Date : 13-Oct-2017 3:30:49 IST

    తను హీరోగా రూపొందుతున్న ఒక సినిమా నిర్మాణ బాధ్యతలను తనే స్వీకరించాడట సుధీర్ బాబు. మహేశ్ బావగా ఇండస్ట్రీకి పరిచయం అయ్యి.. హీరోగా నిలదొక్కుకునే పనిలో ఉన్న సుధీర్ హీరోగా రాజశేఖర్ నాయుడు అనే దర్శకుడి సారధ్యంలో ఒక సినిమా రూపొందుతోంది. ఈ సినిమాను నిర్మిస్తున్న ప్రొడ్యూసర్ హఠాత్తుగా ఆ బాధ్యతల నుంచి తప్పుకున్నాడట. ఈ నేపథ్యంలో సబ్జెక్టుపై నమ్మకంతో సుధీర్ బాబే ఈ సినిమాను నిర్మించనున్నట్టుగా తెలుస్తోంది. ఈ హీరో నిర్మాణంలో వస్తున్న తొలి సినిమా ఇదే కానుంది.

  • ఎన్టీఆర్ బయోపిక్ హిందీలో కూడా..!
    Published Date : 13-Oct-2017 3:29:09 IST

    బాలయ్య హీరోగా నటించే ఎన్టీఆర్ బయోపిక్ హిందీలో కూడా రూపొందనుందని తెలుస్తోంది. ఈ మేరకు ట్రేడ్ ఎనలిస్టు తరణ్ ఆదర్శ్ ఒక ట్వీట్ పెట్టాడు. ఆ సినిమాలో బాలయ్య ఎన్టీఆర్ పాత్రలో కనిపించనున్నాడని తరణ్ ఆదర్శ్ పేర్కొన్నాడు. తేజా దర్శకత్వంలో ఈ సినిమా రూపొందనున్నట్టుగా వార్తలు వస్తున్నాయి. తండ్రి జీవిత కథ ఆధారంగా సినిమాను తీస్తానని అంటున్న బాలయ్య ఈ సినిమాకు సంబంధించి పూర్తి వివరాలతో అధికారిక ప్రకటన చేయాల్సి ఉందికా. అయితే ఈ సినిమా హిందీలోనూ విడుదల అవుతుందని ఇప్పుడు వార్తలొస్తున్నాయి.


  • Widget not in any sidebars
  • ‘హలో..’లో ఆ సీనియర్ హీరో కూడా..!
    Published Date : 12-Oct-2017 9:15:10 IST

    అక్కినేని అఖిల్ హీరోగా విక్రమ్ కుమార్ దర్శకత్వంలో రూపొందుతున్న ‘హలో’ సినిమాకు సంబంధించి ఆసక్తికరమైన వార్తలు వస్తున్నాయి. ఇందులో విక్టరీ వెంకటేష్ గెస్ట్ అప్పీరియన్స్ ఇవ్వనున్నాడనే మాట వినిపిస్తోంది. ఇది వరకూ నాగచైతన్య సినిమా ‘ప్రేమమ్’లో వెంకీ కనిపించాడు. ఆ సినిమా హిట్టైంది. ఇప్పుడు ఆ సెంటిమెంట్ ను రిపీట్ చేస్తూ వెంకీని ఒక ఆసక్తికరమైన పాత్రలో చూపనున్నాడట విక్రమ్ కుమార్. అయితే ఇందుకు సంబంధించి అధికారిక ప్రకటన ఏమీ లేదింకా.

  • పార్టీకి రాజీనామా చేస్తున్నందుకు బాధే..!
    Published Date : 12-Oct-2017 9:13:29 IST

    ఇటీవలే తను టీఎంసీకి రాజీనామా చేస్తున్నట్టుగా ప్రకటించిన ముకుల్ రాయ్… ఆ అంశం మీద మరోసారి స్పందించాడు. తను రాజ్యసభ సభ్యత్వానికి, టీఎంసీ ప్రాథమిక సభ్యత్వానికి రాజీనామా చేసినట్టుగా ప్రకటించాడీయన. ఎంపీ పదవికి రాజీనామా పత్రాన్ని వైస్ ప్రెసిడెంట్‌కు పంపించానని పేర్కొన్నాడు. టీఎంసీని వీడటం బాధాకరమే అని ఈయన చెప్పుకొచ్చాడు. తను బీజేపీ నేతలతో సౌకర్యవంతంగా ఉంటానని అన్నాడు. ఈయన బీజేపీలో చేరవచ్చనే ఊహాగానాలున్నాయి. బహుశా అదే జరిగేలా ఉంది.

  • సెహ్వాగ్‌ను భయపెట్టిన బౌలర్ అతడే!
    Published Date : 12-Oct-2017 9:12:14 IST

    వీరేంద్ర సెహ్వాగ్ కు డ్యాషింగ్ బ్యాట్స్‌మన్ గా పేరు. బౌలర్ ఎవరనేది, మ్యాచ్ ఎక్కడ, పరిస్థితులు ఏవి.. అనేవి సెహ్వాగ్ కు పట్టింపు ఉండే విషయాలు కావు. 99 పరుగుల వద్ద కూడా సిక్స్ కొట్టడానికి యత్నించగల డేర్ అతడు. సిక్స్ తో ట్రిపుల్ హండ్రెడ్ చేసిన ఘనుడు. అంత డేర్ అయిన వీరుకు కూడా ఒక బౌలర్ అంటే భయమట. అతడు బౌలింగ్ కు దిగితే ఔట్ అవుతానేమో అని భయపడే వాడట. అలా వీరును భయపెట్టిన బౌలర్ మరెవరో కాదు శ్రీలంక స్పిన్ దిగ్గజం ముత్తయ్యమురళీధరన్. మురళీకి తను భయపడ్డ వైనం గురించి దాచుకోకుండా వివరించాడు వీరూ.


  • Widget not in any sidebars
  • ముస్లిం అని పెళ్లి చేసుకోవద్దన్నారు: హీరోయిన్
    Published Date : 09-Oct-2017 7:22:49 IST

    వైవాహిక జీవితం తనకు ఇంకా అలవాటు కాలేదని అంటోంది ప్రియమణి. ఎందుకంటే.. పెళ్లి అయిన మూడో రోజు తను షూటింగ్ కోసం వెళ్లిపోయాను అని, దీంతో భర్తతో కలిసి ఉండటం ఇంకా సరిగా అనుభవంలోకి రాలేదని ఈమె చెబుతోంది. అయితే తన భర్త చాలా మంచివాడని, తనను వంటింటికే పరిమితం కావాలని కోరుకునే వాడు కాదని ప్రియమని చెప్పింది. తను ముస్లింని పెళ్లి చేసుకున్నాను అని .. అయితే కొంతమంది వద్దు అని మొదట్లో తనను వారించారని, కానీ తనకు ఇష్టమైంది కాబట్టి చేసుకున్నాను అని ప్రియమణి చెప్పింది.

  • హాట్ నటీమణి.. ప్రేమలో పడిందా!
    Published Date : 09-Oct-2017 7:20:40 IST

    ఒకవైపు ‘జూలీ-2’తో సంచలనం రేపుతున్న రాయ్ లక్ష్మీ ఇదే సమయంలో ప్రేమలో కూడా పడినట్టుగా వార్తలు వస్తున్నాయి. ప్రస్తుతం బాలీవుడ్ లో సెటిలయ్యే ప్రయత్నంలో ఉన్న ఆమె.. అక్కడే బాయ్ ఫ్రెండ్ ను సంపాదించిందట. నటుడు, మోడల్ అయిన హనీఫ్ హీలాల్ అనే వ్యక్తితో లక్ష్మీ ప్రేమలో పడినట్టుగా తెలుస్తోంది. వీళ్లిద్దరూ కలిసి తిరుగుతున్నారని, డేటింగ్ లో ఉన్నారని వార్తలు వస్తున్నాయి. అయితే ఈ వ్యవహారం పై ఇంకా లక్ష్మీ స్పందించలేదు. ఇది వరకూ కూడా ధోనీతో ముడిపెడుతూ లక్ష్మీ పేరు ప్రచారంలోకి వచ్చింది.

  • అక్రమసంబంధం గోల.. హీరోకే అందరి మద్దతు!
    Published Date : 09-Oct-2017 7:18:51 IST

    బాలీవుడ్ లో కొన్ని నెలలుగా హాట్ టాపిక్ గా నిలుస్తున్న హృతిక్ రోషన్, కంగనా రనౌత్ ల వ్యవహారంలో చాలా మంది హృతిక్ కే మద్దతు పలుకుతున్నారు. హృతిక్ పేరు ప్రస్తావించుకుండానే.. అతడు అలాంటి పని చేసి ఉండడు అని ఫర్హన్ పోస్టు పెట్టగా, దాన్ని ట్వింకిల్ ఖన్నా, యామీ గౌతమ్, కరణ్ జోహర్, సోనమ్ కపూర్, సోనాలీ బింద్రేలు సమర్థించారు. దీంతో వీళ్లంతా హృతిక్ మద్దతుదారులే అనుకోవాల్సి వస్తోంది. అయితే వీళ్లందరినీ కంగనా చెల్లెలు తప్పు పట్టింది. అంతా ఒకటైనా తన అక్క పోరాడగలదు అని విశ్వాసం వ్యక్తం చేసింది.