• అబ్బే సోనియా పూర్తిగా తప్పుకోలేదు.. కొంచెమే!
    Published Date : 15-Dec-2017 4:34:59 IST

    కాంగ్రెస్‌ అధినేత్రి సోనియాగాంధీ క్రియాశీల రాజకీయాల నుంచి పూర్తిగా తప్పుకున్నారన్న ప్రచారాన్ని ఆ పార్టీ ఖండించింది. సోనియా అధ్యక్ష బాధ్యతల నుంచి మాత్రమే తప్పుకుంటున్నారని రాజకీయాల నుంచి కాదని ఆ పార్టీ నేతలు స్పష్టం చేస్తున్నారు. రాహుల్‌‌కు అధ్యక్ష బాధ్యతలను అప్పగించినా పార్టీలో ఆమె పాత్ర కొనసాగుతుందని చెబుతున్నారు. ఆమె ఏఐసీసీ బాధ్యతల నుంచి మాత్రమే రిటైర్ అయ్యారు. రాజకీయాల నుంచి కాదని,, ఆమె ఆశీస్సులు, సూచనలు పార్టీ ఉంటాయని తెలిపారు.

  • క్రికెటర్ల జీతాల రెట్టింపు.. ఎన్ని కోట్లు అంటే..
    Published Date : 15-Dec-2017 4:33:47 IST

    భారత క్రికెటర్ల జీతాలను రెట్టింపు కావడం ఖాయంగా కనిపిస్తోంది. కొహ్లీ, ధోనీ, రవిశాస్త్రిలు ఈ మేరకు బీసీసీఐకి నివేదిక ఇచ్చిన నేపథ్యంలో ఆటగాళ్ల జీతాలు పెరగనున్నాయని తెలుస్తోంది. ఈ పెంపు భారీగా ఉండబోతోందని సమాచారం. ఇప్పటి వరకూ బీసీసీఐ ఆటగాళ్లకు ఇస్తున్న మ్యాచ్ ఫీజు అంతా రెట్టింపు కానుంది. దీంతో ప్రస్తుతం పొందుతున్న మ్యాచ్ ఫీజులకు రెట్టింపు సొమ్మును తీసుకుంటారు క్రికెటర్లు. ప్రధానంగా కొహ్లీ జీతం రెట్టింపు అవుతుంది, ఏడాదికి అతడు పది కోట్ల రూపాయల వరకూ పొందుతాడు.

  • ఆస్కార్ బరి నుంచి ఇండియన్ సినిమా ఔట్!
    Published Date : 15-Dec-2017 4:32:14 IST

    ఆస్కార్ ఫారెన్ కేటగిరిలో అవార్డు కోసం ఇండియన్ ఎంట్రీగా వెళ్లిన ‘న్యూటన్’ సినిమాకు నిరాశే ఎదురైంది. వడపోతలో ఈ సినిమా ఎగ్జిట్ అయ్యింది. ఆస్కార్ కోసం విదేశీ సినిమాలతో పోటీ పడిన న్యూటన్ ఫైనల్ ఎంట్రీ పొందలేకపోయింది. అవార్డుల రేసులో నిలిచే అంతిమ తొమ్మిది సినిమాల్లో ఈ సినిమాకు స్థానం దక్కలేదు. మొత్తం 98 సినిమాలతో పోటీ పడిన న్యూటన్ కు ఫైనల్స్ లో చోటు దక్కలేదు. రాజ్ కుమార్ రావ్ ప్రధాన పాత్రలో నటించిన ఈ సినిమా తిరుగుముఖం పట్టింది.


  • Widget not in any sidebars
  • మోడీకి పాకిస్తాన్ జవాబు
    Published Date : 11-Dec-2017 1:03:52 IST

    ప్రధాని నరేంద్ర మోడీకి పాకిస్తాన్ బదులు ఇచ్చింది. భారత్ లో జరిగే ఎన్నికల లోకి తమను ఎదుకు లాగుతారని ప్రశ్నించింది. ఆ దేశ విదేశాంగ శాఖ అదికార ప్రతినిది మాట్లాడుతూ బారత ఎన్నికల చర్చలోకి తమను లాగవద్దని వ్యాఖ్యానించారు. ‘భారత్‌ తన సొంత ఎన్నికల చర్చలోకి పాకిస్థాన్‌ను లాగడం మానుకోవాలి. కల్పితమైన కుట్ర ఆరోపణలకు బదులు సొంత బలంతో ఎన్నికలను గెలిచే ప్రయత్నం చేయాలి. ఈ కుట్ర కథనాలు ఆధారరహితం, బాధ్యతారాహిత్యం అని ఆయన వ్యాఖ్యానించారు.

  • కృష్ణవంశీ.. అది నిజమేనా?
    Published Date : 10-Dec-2017 11:00:46 IST

    వరస ఫెయిల్యూర్లలో ఉన్న దర్శకుడు కృష్ణవంశీ కూడా ఒకరు. ఈ మధ్యనే నక్షత్రంతో కెరీర్ లో మరో సూపర్ ఫ్లాప్ ను జోడించుకున్నాడు ఈ దర్శకుడు. అయితే ఇంత జరిగినా ఇప్పుడు మళ్లీ ఈ దర్శకుడికి స్టార్ హీరోలు ఓకే చెబుతున్నారట. తమిళ నటుడు మాధవన్ తో కృష్ణవంశీ సినిమా చేయబోతున్నాడట. ఇది మల్టీస్టారర్ అని.. ఇందులో ఒక ప్రముఖ తెలుగు నటుడు కూడా నటిస్తున్నాడని వార్తలు వస్తున్నాయి. ఇది మల్టీస్టారర్ సినిమా అని చెబుతున్నారు. మరి ఇది ఎంత మేరకు నిజమో త్వరలోనే క్లారిటీ వచ్చే అవకాశం ఉంది.

  • మురుగదాస్.. మరో స్టార్ హీరోతో!
    Published Date : 10-Dec-2017 10:59:39 IST

    స్పైడర్ సినిమా డిజాస్టర్ గా మిగిలిపోయినా మురుగదాస్ కెరీర్ కు ఇబ్బంది ఏమీ కలగడం లేదు. ఒకవైపు బాలీవుడ్ లో మరోవైపు కోలీవుడ్ లో ప్రయత్నాలు చేస్తున్న ఈ దర్శకుడికి మరో స్టార్ హీరోనే దొరికాడని సమాచారం. ఈ సారి విజయ్. ఇది వరకూ విజయ్ తో మురుగకు సూపర్ హిట్స్ ను రూపొందించిన నేపథ్యం ఉంది. ఈ నేపథ్యంలో మరోసారి విజయ్ ను డైరెక్ట్ చేయడానికి మురుగ రెడీ అవుతున్నట్టు సమాచారం. అక్షయ్ కుమార్ తో ఒక సినిమాను అనుకున్నా అది వర్క్ అవుట్ కాలేదని.. అందుకే విజయ్ తో చేస్తున్నాడట ఈ దర్శకుడు.


  • Widget not in any sidebars
  • సొంత డబ్బింగ్ చెప్పుకొంటున్న మరో హీరోయిన్
    Published Date : 10-Dec-2017 10:58:27 IST

    హరిప్రియ.. పలు తెలుగు సినిమాల్లో నటించిన కన్నడ అమ్మాయి. బెంగళూరులో పుట్టి పెరిగిన ఈ అమ్మడి సొంతూరు చిక్ బళాపురం. రాయలసీమ, కర్ణాటక బోర్డర్ లో ఉండే ఆ ఊళ్లో తెలుగే ఎక్కువగా మాట్లాడతారు. మరి అక్కడ నుంచినే అలవాటు అయ్యిందో లేక ఇండస్ట్రీలోకి వచ్చాకా చేర్చుకుందో కానీ.. ఇప్పుడు ఓన్ డబ్బింగ్ కు రెడీ అంటోంది ఈ భామ. బాలయ్య హీరోగా నటిస్తున్న జై సింహాలో ఒక హీరోయిన్ గా కనిపించనున్న హరిప్రియ తన పాత్రకు తనే డబ్ చెప్పుకోనున్నదని సమాచారం.

  • బీజేపీపై విరుచుకుపడ్డ నటుడు!
    Published Date : 08-Dec-2017 6:26:32 IST

    బీజేపీ ఎంపీ అనంతకుమార్ హెగ్డే వ్యాఖ్యలపై తీవ్రంగా విరుచుకుపడ్డాడు నటుడు ప్రకశాష్ రాజ్. హిందుత్వం, జాతీయ భావం ఒకటే అన్న ఆ ఎంపీ వ్యాఖ్యలను ప్రకాష్ రాజ్ ఖండించాడు. ఆ రెండూ ఒకటేనని అంటున్నప్పుడు అసలు మతం విషయాన్ని లేవనెత్తటం ఎందుకు? అంబేద్కర్‌, అబ్దుల్‌ కలాం, రెహమాన్‌, కుష్వంత్‌ సింగ్‌, అమృత ప్రీతమ్‌, డాక్టర్‌ కురియన్‌ వీరంతా ఎవరు?. నాలాగా మతాన్ని కాకుండా మానవత్వాన్ని నమ్మేవారి పరిస్థితి ఏంటి? మేం ఈ దేశానికి చెందిన వాళ్లం కాదా? పునర్జన్మలను నమ్మే మీరు హిట్లర్ వారసులా? అని ప్రశ్నించాడు.

  • సినిమా ఫ్లాప్.. హీరో క్షమాపణలు!
    Published Date : 08-Dec-2017 6:23:42 IST

    తను హీరోగా నటించిన ‘ఏఏఏ’ సినిమా ఫెయిల్యూర్ విషయంలో నిర్మాతకు క్షమాపణలు చెప్పాడు శింబు. ఆ సినిమా విషయంలో పొరపాటు తనదే అని అన్నాడు. అలాగే తనపై వస్తున్న విమర్శలకూ సమాధానం ఇచ్చాడు ఈ హీరో. తను ఇక నటించలేను అని కొంతమంది అంటున్నారని.. అయితే తనను మణిరత్నం పిలిచాడు అని శింబు చెప్పాడు. తనకు అస్సలు నటించలేని స్థితి వచ్చినా ఫర్వాలేదని వేరే పని చేసుకుంటాను అని శింబు వ్యాఖ్యానించాడు. అదీ కాకపోతే అభిమానులకు సేవ చేస్తూ బతికేస్తానని అన్నాడు.


  • Widget not in any sidebars
  • ‘పద్మావతి’కి కోర్టులో ఊరట!
    Published Date : 08-Dec-2017 6:20:28 IST

    వేరే ఏ దేశంలోనూ కళాకారులను ఇలా చంపేస్తామంటూ బెదిరించరని,‘పద్మావతి’ విషయంలో జరుగుతున్న ఆందోళనల నేపథ్యంలో బాంబే హైకోర్టు స్పందించింది. బెదిరింపుల కారణంగా సినిమా విడుదల అవకపోవడం చాలా బాధాకరం. ఈ దేశంలో ఓ ఫీచర్‌ చిత్రాన్ని విడుదల కానివ్వడంలేదు. అసలు మనం ఏ స్థితికి చేరుకున్నాం? ముఖ్యమంత్రులు కూడా వారితో సమానంగా ఆందోళనలు చేస్తూ సినిమాను నిషేధించారు…అంటూ ధర్మాసనం స్పందించింది. కోర్టు వ్యాఖ్యానాలు పద్మావతి సినిమా రూపకర్తలకు ఊరటనిస్తున్నాయి.

  • హారర్ సినిమాకు నాలుగో సీక్వెల్!
    Published Date : 07-Dec-2017 3:41:34 IST

    లారెన్స్ హిట్ వెంచర్ ‘ముని’కి నాలుగో సీక్వెల్ వస్తోంది. మునితో మొదలైన ఈ హారర్ సినిమాల పరపరం ఇప్పటి వరకూ మూడు వచ్చాయి. ముని, కాంచన, కాంచన 2 అంటూ సినిమాలు వచ్చాయి.. భయపెట్టాయి, విజయాలు సొంతం చేసుకున్నాయి. ఈ నేపథ్యంలో ముని 4 వస్తోంది. కాంచన 3 గా ఈ సినిమాను తెరకెక్కిస్తున్నాడు లారెన్స్. ఇందులో ఓవియా ముఖ్య పాత్ర పోషిస్తోంది. మరి మొదటి మూడు సినిమాలు హిట్టైన రీతిలోనూ నాలుగోది ఆడుతుందా? లారెన్స్ విజయపరంపర కొనసాగుతుందా?

  • ఇంతకీ సమంత పాత్ర ఏది?
    Published Date : 07-Dec-2017 3:40:21 IST

    సావిత్రి బయోపిక్ ‘మహానటి’లో సమంత ఒక జర్నలిస్టు పాత్ర చేస్తుందని వార్తలు వచ్చాయి. అయితే ఇప్పుడు ఇందులో ట్విస్టు ఏమిటంటే.. సమంతది జర్నలిస్టు పాత్ర కాదట. మరో ప్రముఖ నటి జమున పాత్రలో సమంత కనిపిస్తుందనే వార్తలు వస్తున్నాయిప్పుడు. ఈ సినిమాలో సావిత్రితో పాటు ఆ తరం సినీ ప్రముఖుల పాత్రలన్నీ ఉంటాయని మొదటి నుంచి వార్తలు వస్తున్న సంగతి తెలిసిందే. ఈ క్రమంలో సమంత చేస్తున్నది జమున పాత్ర అనే టాక్ వినిపిస్తోంది. అసలు సంగతేమిటో మరి.


  • Widget not in any sidebars
  • ఆర్కే నగర్.. విశాల్ మద్దతు ఎవరికంటే!
    Published Date : 07-Dec-2017 3:39:07 IST

    ఆర్కే నగర్ బై పోల్ లో పోటి చేయడానికి తను దాఖలు చేసిన నామినేషన్ పత్రాలను ఈసీ తిరస్కరించడం ఆగ్రహం వ్యక్తం చేస్తున్నాడు విశాల్. అయితే ఇంతటితో తను తగ్గేది లేదని విశాల్ ప్రకటించారు. తను స్వతంత్ర అభ్యర్థికి మద్దతు పలుకుతానని విశాల్ ప్రకటించాడు. అయితే ఆ స్వతంత్ర అభ్యర్థి ఎవరు అనే విషయాన్ని మాత్రం ఈ హీరో ఇంకా ప్రకటించలేదు. యువకుడు అయిన ఒక స్వతంత్ర అభ్యర్థికి మద్దతు పలికి గెలిపించుకుంటాను అని విశాల్ ప్రకటించాడు. మరి విశాల్ ఎవరికి మద్దతునిస్తాడో చూడాలి.

  • ఆ హీరోతో కలిసి రాజశేఖర్ సినిమా!
    Published Date : 03-Dec-2017 10:30:23 IST

    తేజ దర్శకత్వంలో వెంకటేష్ హీరోగా నటించబోయే సినిమాలో విలన్ పాత్రలో కనిపించబోతున్నాడట రాజశేఖర్. పీఎస్వీ గరుడ వేగ సినిమా విజయంతో ఉత్సాహంగా ఉన్న రాజశేఖర్ కు ఈ అవకాశం వరించిందని సమాచారం. నేనే రాజు నేనే మంత్రి హిట్ తో జోష్ లో ఉన్న తేజ వెంకీ, రాజశేఖర్ కాంబోలో సినిమాను రూపొందించబోతున్నట్టుగా సమాచారం. ఈ సినిమాకు ‘ఆట నాదే వేట నాదే’ అనే టైటిల్ ను పరిశీలిస్తున్నారట. ఈ నెలలోనే ఈ సినిమా ఆరంభం అవుతుందని తెలుస్తోంది.

  • బీజేపీ ఈవీఎంలను ట్యాంపర్ చేసింది
    Published Date : 03-Dec-2017 10:27:05 IST

    యూపీ స్థానిక ఎన్నికల్లో భారతీయ జనతా పార్టీ ప్రభజంనానికి కారణం ఈవీఎంలను ట్యాంపరింగ్ చేయడమే అని అభిప్రాయపడ్డారు కాంగ్రెస్ నేత ఆస్కార్ ఫెర్నాండేజ్. ఏ గుర్తుకు ఓటేసినా కమలానికే పడేలా ఈవీఎంలను సెట్ చేవారని.. అందుకే యూపీలో బీజేపీ విజయం సాధ్యం అయ్యిందని ఆయన వ్యాఖ్యానించారు. గుజరాత్ లో కాంగ్రెస్ విజయం తథ్యమని ఫెర్నాండేజ్ ఆత్మవిశ్వాసం వ్యక్తం చేశారు. తెలంగాణ కాంగ్రెస్ పార్టీ నేతలతో కలవడానికి హైదరాబాద్ వచ్చిన నేపథ్యంలో ఈ కాంగ్రెస్ నేత ఈ విధంగా స్పందించారు.